Tag: 文化

【新片速報】日本神人示範翻滾版「土下座」   網民:「謝罪文化最高峰!」

【新片速報】日本神人示範翻滾版「土下座」 網民:「謝罪文化最高峰!」

日本人謝罪做嘅「土下座」姿勢,動作唔難吖,不過要先打幾個後空翻再成功落地直接做到土下座,就一啲都唔簡單嘞。日本Twitter最近熱傳呢段片,事發地點係室內運動場,有個男仔一下彈起之後不停自轉,然後落地嗰下做出咗個完美嘅土下座姿勢,10分!有網民仲留言話係日本謝罪文化嘅最高峰,一啲都無誇張,入嚟有片睇!

Read more ›

Britney Spears仔仔cosplay菲利 熱愛日本動漫文化

眨吓眼Britney Spears兩個仔已經分別10歲同11歲,呢個時間,應該好鍾意睇動漫嘞,噚日Britney Spears就放咗呢張相上IG,分享自己個仔cosplay菲利嘅相,估唔到呀仔唔扮悟空扮菲利,果然有品味!再睇返一個月前,當時Britney Spears幫囝囝搞生日會,主題就係Pokemon,睇嚟佢好支持囝囝熱捧日本動漫文化,定還是佢自己本身都係fans呢?

Read more ›

有片:小九能西七「一門五傑」 教你爆粗

此片由YouTube頻道「伯賴」創作,名為《髒腔作勢》,主旨講「文化→言語→粗口」,Exactly中Point!要了解一個地方文化,有乜好過學番三兩句粗口。草根?草根就梗架喇,再同英文比,你會發覺粵語粗口更變化無窮、更博大精深,淨係「門」加「小」、「九」、「能」、「西」、「七」呢「一門五傑」,就已經可以組成唔同粗口字句組合,唔使舉例,你實識講。悶悶哋,建議孖埋身邊女同事一齊睇,睇完你可以對女同事講:「你化妝化到成個撚樣咁喎。」意指「化妝技巧高超」,齊齊有啖笑咁囉。

Read more ›

日本cosplay文化「着ぐるみ」相集 攝影師:「面具最難搵!」

Cosplay細分嘅話有好多種,其中一類叫「着ぐるみ」(Kirigumi / Dollers),即係戴埋面具還原成二次元角色,外國攝影師Laurie Simmons對kirigumi好有興趣,仲搵咗一班cosplayer合作,拍攝咗一輯以kirigumi做主題嘅相集,佢話最難係搵係乳膠製嘅面具,上網見有俄羅斯coser整得出神入化,之後佢自己學整,另外第二樣重要元素就係肉色嘅緊身衣「ゼンタイ」(Zentai),睇相見佢好認真拍攝,雖然有人會覺得感覺有啲詭異,其實呢啲都係動漫文化嘅一種吖。

Read more ›

日本舉行「枕頭大戰」 推出專用枕頭

掟枕頭呢啲咁私人嘅嘢,都可以拎出嚟做比賽,真係日本人先諗得出。話說最近日本有個新組織專門推廣掟枕頭文化,仲推出埋專用枕頭,據講重量適中唔會咁易掟傷。組織最近仲喺伊豆舉行掟枕頭比賽,比賽地點係一個室內籃球場,場中間間開好似打籃球咁兵分兩路,之後哨子一響就開始互掟‥‥‥場面好混亂,入嚟有片睇。順帶一提,個枕頭有得賣,每個連稅3150円,有需要可以去搵吓。

Read more ›

日本單眼娘熱潮 萌還是恐怖?

日本漫畫女主角對眼好多時又大又閃,再唔係就賣眼鏡娘造型,不過最近日本漫畫界就興起單眼娘熱潮,即係女主角塊面只得一隻眼!由於得一隻眼,所以呎吋極大,大到好多時鼻都無埋,而且呢類角色通常比較怕醜同埋扮演弱者嘅角色。由日本藝術家組成嘅虛擬社群pixiv仲將每個月第一日定名為單眼日,因為兩者喺日文讀音相似,老實,單眼女主角有啲恐怖,尤其是見到有人cosplay,大家有無同感?

Read more ›