Tag: 文具

有片:日本文具品牌Seed 推出透明擦膠Clear Radar

有片:日本文具品牌Seed 推出透明擦膠Clear Radar

相信學生年代嘅你我他,都總用過日本文具品牌Seed嘅擦膠,藍色包裝紙加雪白軟膠,手感唔錯兼幾好擦吓。話說呢個有63年嘅老牌子,經多年研發,終於製造出第一塊透明擦膠Clear Radar。或者你會問,無端端整到變透明為乜?擦嗰陣唔會俾擦膠本身遮住視線囉,擦邊一點、邊一條線、邊一個筆畫都可以更精準囉,日本人就係有呢種細心。同時,Clear Radar亦由原來嘅藍色包裝紙變成淺藍色半透明包裝膠套,唔易撕爛兼唔易整唔見,潮得嚟又係好User-friendly啫。

Read more ›

日本網絡紅人發明      「辦公室減零食」文具變零食

日本網絡紅人發明 「辦公室減零食」文具變零食

日本網絡紅人ARuFa最叻創作無聊嘢,最新喺Twitter分享咗呢幾款文房四寶。表面睇佢哋係膠水、擦膠、漿糊、橡筋盒,不過其實俾佢改造成不同嘅零食,包括茶(膠水)、軟糖(擦膠)、煉奶(漿糊)同埋炒麵(橡筋),據佢所講,咁做可以減低喺辦公室食零食嘅意欲,有無人想挑戰吓?

Read more ›
【貓奴必買】日本文具扭蛋 借隻喵手放文具

【貓奴必買】日本文具扭蛋 借隻喵手放文具

現實生活中,你隻貓唔單止唔會借隻手俾你用,你捉住佢隻手時佢仲會好嫌棄咁推開你。日本扭蛋公司EPOCH呢個「猫の手まだまだかします」系列好實用,唔同姿勢嘅喵可以俾你放筆、膠紙、擦膠等文具,喵奴放到成枱都係實好開心。

Read more ›

【超正】電視台喪屍文具超有心思 釘書釘插爆雙眼

鍾意喪屍嘅見到呢堆設計應該會好興奮,澳洲電視頻道13th Street設計咗一套文具,入面每件都好有心思,例如釘書位啱啱好插爆雙眼、打窿位仲插穿眼球喉嚨,不過用嘅時候要對準位鑿落去‥‥‥連信封打開嘅位置都特別有心思,撕開嗰吓成對眼爆開,仲有血爆開配合,應該好有快感,超正。

Read more ›

有片 日本神奇鉛筆 永遠用唔完媲美《叮噹》法寶

唔係最新不過啱啱先見倒,呢支號稱永遠用唔完嘅鉛筆,由日本文具公司 Nakajima Jukydo製作,係咪好似《叮噹》入面嘅法寶?其實重點在於個鉛筆刨,入面有3個唔同嘅刨筆孔,其中有個係將支筆頭削幼,另一個就係將鉛筆尾挑空,咁就可以將用到好短嘅鉛筆駁埋一齊,咁以後支筆就用極都唔完嘞。令我諗起細過用過嘅子彈鉛筆,一粒粒可以換芯嗰款呢?入嚟有回帶。

Read more ›

新片速報 韓國學生自製彈珠機 原子筆擦膠當彈牆

以前讀書時有無玩過彈珠機?唔止士多門口有得玩,好多筆盒都出埋迷你彈珠,雖然簡單但係好襟玩。估唔倒韓國學生都咁有興緻,居然用擦膠同原子筆自製彈珠機,幾個同學仔圍喺枱面合作玩,睇落幾過癮,好過成日撳手機喎。

Read more ›

《PUZZLE & DRAGON》推出擦膠 唔敢寫錯字

擦膠,自從離開咗學校之後已經好耐無用過,不過讀緊書嘅仲有好多轉珠迷,所以日本玩具商RE-MENT啱啱宣佈出《PUZZLE & DRAGON》擦字膠,總共有8款,全部立體造型,3月24日推出,每隻賣300円。咁即係迫我唔好寫錯字啫,一刷就無咁隻角或者甩咁隻翼,好難搞喎!

Read more ›

《半澤直樹》大熱日劇出文具 打工仔秘密用

日劇《半澤直樹》喺日本真係好紅,除咗成為今季No.1 收視嘅日劇,仲有一系列周邊產品搶住出籠。之前介紹過有加倍奉還饅頭,轉頭就見倒呢套即將喺9月推出嘅文具系列,有齊打工仔必備嘅原子筆、筆記簿、File同埋Memo紙,仲印埋「東京中央銀行」字樣,搞到我都好想買返套擺喺公司振聲威。只不過,如果老闆咁啱有睇呢套日劇,會唔會覺得我想作反而針對我?我唔想日日返工為報復呀!

Read more ›