Tag: 整容

【有片】日本女仔公開整容前後     對比超大Twitter熱傳

【有片】日本女仔公開整容前後 對比超大Twitter熱傳

整容越嚟越普遍,喺日本仲越嚟越多人公開承認自己整容。繼之前有位cosplayer用700萬円整容後(入嚟有回帶),最近呢個叫早川嘅日本女仔都喺Twitter放咗自己整容前後嘅對比相,吸引勁多人留言。睇相好難相信係同一個人,佢話自己主要整咗對眼同加建咗個鼻,另外下顎都整過,令佢由國子臉變V煞臉,再加上佢用咗1年半減肥,由85公斤減到52,所以效果咁驚人!錢方面就整眼用咗50萬円,下顎用咗5萬円,同上次700萬円整容嗰個日本cosplayer比平好多,入嚟有多啲佢嘅相回帶。

Read more ›

【邊度似先】馬來西亞Model 30萬整容變《Final Fantasy VIII》Squall

【邊度似先】馬來西亞Model 30萬整容變《Final Fantasy VIII》Squall

整容呢啲嘢成日都見,都唔只囡囡喇,囝囝都會,蛇精V臉咩都有。不過以《FF VIII》嘅Squall Leonhart為目標……因為我都諗過整《FF VII》阿Cloud個髮型,所以我欣賞佢,但我唔欣賞佢個整容醫生。21歲嘅Amirul Rizwan Musa自2014年開始,總共用咗$46,865美元去整容,佢o依家都有啲人氣嘅,但講到似,又好似唔係太似。

Read more ›
島崎遥香被指整鼻失敗       日本網民:「之前好啲喎!」

島崎遥香被指整鼻失敗 日本網民:「之前好啲喎!」

島崎遥香經常成為網民評論對象,最近有人放咗佢嘅對比圖,話佢個鼻明顯整咗容。睇相見到右邊圖鼻頭高少少,不過有可能係角度問題啫。網民嘅留言好激,有人話:「左邊係before?失敗」、「之前好啲喎」、「醫生技術太差」,之後好多人放返佢之前嘅相,亦有其他疑似整容嘅女藝人相。究竟有無整過?真係好難定奪,大家入嚟自己研究吓。

Read more ›

宮崎葵已經不能用鼻呼吸 網民:「個鼻好似刃牙!」

日本藝人宮崎葵唔經唔覺已經30歲,演技一向唔錯嘅佢,曾經3次入圍日本電影金像獎最佳女主角,之前做過電影《Nana》,仲記唔記得?不過最近網民就發現佢個鼻有啲怪。有網民喺2ch放咗佢出席活動嘅近照出嚟,題目係:「宮崎葵已經就快唔可以用個鼻呼吸嘞」,睇返佢個鼻孔真係縮細咗咁,網民留言話:「即刻老咗」、「個鼻好似刃牙(動漫角色)」、「點解要整容呀?」、「好似Michael Jackson」,入嚟有其他相睇可以評吓理。另外有人放返佢全盛時間嘅舊相比大家回帶,包括當年嘅電影《Nana》,好青春!

Read more ›

【討論帖】日本聲優有無整容? 網民估嚟估去熱烈爭論

究竟日本聲優高野麻里佳有無整過容?最近日本網民熱烈討論呢件事,樓主話估唔到已經到咗一個「聲優都要整容」嘅年代,然後就放咗著名聲優高野麻里佳嘅舊相同新相上討論區,有網民就話:「應該係P咗圖唧」、「雙眼皮都可以貼出嚟,未必一定要整容」、「樓主係唔知道化妝力量嘅處男」。咁究竟有無整過?而家呢個年代,又化妝又P圖,要知道一個人有無整容,我諗真係要睇埋佢落妝先可以答到。

Read more ›

有片:整容失敗成面血!千人一面真係好?

間尺鼻加錐子臉,五官膠化真係靚咩?故事講兩個女同學仔好貪靚,本身佢哋已經夠靚,但都決定整容,同學A因為唔夠錢所以整唔成,同學B整完容搵同學A,同學A驟感失落,因為當千人一面嘅時候,自己無整容反而成為異類。未幾,終於有醫務所肯為A整容,但好可惜手術失敗,同學A成面血包晒繃帶,同佢心目中嘅理想容貌有天壤之別。片末無交代同學A塊面核突成點,留番啲空間畀觀眾反思,而睇完呢條片,我認我係有啲不安嘅。

Read more ›

【整容】日本女250萬円整「石原聰美」樣 網民:「完全唔似!」

250萬円變到好似石原聰美咁嘅樣,貴唔貴?如果似嘅話都抵嘅。最近有個日本女仔笹野千枝里上咗電視節目,公開自己嘅整容經歷,佢嘅目標係要整石原聰美樣,總共駛咗250萬円,即係港幣15萬左右,最明顯係整大咗對眼同整高咗個鼻,不過網民就話:「完全唔似石原聰美,不過都算整形成功,靚過未整之前」、「淚袋果然好重要」、「要再瘦返啲」、「接受唔到整形嘅女仔」。其實各位點睇整容?接唔接受倒?

Read more ›

橋本環奈童年照熱傳 100%純天然叔叔不行了

眨吓眼日本嘅天使橋本環奈已經16歲,咁呢位日本千年一見嘅天使,係咪一出世已經咁可愛咁清純?最近日本網民就瘋傳佢嘅童年照,原來佢細細個已經眼仔碌碌好靚女,由BB到小學,一直都係咁可愛,而且肯定100%純天然無人工改造,難怪網民睇完都大嗌叔叔不行了,仲有人話佢已經靚到超越咗人類,仲話:「至今育成成功中。」唔怪得話係千年一見,無誇張。

Read more ›

揚威海外 內地整容男膠樣炫富 日本網民:「夜晚見到會嚇到標尿」

呢位叫劉梓晨嘅中國男子可能你之前都見過,最近佢仲紅到去日本,好多日本網民喺2ch討論,因為佢個樣實在整得太誇張!對眼大到跌出嚟,下巴仲尖過范冰冰,睇埋整容前嘅證件相,真係100%阿媽都唔認得佢。日本網友話:「佢對眼好似爬蟲類動物!」「夜晚見到會嚇到標尿」。上佢嘅微博睇,原來佢仲係富二代,經常炫富,例如跌爛咗部iPhone6就話好彩自己買咗幾部備用;出咗張白金信用咭就同網友講,張咭有過100萬信用額,無見過世面嘅要上網查查唔好比人笑,睇完文字再望埋佢個樣,我諗大部份人都會同我一樣,拳頭硬晒。

Read more ›

有片 瘋狂fans切鼻整容 扮《美國隊長》Red Skull

呢單新聞我諗咗好耐寫唔寫好,因為件事太核突。話說委內瑞拉有位瘋狂Fans Henry Damon自細好鍾意《美國隊長》都有出過場嘅Marvel角色Red Skull,最終仲決定走去整容!首先佢喺額頭植入咗嚿嘢,之後仲切埋個鼻,又將對眼珠紋成黑色。下一步佢話準備將全塊面紋身紅色。睇落好恐怖,上星期佢出席咗一個國際紋身活動,睇到旁人呆咗。而佢本身係有太太同埋小朋友,今年37歲,老實,我唔係幾接受倒。

Read more ›

【有片】Model願望變身吹氣娃娃 3萬歐元變32G

o依家啲吹氣公仔好似真人咁,好靚吖,但好多年前,有個吹氣公仔叫Mary你識唔識?呢位30歲美國Model佢就花咗3萬歐元,希望可以變成一個吹氣公仔咁……佢做咗3次隆胸手術變成32G,亦都做咗隆唇、打Botox呢啲基本嘢,睇番佢原本個樣,唉。

Read more ›

韓國老翻人 Model整容變Miranda Kerr

Miranda Kerr,我晚晚都見幾次,喺電視個廣告度。所以見到呢位韓國Model「Hong Yuh Reum」就覺得好熟口面。佢接受日本電視台訪問時話自己第一次喺雜誌見到Miranda Kerr就好鍾意佢,因為佢有Baby face得嚟又好Sexy咁話,之後,佢就要求醫生幫佢整整個樣,最後對眼個鼻同個嘴都整咗,咁老實,都算整得幾靚嘅。

Read more ›
韓國整容醫院出證書     以防海關唔認得

韓國整容醫院出證書 以防海關唔認得

你的樣子如何,你的日子也必如何,所以去韓國整容嘅人亦越嚟越多。不過問題嚟喇,當你整到唔同晒樣,入境處職員望住張證件相,點樣分辨相中人就係同一個人?韓國網站Onboa同Munhwa報導,韓國最近越嚟越多整容醫院開始為外地嚟嘅整容客人預備整容證書,入面寫明客人嘅姓名、證件號碼、逗留日數、醫院資料等,咁海關就唔駛認得咁辛苦,整咗嘅亦唔駛解釋得咁尷尬,係囉,阿媽都唔認得,何況海關?

Read more ›

新片速報 韓國遊戲角色 提臀豐胸乜都得

估唔倒而家韓國game設計角色嘅技術去到咁細緻,講緊嘅係MMORPG遊戲《Black Desert검은사막》,官方最近放咗一段介紹角色設計嘅短片,十足明星夢工場,每個角色可以設定嘅嘢多到難以想像。先講身裁,隆胸收腰變長腿提臀全部有得360度慢慢執;頭髮方面,可以做局部染髮以至逐撮頭髮修改;樣貌仲誇張,眼型鼻型有得整不在話下,連眼珠嘅光暗大小、眼睫毛長短直翹都有得整,果然係整容王國,人設好正,不過gameplay畫面就‥‥‥

Read more ›

慎入!化妝前後兩個樣 17位索女真人示範

Nel Nel都可以變索女,由細到大傳媒已經教識我哋化妝係一個騙局,偏偏每分每秒都有人中伏,外國網站搜羅咗17位女性嘅化妝前後對比相,大家不妨擘大眼睇清楚現實世界。闊面可以變尖面、圓下巴可以變蝦蛟下巴,原本唔靚嘅可以變到超索,不過睇還睇,去到現實,大家都係會照樣比化行妝嘅靚女呃倒,兵不厭詐呀。

Read more ›