Post Tagged with: "教師"

【有片】外國教師自創「抱抱大會」 超有愛1400萬瀏覽
by / on 05/12/2018 at 7:11 am

【有片】外國教師自創「抱抱大會」 超有愛1400萬瀏覽

教育好重要,呢段片由一位老師喺Twitter發放,短短幾日已經有1400萬瀏覽,仲有大量正評。呢個「抱抱行動」估計由老師創立,每次有一個同學仔「受惠」,放學嘅學生可以自選牆上一個標記,選擇同「受惠學生」抱抱、握手、High Five、擊拳,睇片見大部份同學都選抱抱,有人仲揀晒4樣,好可愛!不過呢,當中有一個學生就乜都唔揀走咗去,有網民仲cap咗「受惠學生」嘅表情,網民都話好想抱吓佢俾啲愛佢喎。

Read more ›

西非山區教用MS Word無電腦 男教師用粉筆黑板畫出畫面
by / on 24/02/2018 at 12:43 pm

西非山區教用MS Word無電腦 男教師用粉筆黑板畫出畫面

乜嘢叫教學熱誠?西非迦納嘅呢位男教師就示範咗嘞。佢喺當地嘅偏遠地區教學,上堂想教學生用Microsoft Word,可惜學校根本無電腦,讀Visual Arts嘅佢就諗到將成個畫面喺黑板度畫出嚟,再逐項解釋。佢將相片放上Facebook後好多人分享同留言,好多人都想像唔到仲有地方無電腦。好快有善心人捐助電腦同投影機俾佢哋,佢仲計劃將部份捐俾附近都係教ICT(Information and Communications Technology)嘅學校,好有意思!

Read more ›
日本教師天才級發明 電熱水壺「電腦」Twitter熱傳
by / on 07/02/2018 at 7:01 am

日本教師天才級發明 電熱水壺「電腦」Twitter熱傳

係天才級嘅發明呀!日本呢位教師自製咗個電熱水壺電腦,表面睇係一個電熱水壺,打開個蓋會見到入面有齊電腦底版,旁邊就係大大小小唔同嘅插孔,可以插USB手指同VGA線,好有達文西feel,入面嘅配備據講係Intel i3,佢仲試用嚟成功駁著咗個芒。不過合埋個蓋之後應該排唔到熱嘞。

Read more ›
【有片】學生0%缺席率 白俄羅斯數學教師太吸引
by / on 12/10/2016 at 1:47 pm

【有片】學生0%缺席率 白俄羅斯數學教師太吸引

老實答我,如果你老師係佢咁嘅樣,你會唔會走堂?呢位居於白俄羅斯首都Minsk嘅女教師Oksana Neveselaya,教數學嘅,我唔知佢係咪教得特別好,不過據講佢嗰班學生嘅缺席率係0%,咪住先,係咪男校嚟?有學生拍咗佢上堂時嘅影片,窄身裙明顯對計數有幫助,仲有佢個instagram,真係上底加下底乘以高除以二呀!

Read more ›
新片速報 生物科教師上堂除衫 著內臟緊身衣教書
by / on 11/10/2015 at 1:11 pm

新片速報 生物科教師上堂除衫 著內臟緊身衣教書

點解以前我返學無啲咁生動嘅課堂?呢位喺荷蘭教生物科嘅老師Debby Heerkens對教學好有熱誠,為咗教識一班小學雞生物科知識,例如人體內臟嘅分佈、骨頭嘅架構等,居然上上吓堂企上枱面,然後係枱上突然除衫,最後除淨一副內臟。原來佢總共買咗兩款緊身衣,一款係內臟,另一款係骨頭,雖然課堂上只得幾個學生,但佢依然好認真好投入。呢條片放上網幾日已經接近200萬點擊,睇完我只係想講,如果個Miss再靚啲肯定不得了。

Read more ›
日本咸濕教師偷拍女生換衫       校長修復影片被恥笑
by / on 16/05/2015 at 1:39 pm

日本咸濕教師偷拍女生換衫 校長修復影片被恥笑

呢單新聞本身好正經嘅,但就比日本網民瘋狂恥笑。話說琦玉縣嘅市立大宮西高校,有個咸濕嘅57歲男教師帶班跳舞班學生出去參加比賽,期間見倒幾十米外觀眾席有其他學校嘅女生換衫,佢自稱「失去理性」拎咗部攝影機出嚟zoom住拍,大庭廣眾下當然比大會工作人員發現,之後校長接到投訴,但係部機入面已經無晒資料,佢就諗到要修復還原返條片,最後搵到換衫片嘅罪證,男教師被罰停職3個月。好嘞,網民就開始恥笑呢位校長嘞,話佢分明自己想睇,又話做校長真好,仲話佢肯定自己保存咗一份。係囉,梗係要留底啦,罪證喎!

Read more ›

【斷正】日本教師上堂誤播AV 學校發聲明「嚴正處理」
by / on 19/04/2015 at 1:44 pm

【斷正】日本教師上堂誤播AV 學校發聲明「嚴正處理」

日本男人睇AV本來都好平常,但係如果為人師表,仲要喺上課途中誤播AV,咁就大件事嘞。話說九州大學農學部最近出咗事,負責教學嘅男教授上堂時播片,點知播完後電腦顯示歷史紀錄,跟住嗰30秒自動播放咗3張AV入面嘅相片,教授發現後就閂埋部電腦扮無嘢繼續上堂,可惜班上嘅100個學生之中已經有人影低咗放埋上Twitter,斷正都無得拗嘞。九州大學方面亦馬上發表咗聲明,話對呢件事表示遺憾,而家會嚴正處理。BTW,個學生都唔衰得晒,起碼佢幫阿Sir個樣落咗重格‥‥‥

Read more ›
非常教師改簿露兩手    紅筆畫公仔
by / on 06/01/2015 at 7:21 am

非常教師改簿露兩手 紅筆畫公仔

日本學生好鐘意喺教科書入面畫公仔,我哋細過讀書都畫唔少,原來泰國學生都有咁嘅嚐好,而且唔止學生,連老師都玩埋一份!呢位網名叫Squeezymo嘅泰國教師,改簿嘅時候經常手痕忍唔住用紅筆喺學生嘅大作上面加幾筆,畫功唔算好靚,但係嗰種鼓勵學生創作,同學生玩埋一份嘅精神我就好欣賞。佢仲開咗個網站將呢套作品放上網,比在喺香港,會唔會有好多怪獸家長投訴?

Read more ›
日本網報道 強國又現美女教師
by / on 25/10/2014 at 7:36 pm

日本網報道 強國又現美女教師

我平時睇啲電影,成日有靚女教師出現,而且仲……但理想與現實,食個漢堡都體會到,邊有咁多女教師系列吖。唔係喎,強國之前介紹咗一個,啱啱又有一個上咗日本網,就係吉林市毓文中學呢位,有一名鄧媛媛,而且佢仲係一位生物科老師,即係解構人體各部份都係靠佢……據講呢位老師嚟自四川,畢業於東北師範大學,已經被學生公認為女神,2012年任教到o依家,話佢上嘅堂冇一個男同學會恰眼瞓……

Read more ›