Post Tagged with: "故事"

故事繪本合集《鬥恐怖》 謝森龍異畫插畫
by / on 04/07/2019 at 10:00 pm

故事繪本合集《鬥恐怖》 謝森龍異畫插畫

今年書展,「創造館」會推出一本短篇故事繪本合集《鬥恐怖》。小說部份,由史兄、三聯幫牟中三、馬菲、陳四月、何晞賢、一樹同余兒負責,有真人真事、以訛傳訛、道聽塗說等靈異鬼故事,可以慢慢煲。插畫方面,由謝森龍異繪畫,佢手畫唔使多介紹喇,我必買Item。

Read more ›

【圖文不符】Photoshop催淚故事 100%真人真事FB熱傳
by / on 20/10/2015 at 7:12 am

【圖文不符】Photoshop催淚故事 100%真人真事FB熱傳

自從有咗Photoshop世界就變得不一樣,女士想回復青春除咗整容,仲可以靠執相。攝影師Victoria Caroline最近喺自己嘅Facebook分享咗呢張相同背後嘅感人故事,喺FB引起好大迴響。佢話有一日有個40幾歲嘅女人搵佢影相,而且拜托佢幫手執走啲皺紋、橙皮紋、妊娠纹、肥肉‥‥‥希望自己可以重新靚一次,將輯相送比老公。最後佢哋影咗輯相仲PS得好完美。三日後,攝影師收到一個電郵,內容大致如下:「我係佢嘅丈夫,我同佢由18歲開始拍拖,無咗妊娠纹嘅佢,就等於無咗我哋BB嘅回憶;無咗皺紋嘅佢,就等如抹殺咗過去20年我哋嘅歡樂;無咗橙皮紋嘅佢,就等如無咗我哋一齊好開心咁食咗好多美食嘅回憶。呢輯相入面嘅女人雖然好完美,但已經唔係我太太。多謝你令我發現自己無俾足夠嘅愛佢,由今日開始,我會同佢一齊慶祝佢嘅不完美。」睇完有無毛管戙?我有少少,但都覺得好感動。有興趣可以入嚟睇埋佢嘅完整內容,眼淺嘅帶定紙巾。

Read more ›
【超強兵法】活用LINE雞仔貼圖     老作出大時代故事
by / on 23/05/2015 at 1:29 pm

【超強兵法】活用LINE雞仔貼圖 老作出大時代故事

玩得LINE嘅都試過唔覺意買咗啲貼圖,之後發現無乜點用嘥晒啲錢。不過呢個台灣網友就好有創意,專登買咗一組平時好少用嘅雞仔貼圖,然後用佢哋嚟組成一個小故事,估計都係用嚟氹女仔多。佢總共用咗31張雞仔貼圖,每次配4個字,由相識、相愛、交配、鬧交、分手、和好‥‥‥用咗10分鐘講完一個大時代故事,好感人,下次同娘娘無乜嘢講,都可以作個故仔氹吓佢,但大前題係你要有好豐富嘅創作力。

Read more ›
新片速報  1000杯咖啡拍stop motion   日本愛情短片熱播
by / on 27/12/2014 at 2:04 pm

新片速報 1000杯咖啡拍stop motion 日本愛情短片熱播

勁喎!日本人好鍾意玩latte咖啡,普通拉花都唔夠,仲要玩埋3D拉花,最近又有新嘢玩,就係整咗1000杯唔同款式嘅latte,用stop motion拍成一段短片,好勁!影片由男女主角相遇到結婚,係就係浪漫咗啲,閃到我有啲眼花,但係有晒情節好好睇。不過識睇嘅,一定睇埋making of,由前期電腦繪圖,到現場整足1000杯咖啡,真係好大陣仗。話時話,1000杯咖啡,捱幾晚通宵先飲得晒?

Read more ›
玩具講故事       李小龍劈蕉 / 蜘蛛俠拍蚊
by / on 02/02/2014 at 12:45 pm

玩具講故事 李小龍劈蕉 / 蜘蛛俠拍蚊

年初三赤口無得去拜年,不如搵返啲玩具出嚟幫佢哋影輯相啦。之所以咁諗因為睇倒俄國玩具迷兼攝影師VSE OK呢輯相,勁在唔止影相,仲有埋故事,主角方面有李小龍、蜘蛛俠、Joker、Superman、Iron Man等等玩具,劇情唔算好豐富,但勝在搞笑唔膠,好過睇賀歲片。

Read more ›