Post Tagged with: "收養"

【奇妙配搭】兩鴨兩狗超溫馨 一齊被收養幸福滿瀉
by / on 01/04/2016 at 7:10 am

【奇妙配搭】兩鴨兩狗超溫馨 一齊被收養幸福滿瀉

個主人有愛心,啲寵物都特別得意嘅,講緊係呢兩隻狗狗同兩隻鴨仔。主人先後收養咗兩隻狗Pikelet同Patty,最近佢哋仲收養埋一對出世無耐嘅鴨仔Pikelet & Patty(估唔到外國連鴨仔都有得收養)。好快呢兩狗兩鴨就friend咗,而家食玩瞓都一齊,好溫馨。主人仲會帶佢哋一齊去公園玩或者去狗沙灘游水,四隻動物一齊出巡,諗起都開心。再睇返香港,想搵個公園帶動物去玩都難,唉。

Read more ›

【真‧貓奴】失明喵星人感人故事 愛心主人無慮收養
by / on 11/03/2016 at 7:18 am

【真‧貓奴】失明喵星人感人故事 愛心主人無慮收養

好感人嘅故事,呢隻叫Jasmine嘅喵星人塊面有啲似鍾無豔,但一對眼仔碌碌好可愛,可惜佢雙眼係失明嘅。主人Sandra Coudray喺法國動物收容所嘅facebook第一眼見到呢隻喵已經決定收養佢,因為佢之前養過一隻貓,年老時都失明,所以佢有信心可以照顧好呢隻可愛嘅喵星人。而家失明喵星人由當初好怕人,變到而家勁鍾意親近主人,睇相都感覺到佢好幸福。各住貓奴,有能力嘅話記住幫多啲需要照顧嘅喵星人呀。

Read more ›
【慈父】喵爸爸收養7隻狗狗 一家八口好和諧
by / on 04/03/2016 at 7:18 am

【慈父】喵爸爸收養7隻狗狗 一家八口好和諧

好可愛,第一眼未必見到呢隻喵星人,因為佢企咗喺最旁邊,屋企本來一喵坐大嘅佢,最近多咗新成員,仲要一嚟就七隻長毛芝娃娃,可能佢都知無得揀,所以第一日開始已經同佢哋玩,仲經常照顧呢班狗狗,又幫佢哋開水沖涼,又會一齊瞓一齊玩,十足一個慈父喵爸爸,雖然佢個樣睇落好cool。

Read more ›
【好人好事】善心人一連收養兩隻老喵    好朋友喵星人終於團聚
by / on 01/01/2016 at 2:01 pm

【好人好事】善心人一連收養兩隻老喵 好朋友喵星人終於團聚

新一年,睇到啲好人好事,心情都靚啲。大家都知,年紀大嘅喵被收養嘅機會就會減低,不過外國有個好心人就收養咗11歲嘅喵星人Moji,可惜Moji個16歲嘅好朋友Max就無咁好彩,雖然一齊住喺美國嘅動物收容所Anne Arundel County Animal Control shelter,不過就無被領養。但係奇蹟發生嘞,幾日後,呢位女士主動返返去收容所,仲簽紙收養埋Max!佢話因為返到屋企思前想後,諗起16歲嘅Max餘生可能就要喺籠入面渡過,覺得好唔忍心,所以返轉頭收養埋佢。而家兩隻好朋友喵星人可以一齊生活,好幸福。2016年,想養動物嘅,記住以領養代替購買,俾多啲動物一個幸福嘅家啦。

Read more ›
【感人】單眼喵星人「海盜」 被收養後成日咕嚕咕嚕
by / on 01/11/2015 at 3:50 pm

【感人】單眼喵星人「海盜」 被收養後成日咕嚕咕嚕

呢隻叫Pirat(Pirate海盜)嘅喵星人只得一隻眼,背後嘅故事好感人。當初佢係一隻又瘦又污糟而且受咗傷嘅貓,喺街流浪之後俾而家嘅主人發現咗再帶佢睇獸醫,醫生話佢隻眼受傷太深要做手術切除,經過幾日留院,佢哋先發現原來隻貓唔係灰色係白色,唔係兩個月大而係兩歲。最後手術成功,主人帶咗佢返屋企,仲幫佢改咗個好型嘅名叫Pirat(Pirate海盜)。主人話貓貓而家好開心,成日講嘢同咕嚕咕嚕,仲好鍾意跳上枕頭同佢哋一齊瞓,佢嘅Instagram有大量生活照。睇完咁溫馨嘅故事,大家以後見到有需要幫助嘅小動物,都記住要伸出援手。

Read more ›
【IG超人氣】可愛松鼠被收養 最鐘意表演玩尾
by / on 08/10/2015 at 7:12 am

【IG超人氣】可愛松鼠被收養 最鐘意表演玩尾

究竟GameoverHK係一個遊戲網站定係動物網站?有時我都唔係分得好清楚,但編輯話如果係得意嘅嘢就唔怕share,咁今次呢隻松鼠得意成咁,好難唔介紹啦。佢叫Jill,今年兩歲,之前因為一次颱風由自己個巢度碌咗落嚟,之後就比而家嘅主人收養咗嘞,仲成為咗IG界名人添。睇相見佢眼仔碌碌表情多多,仲好鐘意玩自己條長尾,加上面圓圓又爛瞓,真係好難唔紅嘅。

Read more ›

【感動】主人收養患癌狗狗 嘆盡美食創造開心回憶
by / on 09/07/2015 at 7:12 am

【感動】主人收養患癌狗狗 嘆盡美食創造開心回憶

好彩呢個世界仲有好心人,令世界更加美好。呢位外國女士Nicole Elliot最近收養咗隻患咗癌症嘅狗狗Chester,佢話喺收容所見到Chester後念念不忘,好想喺狗狗有生之年比啲開心嘅回憶佢。Nicole帶狗狗去食最出名嘅Nathan’s熱狗,又帶佢去shopping買床仔、靚靚圍巾同埋大量零食玩具,仲幫佢扮靚換髮型,唔再係蓬頭垢面。睇返佢收養前後嘅對比照,真心覺得呢位主人實在好有愛心,Chester好幸福,加油呀!

Read more ›
可愛豬仔相集     4磅跳升到500磅
by / on 23/12/2014 at 7:06 am

可愛豬仔相集 4磅跳升到500磅

做人真係好矛盾,我好鍾意食豚肉,但係又覺得豬仔都幾得意,尤其是有人養,又乾淨又可愛嘅豬仔。好似呢隻由加拿大夫婦收養嘅豬仔Esther,短短兩年間由4磅跳升到超過500磅嘅大肥豬,分明係太過好食好住!由於佢太可愛,仲令到佢哋兩夫婦決定戒肉變為素食者。佢哋亦好識做生意,網站入面有豬仔Esther嘅產品賣,例如2015年年曆、明信片、T恤等等,睇完我決定今日都係唔食豬肉住喇。

Read more ›