Post Tagged with: "收養"

【有片】日本網民收養小貓 一家三口超幸福
by / on 21/05/2019 at 7:28 am

【有片】日本網民收養小貓 一家三口超幸福

每朝可以俾貓包圍住嘅感覺真係好幸福,日本呢位貓奴仲有3隻喵,忌廉色、啡色、黑色,一家三口好溫馨!其實中間隻貓仔係樓主5月初喺街度執返嚟嘅流浪貓,估唔到好快已經同屋企兩隻貓打成一片,入嚟有多啲相同片睇,每日望住佢哋已經係最好嘅娛樂呀。

Read more ›

【成功上樓】流浪喵主動瞓人肚腩 事主瞓醒決定收養
by / on 12/03/2019 at 7:24 am

【成功上樓】流浪喵主動瞓人肚腩 事主瞓醒決定收養

又一隻喵星人成功上樓!事發地點係澳洲嘅坎培拉,Ali Safa呢位被選中嘅孩子喺郊外休息緊,玩玩吓電話仲瞓著咗,點知一覺醒咗發現有隻貓居然喺佢個肚腩上面瞓著咗!佢忍唔住影埋相放上Reddit,網民爭相問佢隻貓做緊咩同埋有咩新進展,最後Ali幫隻喵沖完涼再帶佢去睇獸醫,然後帶咗返自己屋企正式收養。呢隻係Ali人生第一隻寵物,網民都恭喜佢成為貓奴,入嚟有多啲相同片睇。

Read more ›
臭臉貓2.0網上熱傳 曾遇車禍現待收養
by / on 06/11/2018 at 7:41 am

臭臉貓2.0網上熱傳 曾遇車禍現待收養

Grumpy Cat臭臉貓好紅,最近終於有2.0版本。呢隻現居倫敦嘅Saul個樣嬲爆爆,扁嘴樣好得意,不過佢背後其實有個悲慘嘅故事。話說佢喺街上被人發現時已經奄奄一息,之後送到動物醫院,下巴、牙以至一隻眼都受傷,估計遇到車禍之後被不顧而去。好彩佢生命力強,最終慢慢康復,大家都唔知佢嘅「臭臉」係因為之前受過傷定係天生係咁,不過無論如何,都希望佢快啲搵到個新主人,可以早日上樓。

Read more ›
【有片】33磅超級肥貓    成功被收養積極減肥
by / on 26/07/2018 at 7:04 am

【有片】33磅超級肥貓 成功被收養積極減肥

呢隻外國肥貓Bronson重33磅,嚇親好多人類。只得3歲嘅佢最近俾人收養,主人仲決心幫佢減肥。佢嘅前主人過咗身,估計係老人家,俾咗好多人類嘅食物佢,所以令佢肥成咁。而家佢每日都會被控制食量,目標係一個月減一磅,另外主人會同佢玩玩具同埋做運動,仲幫佢開咗個IG帳戶,將佢嘅減肥過程放上網分享。暫時3個月已經成功減咗1.6磅,似乎仲需要繼續努力喎!

Read more ›
【命中註定】外國小童天生兔唇及雙色瞳   被收養流浪貓竟然一樣
by / on 29/03/2018 at 7:15 am

【命中註定】外國小童天生兔唇及雙色瞳 被收養流浪貓竟然一樣

有啲嘢真係命中註定嘅,呢位住喺美國嘅7歲小朋友Madden天生有兔唇同埋雙色瞳,因為咁而經常受到同學排擠,不過最近佢終於唔再孤獨,因為佢哋收養咗一隻貓,而呢隻貓同Madden一樣有兔唇同埋雙色瞳,雙眼嘅顏色仲要一樣,好神奇!Madden媽媽最近喺群組見到有人發現呢隻被遺棄嘅喵,毫不猶豫就決定收養佢,而家小主人同隻喵好好朋友,網民都留言鼓勵佢哋,入嚟有多啲資料可以睇。

Read more ›
世上最快樂刺猬仔 曾被遺棄獲好心人收養
by / on 16/04/2017 at 11:40 am

世上最快樂刺猬仔 曾被遺棄獲好心人收養

呢隻叫Waldo嘅刺蝟超可愛,佢張笑到好開心嘅相喺網上好多人分享。不過佢唔係一開始就咁順利,之前被遺棄嘅佢,好彩最後得到新主人Niki Brown收養,但佢一開始好怕人,經常匿埋,仲會間中咬人。經過長時間相處,到3歲嘅時候,Waldo終於被主人嘅熱情融化。而家主人嗌佢個名佢會走出嚟跟住晒,影相又識笑笑口賣萌,每逢星期五晚主人仲會帶佢走酒吧玩,而佢都好social成日呃到零食食。不過得意還得意,大家想養刺猬仔之前要再三諗清楚,要記住照顧寵物係一生一世嘅責任。

Read more ›

【新片速報】日本喵星人為上樓博到盡 撞腳爬大脾求收養
by / on 18/01/2017 at 7:39 am

【新片速報】日本喵星人為上樓博到盡 撞腳爬大脾求收養

日本好多流浪喵星人靠自己努力成功上樓,最近有呢隻超奮勇嘅小喵,有日本網民放咗段片上網,拍攝低佢喺街頭被喵星人纏腳,見人類無反應,喵星人索性攬住對方嘅大腿一直向上爬,據知最後爬到上膊頭,好勇猛!可惜樓主雖然好想,但最終都無收養佢,因為佢屋企已經養咗隻狗狗。而家天氣咁凍,希望呢隻咁可愛嘅喵星人快啲搵到好心人帶佢返屋企啦!

Read more ›
「屋企門前出現呢隻貓,你會收養嗎?」日本網民討論「乃木貓」
by / on 05/01/2017 at 7:17 am

「屋企門前出現呢隻貓,你會收養嗎?」日本網民討論「乃木貓」

如果屋企門口出現呢隻貓,你會唔會收養佢?呢個問題係日本網民喺2ch提出嘅,答案當然大部份人都話「會」啦!有人留言話:「拾起」、「聯絡保健所」、「幫佢沖涼」、「手好細」、「先將佢送去樓主間房,然後報警!」其實呢個日本節目搵咗「乃木坂46」成員輪住扮貓,戴晒貓耳之後又捐紙皮箱又伸懶腰,萌到極限,不過又真係幾可愛嘅,相信絕對可以「成功上樓」被收養。

Read more ›
【成功上樓】日本喵星人被收養 11隻貓新家庭網上直播
by / on 30/12/2016 at 7:40 am

【成功上樓】日本喵星人被收養 11隻貓新家庭網上直播

又一隻喵星人成功上樓,好勵志!一個人養10隻貓已經好勁,最近仲要加多個新成員,11隻貓真係何其壯觀。呢隻可愛喵仔本來路經庭園,屋主見佢好可愛,於是餵佢食嘢,之後決定收養埋佢,仲幫佢改咗個名叫「モモ」。睇相見佢有得食有得玩,仲有自己嘅毛公仔,難怪佢加入咗呢個家庭無耐已經覆到毫無戒心。而屋企另外10隻大貓似乎都幾鍾意佢喎,無辦法啦,最細係佢應該會錫到佢燶嘞。想睇佢嘅生活?嚟緊免費日本電視直播app「Abema TV」會有佢嘅節目「10Cats.+ ~新入りした11匹目の猫~」睇,12月29日9點開播!

Read more ›
【多圖】失明喵星人寫真集    溫馴可愛等待被收養
by / on 21/12/2016 at 7:40 am

【多圖】失明喵星人寫真集 溫馴可愛等待被收養

失明嘅喵星人都可以好可愛。美國攝影師Casey Christopher為無數隻失明喵星人影靚相,全部相都好靚。呢啲喵星人全部來自動物收容所,Casey因為見到越嚟越多失明同年長嘅喵星人無人領養,於是決定幫佢哋影輯靚相,最終有少數喵星人幸運地被收養。各位想領養動物嘅朋友,除咗揀啱啱出世嘅貓仔,其實好多大貓都一樣好可愛,記住留意吓佢哋呀!

Read more ›
【洋蔥】長情喵星人長伴主人墓地 一年嚟瞓墓地拒絕收養
by / on 06/11/2016 at 7:58 am

【洋蔥】長情喵星人長伴主人墓地 一年嚟瞓墓地拒絕收養

好多人以為只有狗狗先會咁長情,其實外表cool爆嘅喵星人都有深情嘅一面。呢隻喵星人主人雖然過咗身,但佢一年嚟每晚都堅持瞓喺主人墓地,就算有人試圖收養佢,佢都會偷走,去返主人個墓地長伴。好彩咁耐以嚟一直有人去定期餵吓佢,而佢間中會去主人子女嘅屋企度食吓嘢。據動物專家講,如果有呢個情況,其實可以帶喵星人去睇獸醫,開一啲抗焦慮嘅療程俾佢。不過作為貓奴,睇見呢件真人真事應該會好心酸,記住對屋企嘅喵星人好啲呀!

Read more ›

【相集】「肉丸哥」被收養後笑唔停 超可愛感動網民
by / on 03/09/2016 at 1:04 pm

【相集】「肉丸哥」被收養後笑唔停 超可愛感動網民

對一隻小動物嚟講,有乜開心得過搵到個好主人?呢隻經常笑口常開嘅狗狗「肉丸哥」,真名叫Meatball,曾經住喺流浪狗之家嘅佢,好幸福有而家嘅主人Lisa Reilly收養,自從成功上樓之後,就一直笑騎騎無停過,睇相見佢成日有新衫著,又可以周圍去玩,最重要係有主人錫,難怪睇相都感受到佢好幸福啦。

Read more ›
愛心家庭收養7隻動物 4狗1貓2鴨仔相處融洽
by / on 26/07/2016 at 7:13 am

愛心家庭收養7隻動物 4狗1貓2鴨仔相處融洽

通常收養動物都係一隻起兩隻止,不過呢家人好有愛心,足足收養咗7隻動物,而且不限種類,而家總共有4隻狗、1隻貓同兩隻鴨,計埋女主人Kasey Boggs同老公,總共一家九口,好溫馨。佢哋每個週末都會總動員出發行山或者露營,而啲動物關係仲好和睦,成日會一齊玩兼互相舔毛,入嚟有好多相睇,勁sweet。

Read more ›
【真Buddy】汪星人收養喵星人 一齊食玩瞓曬溫馨
by / on 02/07/2016 at 12:38 pm

【真Buddy】汪星人收養喵星人 一齊食玩瞓曬溫馨

作為主人,最開心係見到屋企嘅喵星人同汪星人可以融洽相處。外國呢隻雪橇狗狗Raven一年前同主人一齊去動物收容所領養貓咪,當時有4隻喵星人,隻隻都對Raven無乜興趣,除咗其中一隻喵星人Woodhouse,於是佢哋就決定收養Woodhouse嘞!而家經過一年相處,一貓一狗已經變咗老友,成日會一齊食玩瞓,喵星人又會瞓喺汪星人身上面撒嬌,又會幫汪星人舔毛,sweet到爆!入嚟有佢哋嘅相同片睇,好治癒。

Read more ›
【奇妙配搭】兩鴨兩狗超溫馨 一齊被收養幸福滿瀉
by / on 01/04/2016 at 7:10 am

【奇妙配搭】兩鴨兩狗超溫馨 一齊被收養幸福滿瀉

個主人有愛心,啲寵物都特別得意嘅,講緊係呢兩隻狗狗同兩隻鴨仔。主人先後收養咗兩隻狗Pikelet同Patty,最近佢哋仲收養埋一對出世無耐嘅鴨仔Pikelet & Patty(估唔到外國連鴨仔都有得收養)。好快呢兩狗兩鴨就friend咗,而家食玩瞓都一齊,好溫馨。主人仲會帶佢哋一齊去公園玩或者去狗沙灘游水,四隻動物一齊出巡,諗起都開心。再睇返香港,想搵個公園帶動物去玩都難,唉。

Read more ›