fbpx

Tag: 收藏家港漫專區

收藏家港漫專區周開七日 惠顧送《龍虎門》貼紙

收藏家港漫專區周開七日 惠顧送《龍虎門》貼紙

因為窮喎,所以要開足連續七日舖喎,連周休一個周日都免喎,我諗都係講笑啫。「收藏家港漫專區」老闆為紀念入行20週年,所以搞個送禮活動,7月份開始周開七日後,第一個周日凡幫襯任何產品,即送《龍虎門》50週年貼紙一張,有兩款選擇,各限量20張,送完即止。咁大家記住營業時間喇,周一至六2:15pm至8:15pm,周日2:15pm至7:15pm,收到未?

Read more ›

收藏家港漫專區收2021年會員 入會送會員卡+文件夾+匙扣

收藏家港漫專區收2021年會員 入會送會員卡+文件夾+匙扣

衰到貼嘅2020年就快過去,「收藏家港漫專區」開始招收2021年新會員,新入會會費$48,入會即送3D立體會員卡、《福龍週記》文件夾同磨砂Dark金屬匙扣各一;而舊會員續會呢,會費都係$48,加送《刀劍笑》3D立體三連卷。撐龍少,請快快入會。

Read more ›
去收藏家港漫專區消費$8 送《山海逆戰》明信片

去收藏家港漫專區消費$8 送《山海逆戰》明信片

去現時點買Lego,食完個Tea再去信和「收藏家港漫專區」買漫畫,都唔知成為我幾多個禮拜六嘅節目。呢間我留過唔少腳毛嘅漫畫店原來已經開咗八年,為慶祝,聽日消費滿$8,即送一套8張邱福龍《山海逆戰》角色造型明信片,有著數,大家多多幫襯喇喂。

Read more ›
馮志明《刀劍笑》珍藏版一至五期 補購翻煲係時候

馮志明《刀劍笑》珍藏版一至五期 補購翻煲係時候

係,畢竟係翻印再版,色彩係無咁艷麗,字係細粒咗睇得辛苦咗,但經典就係經典,經典就係好睇,所以馮志明《刀劍笑》珍藏本係絕對值得大家買返屋企翻煲一次。剛推出咗第六期,如果你想買番頭一至五期的話,依家係機會,可以向「收藏家港漫專區」補購。

Read more ›
《山海逆戰封面畫集黑稿版》二開訂

《山海逆戰封面畫集黑稿版》二開訂

又要開開心心地畀錢邱福龍使喇,《山海逆戰封面畫集黑稿版》二正式開訂,輯錄第63期至123期封面,雷射閃彩製作,分勾徹同炎帝兩個版本,各68頁,各售$150。咁最好梗係兩個版本都買晒喇,呢句我幫龍哥講嘅。

Read more ›
撐《龍虎5世3世仇》兩版本 即送貼紙

撐《龍虎5世3世仇》兩版本 即送貼紙

係囉,有嘢送先開心嘛。依家幫襯「收藏家港漫專區」買黃玉郎《龍虎5世3世仇》創刊號,一次過買晒普通版同草圖版兩本書,即送貼紙1張,夠開心啦。

Read more ›

全城抗疫 邱福龍派《山海逆戰》口罩夾

全城抗疫 邱福龍派《山海逆戰》口罩夾

全城抗疫,邱福龍都出一分力,由下周四至4月9日,凡係「收藏家港漫專區」2020年會員,即可免費索取《山海逆戰》口罩夾同衛生火酒紙。雖則會員專享,唔係人人有份,但龍哥做嘅絕對係好事,值得大家畀隻手指公。And,記得聽龍哥話,戴口罩保持個人衛生呀。

Read more ›
《山海逆戰》出特別版 一書一啤牌$188要搶

《山海逆戰》出特別版 一書一啤牌$188要搶

芸芸精品中,我極Like啤牌,因為一副啤牌至少52隻,即係至少可以欣賞52幅畫作,加上細細盒大極有限,容易收藏。嚟緊又要畀錢邱福龍使嘞,事關第163期《山海逆戰》會推出特別版,一副足55張雷射閃牌加特別封面專刊,限量300套,有A同B兩款選擇,各售$188。「收藏家港漫專區」家陣正式開訂,1月14日有貨,要搶。

Read more ›
收藏家港漫專區收2020年會員 送福龍匙扣+貼紙+會員證

收藏家港漫專區收2020年會員 送福龍匙扣+貼紙+會員證

「收藏家港漫專區」1月1日開始招收2020年新會員,會費$0,不過呢,就要幫襯買番套《刀劍笑》立體3D現金卷,面值$200可當現金使,我覺得好抵玩吖。另,一成為會員即送幻變立體《刀劍笑》收藏家會員證一張、《山海逆戰》八個封面未切割貼紙一張同最最最重要嘅──邱福龍自畫像金屬匙扣一個,係咪正先?

Read more ›
馮志明《大漠蒼狼》簽名會 買書影相送紀念籌

馮志明《大漠蒼狼》簽名會 買書影相送紀念籌

老馮Fans留意,今個禮拜六晏晝唔好約人,事關佢會親臨「收藏家港漫專區」主持《大漠蒼狼》簽名蓋章儀式,到時仲會送簽名紀念籌畀讀者。可以同馮志明吹水影相,呢個禮拜六有好節目喇?

Read more ›
梁偉家《滅絕遊戲‧非洲篇》有得補購

梁偉家《滅絕遊戲‧非洲篇》有得補購

剛過去嘅動漫節2019,梁偉家推出彩圖集《滅絕遊戲‧非洲篇》,我有買。如果大家想補購的話,可以去MK走一轉,「收藏家港漫專區」獨家發售,每套$220。無呃你,彩圖集有12幅複製原畫,幅幅都好高質,係值得一儲的。

Read more ›

出席《刀劍笑》精美修訂本簽名會 即送Postcard+貼紙

出席《刀劍笑》精美修訂本簽名會 即送Postcard+貼紙

大家記唔記得今日下晝約咗馮志明呀?畀多個好消息,但凡出席《刀劍笑》精美修訂本簽名會,即免費送你由廖光祖繪畫嘅賀畫Postcard同横刀簽名籌貼紙各一,係咪正先?

Read more ›
馮志明搞簽名會 經典重現《刀劍笑》出修訂本

馮志明搞簽名會 經典重現《刀劍笑》出修訂本

各港漫迷又有機會見偶像馮志明了,事關頭一至十期《刀劍笑》會推出精美修訂本,全書超過300頁,每本$110。為此,馮志明會現身「收藏家港漫專區」出席新書簽名會,大家記得捧場。港漫老例,同一本書總會出多個特別版,今次都唔例外,會推出硬皮豪華版,每本$150,限量150本要搶架!

Read more ›
夏偉義推出于若蘭閃彩畫板 現場Fans價$88

夏偉義推出于若蘭閃彩畫板 現場Fans價$88

之前報導過夏偉義會推出手遊《崩壞3》複製原稿豪華版Boxset,仲會喺「收藏家港漫專區」搞簽名會。最新消息係同場加售《山海逆戰》「于若蘭閃彩畫板」,每塊原價$150,會場Fans優惠價$88,真心很想要!另,屆時仲會免費派發于若蘭草稿印畫一大張,正呀喂。

Read more ›
幫襯「收藏家港漫專區」$20 送貼紙/年曆貼紙/年曆卡三揀一

幫襯「收藏家港漫專區」$20 送貼紙/年曆貼紙/年曆卡三揀一

替廣大讀者多謝邱福龍同「收藏家港漫專區」老闆Dicky先,現凡幫襯滿$20,即送賀年貼紙、年曆貼紙或立體年曆卡,三揀一。想攞齊三個Item,分三次幫襯囉,夾埋都不過係區區$60,好易達標啫。

Read more ›