Post Tagged with: "收藏"

【超想要】日本扭蛋迷你繞線器 收藏電線超方便
by / on 21/10/2018 at 3:48 pm

【超想要】日本扭蛋迷你繞線器 收藏電線超方便

繞線器見得多,不過今次呢個真心想要!有日本網民喺Twitter分享咗之後好多人RT。模仿平時成日見到嘅線圈,不過就變成迷你版,用嚟收藏成枱都係嘅電線就啱晒嘞!日本好多網民都買咗,仲分享埋佢哋嘅相,入嚟有得睇。去開日本可以扭之餘,香港部份舖頭據聞都有得買嘞,想買嘅快啲出去搵吓!

Read more ›

【新片速報】得意松鼠收藏食物入地毯 得個忙字任務失敗
by / on 02/10/2015 at 7:12 am

【新片速報】得意松鼠收藏食物入地毯 得個忙字任務失敗

屋企有養松鼠又有舖地毯嘅,有無試過喺地毯入面搵倒佢哋嘅食物?松鼠除咗鐘意將啲食物收喺臉頰內側,野外生活嗰啲仲好鐘意收埋喺泥地下面積穀防飢(不過好似成日會唔記得咗自己收喺邊嘅)。呢條片最近喺Twitter熱傳,有位日本網友拍倒屋企隻松鼠將粒堅果收埋入地毯,睇見佢好忙咁不停撥呀撥呀,嘗試用地毯嘅長毛遮住粒堅果,不過都係得個忙字,因為佢三爬兩撥之後粒堅果又出返嚟,最後佢仲以為搞掂咗仲開心咁跳開,好彩喺屋企啫,喺野外嘅話,粒堅果一定比其他動物食咗啦!

Read more ›
【慎入】古怪女人儲腳皮 磨粉有怪味
by / on 24/05/2015 at 12:30 pm

【慎入】古怪女人儲腳皮 磨粉有怪味

唔係最新,但啱啱先見到實在好想分享。儲玩具、儲舊漫畫‥‥‥有個人嚐好係好事,但如果係儲腳皮呢?呢位外國女網民peelingfan嘅收藏物品勁古怪,將自己脫落嚟嘅腳皮用膠樽儲起,仲分門別類按腳皮大小幫佢哋改名,但係唔好笑住,佢幾年前將自己嘅「收藏品」寄去美國費城嘅博物館「Mütter Museum」,人哋無報警之餘仲寫埋封感謝信比佢。唔止大腳皮,佢仲將粉狀嘅腳皮碎儲起,不過儲滿之後佢話聞到好似有少少怪味,所以最終都係掉咗。BTW,佢啲腳皮都幾大塊,睇完我連午餐都無胃口食。

Read more ›
【有片】超強任天堂fans 珍藏特別版主機
by / on 09/02/2015 at 12:00 pm

【有片】超強任天堂fans 珍藏特別版主機

儲遊戲嘅見得多,各型號主機齊晒嘅都唔少,但一部機儲幾隻色仲要有大量特別版,呢位加拿大YouTuber「Lithium017」都算犀利。27歲嘅佢自2009年開始就拍片分享自己嘅收藏,最新2015年版都有得睇,啲珍藏多到條片要長成粒鐘先睇得晒!當中有唔同顏色版本任天堂主機外,連限定生產1000個嘅N64「Millennium 2000」手掣佢都有!任天堂真係特別多忠粉!

Read more ›
【有片】神級珍藏 澳洲機迷擁500塊街機底板 5萬遊戲
by / on 25/10/2014 at 10:09 pm

【有片】神級珍藏 澳洲機迷擁500塊街機底板 5萬遊戲

勁!儲遊戲嘅機迷好多,但講到儲街機,真係有心有金都未必有力。呢位澳洲機迷Andranik Ghalustians喺屋企除咗有5萬隻遊戲珍藏外,最勁係有500塊街機底板,當然街機機殼佢都有幾個,唔係點玩?呢條片就睇到佢嘅寶庫有幾正,無撼咯!

Read more ›
機迷割愛 120萬收藏eBay叫價拍賣
by / on 12/10/2014 at 11:26 am

機迷割愛 120萬收藏eBay叫價拍賣

又有機迷收藏家忍痛割愛,今次無講係咩原因,相信離不開要結婚或者等錢駛之類。今次呢位網名叫reel.big.fish嘅eBay賣家,收藏咗超過5700隻遊戲,超過50部主機,今次佢想一舖清袋賣晒佢,暫時bid價係16萬4千美金,即係大約港幣120萬左右!睇相見到佢將啲遊戲排得好整齊,好似圖書館一樣,之但係香港樓價咁貴,啲屋又豆潤咁細,買咗都未必有位放,不過更重要係我都無錢,睇下算啦。

Read more ›

eBay 400萬賣30年珍藏 7000件遊戲產品大晒冷
by / on 08/02/2013 at 1:04 pm

eBay 400萬賣30年珍藏 7000件遊戲產品大晒冷

嘩!$400萬港幣?傻的嗎?但你睇吓呢個名叫*videogames.museum*嘅收藏你就會知,其實又唔算好過份!超過7000產品,包括歷代主機之餘,仲有大量特別版主機!淨係PS2,估計都有十幾二十部。另外仲有特別版遊戲,就連街機雙打大手掣都有。不過,到底有咩人會有興趣買呢?eBay暫時係冇人落必嘅,唔買都要入去開吓眼界,堅!

Read more ›