【會爆炸的】日本男人玩中國製玩具 飛彈碎片擊傷眼球

中國製嘅電器會爆炸,中國製嘅玩具都會爆裂!最近日本沖繩就有位33歲嘅男人,因為玩呢個懷舊玩具「光るびゅんびゅんマスター」而導致眼角膜受傷,眼球破裂。呢個玩具玩法好簡單,左右拉動條繩,中間嘅圓形膠盤就會高速旋轉,不過由於今次個圓盤有裂痕,轉嘅時候圓盤碎片以時速130km飛彈擊中眼球,而家玩具已經停售。有網民就突破盲點,問點解33歲嘅男人仲玩呢個玩具,其實佢係示範比屋企嘅小朋友睇,好彩唔係直接比個小朋友玩,否則後果真係不堪設想。

Read more ›