Post Tagged with: "搪膠"

《龍虎門》搪膠公仔第二彈 王風雷+王小龍+蚩尤+金羅漢開賣
by / on 29/10/2019 at 6:46 pm

《龍虎門》搪膠公仔第二彈 王風雷+王小龍+蚩尤+金羅漢開賣

如無意外,今個禮拜會去撐《Toys Collector Market玩具收藏家販售展》,因為我本身買咗由Kaiju One推出嘅《龍虎門》懷舊風搪膠公仔第一彈嘅石黑龍,想買埋第二彈。今次第二彈一次過出四隻,王小龍同王風雷就周五開賣,金羅漢同蚩尤就要周六或周日先Maybe有貨,收到未?而王小虎呢?Kaiju One保證話2020年年頭會推出,唔會三皇缺一。

Read more ›

DING DING宅配便 x Joan Cornella 推出Selfie Gun搪膠公仔
by / on 22/10/2019 at 9:00 am

DING DING宅配便 x Joan Cornella 推出Selfie Gun搪膠公仔

相信大家對暗黑系插畫家Joan Cornella唔會陌生,其畫作好黑色幽默,好反映人性陰暗面,觀之令人好有共鳴,思之令人不寒而慄。Now,「DING DING宅配便」聯乘Joan Cornella推出Selfie Gun搪膠公仔,10吋高,一貫豆豉眼、蛋撻頭與依牙鬆槓表情造型,其腳底印有插畫家簽名同獨立編號,限量1000隻。Selfie Gun?自拍槍?係呀,擺明寸緊你呀,如果你係死都要自拍嘅一類人的話。我唔係呢類人,但我都好想要。

Read more ›
Kaiju One搪膠石黑龍+火雲邪神+老祖宗 各售$580
by / on 19/07/2019 at 8:41 pm

Kaiju One搪膠石黑龍+火雲邪神+老祖宗 各售$580

終於有詳細資料,Kaiju One推出嘅三個《龍虎門》搪膠角色──石黑龍、火雲邪神同老祖宗,全部都賣$580,動漫節2019有售。面書專頁好搞笑咁話:「絕對充滿老中青三代嘅矛盾及世代之爭,亦完全反映現今香港社會嘅狀況,後生仔vs富二代vs呀爺式家長」,哈哈,言重了,玩玩具嘛,玩玩具就係想逃避現實嘛,千其唔好講到「反映現今香港社會嘅狀況」咁嚴重。老實,未真正摸過上手,賣五舊幾水我唔識評平定貴,但《龍虎門》始終陪住我哋大,加上又係本地創作,希望大家支持吓。而於我,就當買番個七八十年代屋村仔睇公仔書嘅美好回憶,都抵。

Read more ›
何志文《絕世無雙》龍飛舞搪膠 十隻特別版顏色動漫節有得睇
by / on 05/07/2019 at 10:30 am

何志文《絕世無雙》龍飛舞搪膠 十隻特別版顏色動漫節有得睇

何志文隻《絕世無雙》龍飛舞搪膠Figure,大家有無入手?原來唔只你落訂嗰隻顏色架,仲有另外十隻特別版顏色,可惜係唔公開發售嘅。呢十隻特別版顏色搪膠Figure,只會喺動漫節作展覽之用,屆時大家入到場,可以去《同航藝術玩具展》個「快樂百貨」攤位望望,一字排開都幾有氣勢,記得打卡咯喂。

Read more ›
何志文推出龍飛舞搪膠 開訂價$590
by / on 21/05/2019 at 9:15 pm

何志文推出龍飛舞搪膠 開訂價$590

擒日報導過何志文會推出《絕世無雙》龍飛舞搪膠,今日有詳細資料。搪膠由何志文親自雕刻,分原著色同潛行裝兩個版本,約14cm高,價錢方面呢,預訂價$590,預訂期後賣$620,6月30日派貨。咁就好咯,幾舊水,抵玩呀喂。

Read more ›
何志文x快樂百貨 龍飛舞搪膠六月見街
by / on 20/05/2019 at 3:00 pm

何志文x快樂百貨 龍飛舞搪膠六月見街

好賣,所以添食,合理吖,繼《絕世無雙》鳯無雙首辦後,何志文又聯乘快樂百貨推出龍飛舞搪膠,講明六月登場云云。睇圖,今次係Q版作品,And,老實,想講嘅係,上次鳯無雙首辦賣$4880,小弟實在負擔唔起,今次個龍飛舞搪膠,可唔可以經濟番少少?我好想擁有呀,支持你呀志文!

Read more ›

林皮出搪膠公仔 女飛賊‧蘇飛登場
by / on 21/09/2017 at 3:30 pm

林皮出搪膠公仔 女飛賊‧蘇飛登場

喺剛過去嘅北京國際潮流玩具展2017,林皮同TOYO+合作推出著色版女飛賊‧蘇飛公仔,依家呢隻公仔喺香港都有得賣嘞。望相,初頭睇以為係木製,卻原來係搪膠,造型係幾趣緻嘅,眼鏡大大好搶焦,尤其鍾意條橫間裙刻意畫到出晒界,擺飾櫃唔失禮。支持創作,有興趣嘅,可以直接PM林皮。

Read more ›
《山海逆戰》出勾徹搪膠?網民熱烈討論!
by / on 25/02/2017 at 4:45 pm

《山海逆戰》出勾徹搪膠?網民熱烈討論!

早幾日,邱福龍喺面書登咗兩張圖,兼留言曰:「出搪膠?山海搪膠?買大送小!」《山海逆戰》出精品,我第一個舉腳贊成,網民亦熱烈討論──Patrick Yiu:「呢個主意唔錯吖,一個角色再配對一啲異獸品種!」、Wt Joe:「出搪膠最好同劉米高合作,實掂呀。」、Leo Li:「勾徹搪膠我鍾意呀!」、Simon Au:「出扭蛋!」Victor Wong甚至幫福龍諗埋發達大計:「或者係指頭公仔Size咁,用異獸蛋殼包裝的扭蛋設計,用雞蛋盒一打做Packing,過癮!配人物異獸Bio card,顯示人物異獸特性屬性,名為《山海Card》,做個簡單Card game,又可以多一個俾儲卡玩家玩的玩意呢。」聽落有得諗喎,福龍不妨妨考慮吓。至於我呢,就認為出勾徹搪膠無所謂,Q版亦可以,但千其唔好太簡化,即唔好一條線代表一對眼、畫個四方形又當係嘴,因為唔係好Suit《山海逆戰》咁精雕細琢嘅畫功,純個人意見,不喜勿插。

Read more ›
壽星仔搪膠模型開訂 造型招積每個$430
by / on 30/12/2016 at 9:00 pm

壽星仔搪膠模型開訂 造型招積每個$430

年尾,港漫界仲有新Product出,全新版本壽星仔搪膠模型是也,分紅黃眼鏡框兩個版本,造型係咬住火柴戴住黑超踩住鴨仔叉晒腰招招積積,人手著色,我Like!各售$430,只限訂購,一個月內有貨收,壽星專門店有售。

Read more ›