fbpx

Tag: 搞笑

【相集】喵星人「特色花紋」合集 回帶睇搞笑造型

【相集】喵星人「特色花紋」合集 回帶睇搞笑造型

喵星人身上嘅花紋千變萬化,好多時仲會為佢哋帶嚟人氣。由蝙蝠俠、O嘴毛色、希特拉小鬍子、心形紋、短眉仔,以至成隻貓型嘅毛色都有,入嚟有回帶,全部都好搞笑,啱晒星期六嘅輕鬆心情!

Read more ›

【新片速報】喵星人進行邪教儀式 咬實轉圈超搞笑

【新片速報】喵星人進行邪教儀式 咬實轉圈超搞笑

呢段影片無論係咪貓奴都要睇吓,片中嘅喵星人唔知進行緊乜嘢儀式,擔住中間隻啡白色喵不停轉圈,似乎想迫佢加入邪教,超搞笑!不過最正都係後面個花生友,全程唔幫手,仲打咗個喊露。

Read more ›
【相集】日本喵星人跳到咁高 企起身攝位超搞笑

【相集】日本喵星人跳到咁高 企起身攝位超搞笑

係驚訝嘅,如果有日你返到屋企發現唔見咗隻喵,周圍搵周圍搵,最後發現原來佢匿埋咗喺呢度!日本網民上載咗呢張相,喺Twitter好多人分享,但係點解隻喵要企起身呢?又例如明明唔夠位,究竟佢點樣可以攝到入去呢?同埋對住冷氣風口位會唔會凍親?BTW,入嚟有多啲呢隻喵嘅生活照睇,堅得意。

Read more ›
【新片速報】日本搞笑藝人示範抽毛巾 重要部位無走光

【新片速報】日本搞笑藝人示範抽毛巾 重要部位無走光

要做呢個表演,除咗要有自信之外仲要有好大嘅勇氣。最近呢兩段片喺日本Twitter熱傳,日本搞笑藝人「ウエスP」為咗示範風扇同吸塵機嘅威力,拍咗段古怪短片。測試方法係用塊布蓋住自己赤裸嘅身體,然後喺重要部位上面係放咗套杯碟,之後風扇一開,條毛巾被抽走,個杯原封不動遮返住佢嘅重要部位,全程無走光,不過好驚險!估計應該NG咗好多次先搵到一段安全無格仔又出得街嘅片放上網。

Read more ›
【圖集】日本汪星人被迫變「肥臉」 超搞笑Twitter熱傳

【圖集】日本汪星人被迫變「肥臉」 超搞笑Twitter熱傳

汪星人本身塊臉比較多肉,加上性格和善,所以就有呢個圖集出現嘞。日本最近有網民放咗呢幾張狗狗鬼臉圖,受害人個樣全部都好無奈。之後網民仲一呼百應,將佢哋屋企隻狗狗嘅受害圖放咗上網,大部份都係狗狗,得一隻係喵,估計因為喵星人實在太惡,而且你一舉機影相佢哋實會走開。

Read more ›
日本喵星人x冬甩咕臣 呎吋啱啱好掙脫圖超搞笑

日本喵星人x冬甩咕臣 呎吋啱啱好掙脫圖超搞笑

呢個冬甩咕臣超可愛,不過唔係隻隻喵都用得到。有日本網民用咗佢3個月大嘅喵星人做示範,呎吋啱啱好,仲可以將對前足伸出嚟,不過最搞笑都係隻喵試圖掙脫冬甩嗰兩張連環圖。放我出嚟呀!

Read more ›

日本苦瓜又露樣 擘大口搞笑表情Twitter熱傳

日本苦瓜又露樣 擘大口搞笑表情Twitter熱傳

苦瓜經常都有表情,網上之前都傳過唔少呢類搞笑樣,最近有日本網民又親身經歷到。當佢切開個苦瓜時,就出現兩個擘大口嘅得意表情,真係好難忍得住唔影低佢。張相放上Twitter後好多人RT,仲有好多網民放埋其他「有樣睇」嘅食物出嚟集體回帶,入嚟有得睇。(更新,原來呢位網民係用其他人舊圖,已換回原post。)

Read more ›
日本喵星人「謎之寫真」 擘大口搞笑表情Twitter熱傳

日本喵星人「謎之寫真」 擘大口搞笑表情Twitter熱傳

呢張「謎之寫真」好好笑,住喺日本嘅主人有日發現屋企隻喵唔知點解擘大個口做出呢個超搞笑表情,而佢又咁啱影到入鏡喎!張相放上Twitter後好多人RT,影完呢張相好快隻喵就回復原狀坐返喺個盤度,好似無事發生過一樣,入嚟有多啲相睇。BTW,有個又可以當貓抓板,又可以瞓覺嘅紙通貓盤,夏天涼浸浸,的確係值得開心到O嘴嘅。

Read more ›
【新片速報】日本瘋狂動畫家搞笑新作 今次玩炸彈有爆破

【新片速報】日本瘋狂動畫家搞笑新作 今次玩炸彈有爆破

又係呢個日本瘋狂動畫家「からめる」,畫風極簡陋但喺網上好受歡迎。繼新年敲鐘之後又有新作,今次佢玩估金幣,將個金幣收埋喺個杯入面,然後以摩打手高速調位,人哋估唔到就贏?今次調返轉,原來入面有炸彈。照舊記住開音樂睇,好治癒!

Read more ›
【新片速報】日本搞笑無臉男短片系列      踩滑板跑馬路超好笑

【新片速報】日本搞笑無臉男短片系列 踩滑板跑馬路超好笑

每日都會睇好多搞笑網片,不過今次呢個無臉男系列,真心覺得幾好笑。影片一開始見到無臉男踩滑板,慢動作本身已經好有喜感,不過重點係尾段,留返俾你慢慢睇。睇返佢嘅Twitter,之前呢個無臉男仲去過馬路邊惡搞,拍落唔少短片,入嚟有得慢慢睇,真心推介,好配合連放4日假嘅輕鬆心情呀!

Read more ›
【新片速報】日本青蛙王子開餐脫腳 搞笑片Twitter熱傳

【新片速報】日本青蛙王子開餐脫腳 搞笑片Twitter熱傳

呢段片堅好笑,無時間都要入去睇吓。最近日本好多人養青蛙,片中呢隻青蛙準備開餐,當佢一跳飛撲,四腳張開,口擘大,脷都伸埋出嚟之際,不幸嘅事發生嘞!段片喺Twitter好多人分享,留意段片全程慢鏡,好有動感。

Read more ›

【有片】超搞笑精靈球惡搞片 一掟波即跣低

【有片】超搞笑精靈球惡搞片 一掟波即跣低

呢段喺Twitter熱傳嘅片好好笑,就算無玩《Pokémon Go》都會睇得開心。段片將好多人日常生活嘅跣低、跌低、爆軚等尷尬場面,全部配返個精靈球入去,睇落好夾,仲感覺到精靈球嘅威力。掟得咁準,Level應該都好高吓啦。

Read more ›
繼續搞笑 甘小文1月將推出《大神們的武林》

繼續搞笑 甘小文1月將推出《大神們的武林》

好咯,終於有甘小文作品睇咯,書名叫《大神們的武林》,望封面,好似輕輕轉咗畫風,一男一女畫得好老正吓;但一睇內文原稿,噓,好彩!陣陣熟口熟面嘅「小文味」出番晒嚟;再望埋文字Description,甚麼「遍地屍骸,觸目驚心,曾經耀武楊威的武林人紛紛棄刀解甲,甘作宅男毒撚避禍」、「移山派遭滅門,七大門派去其—!方丈寺、牛鼻山、篷來教、貧尼派、窮家幫、點睛門急召武林大會,誓要絕地反撃,—場武林羣眾運動開打」、「禾斗門神秘少男少女現身,警告羣雄勿輕舉妄動,説明屠狗輩已練成強度超過石墨烯、鑽石、比鋼還強200倍的碳炔之身,及以物質化為能量的科化神功」等等,齋睇字都笑得出,真真萬二分期待。賣幾錢未知,周刊月刊精裝薄裝乜形式出版都未知,淨係知1月會推出,留意書報攤喇老友。

Read more ›
35個爆笑紋身   毁容版小丑VS爛面美金

35個爆笑紋身 毁容版小丑VS爛面美金

成日聽人講唔好亂紋身第時會後悔,本來唔信,睇完呢35位聰明仔聰明女嘅紋身,我有啲信嘞。外國網Buzzfeed搜羅咗一堆古怪爆笑紋身,有紋咗前度愛人嗰名後悔到要打個交叉嘅,有將自己一家人紋上身,點知個個好似毁咗容咁款嘅,仲有差啲認唔出嘅小丑Joker、爛面美金同埋‥‥‥卡夫牌食物招紙?

Read more ›
一格過搞笑漫畫   E. Honda扑傻瓜

一格過搞笑漫畫 E. Honda扑傻瓜

最欣賞有幽默感嘅藝術家,好似呢位美國插畫師Rocky Davies,將大家熟悉嘅麥當勞叔叔、變形俠醫、Hello Kitty、Star Wars、雷神、瑪利奧統統變成一格過嘅笑話,名為「Age of Nerd」嘅搞笑漫畫系列,簡單易明,唔單止鬼佬識笑,香港人睇完都鬆一鬆。

Read more ›