fbpx

Tag: 揮春

黃照達手機揮春Wallpaper 歡迎下載

黃照達手機揮春Wallpaper 歡迎下載

過新年梗係要喜慶啲,大黃大橙啱Feel喇。黃照達今年唔手寫揮春,改送手機揮春畀大家做Wallpaper,祝福語係乜呀?「五福臨門缺一不可」同「好人一生平安」呀喂,啱聽,仲唔快啲Download?

Read more ›

正呀喂 買《山海逆戰》/《刀劍笑》送揮春+貼紙

正呀喂 買《山海逆戰》/《刀劍笑》送揮春+貼紙

Thanks,有必要多謝「收藏家港漫專區」,現親臨店舖購買邱福龍《山海逆戰》孖寶裝或馮志明第八期《刀劍笑》珍藏本,即送賀年揮春同賀歲貼紙一張,限量200份全四款。手快有手慢無呀喂。

Read more ›
職人阿港推出揮春 脫脂牛年+牛年歡喜

職人阿港推出揮春 脫脂牛年+牛年歡喜

揮春係我鍾意精品之一,面書專頁「職人阿港」推出嘅阿港揮春春,我一定會買,每套兩款$20。賀年祝福語係「脫脂牛年」同「牛年歡喜」,啱聽,嚟緊牛年,我嘅願望係笑住減肥!「辛丑年畫揮春賀年市集」有售。

Read more ›
Eric Ng做善事益老友記 港漫人+插畫家揮春套裝$98

Eric Ng做善事益老友記 港漫人+插畫家揮春套裝$98

上週報導過「兩合特色餐廳」老闆Eric Ng因疫情關係,今年搞唔成「名師出糕圖」改印揮春,成壇嘢依家有定案喇。大家聽清楚,由各大中小插畫家同港漫人製作嘅揮春每套$98,內有15款揮春共16個,收入不扣除成本,將用嚟製作2021年老友記專用曆。做善事,大家唔該爽手啲呀喂。

Read more ›
賤人新世紀推出利是封+揮春

賤人新世紀推出利是封+揮春

有無睇開面書專頁「賤人新世紀」?臨近新年,推出利是封同揮春是常識吧。利是封一套4款共20個,售$88;揮春套裝一套4個,售$50;好運大揮春,每個$25。無論圖案、用色到賀年祝福語都好討喜,送畀人OK,買嚟珍藏亦唔錯。 

Read more ›
疫情影響唔送蒸糕 Eric Ng改贈揮春畀老友記

疫情影響唔送蒸糕 Eric Ng改贈揮春畀老友記

受疫情影響,今年「兩合特色餐廳」老闆Eric Ng未能一如以往搞「名師出糕圖」,但佢並忘記一眾老友記,唔送蒸糕改送揮春,而一眾港漫人與插畫家亦已經交稿。揮春成品家陣有得睇,希望老友記們到時收到會開開心心喇。好人一世平安,認同請廣傳。

Read more ›

Handmadeship揮春$48 姨姨我不想努力了

Handmadeship揮春$48 姨姨我不想努力了

畫風Cute Cute哋,幾得意的揮春,出自面書專頁「Handmadeship」,三句祝福語都好啱聽吓──「食極唔肥」、「醫好拖延症」同「姨姨,我不想努力了。」我都希望來年可以達成呢三個願望。每套$48,值得入手。

Read more ›
網購鄭健和《西遊》珍藏本送揮春

網購鄭健和《西遊》珍藏本送揮春

Goodest,和仔大人送揮春呀,「龍精虎猛」、「身壯力健」同「大吉大利」好啱聽呀,依家只要透過「豐林文化」網購鄭健和《西遊》珍藏本,即送一張。收到未?

Read more ›
自己的文地貓揮春自己Print

自己的文地貓揮春自己Print

文地貓今年都有畫揮春,仲掟咗上網免費畀大家Colour print出嚟貼屋企。很想要吧?想要的話Click入嚟,有Link。

Read more ›
《古惑仔》新春孖寶號$50 送揮春+書籤+年卡

《古惑仔》新春孖寶號$50 送揮春+書籤+年卡

過農曆年,意味港漫又出新春孖寶號,三日刊《古惑仔》都唔例外,下期第2206+2207合併號喺2月3日見街,售價$50。係,係貴咗$4咁大把,但牛佬都好識做,送番套三合一揮春+書籤+年卡,以報答讀者。喂喂喂,新年大把利是錢喇,區區$4唔好詐型,我幫牛佬講嘅。

Read more ›
《香港漫畫三七面》格展 草日老師畫揮春

《香港漫畫三七面》格展 草日老師畫揮春

時間過得好快,一個我認為非常成功嘅《香港漫畫三七面》格展,玩埋呢個禮拜就正式結束,未去嘅,真係要把握時機。喺埋齋嗰日,壓軸有草日老師「草日揮春加持大會」,大家多多捧場喇。

Read more ›

練黑龍的崩壞揮春 May The Force Be With You

練黑龍的崩壞揮春 May The Force Be With You

面書專頁名叫「練黑龍」,初頭睇錯仲以為係「石黑龍」添。Anyway,既自稱「Calligrapher」即書法家,手字真真不俗,寫中文字掂係應份嘅,難得用毛筆寫英文字都好有個人風格──「With Great Power Comes Great Responsibility」好勵志呀喂,「May The Force Be With You」亦係型到一個點啫。佢話歡迎課金訂購呢類「崩壞揮春」喎,嗯……寫番句「誰大誰惡誰正確」畀自己,又或寫番句「Nothing’s Gonna Change My Love For You」畀女友,有無得諗?

Read more ›
Kit Man現身Mikiki 即席寫勁揪體揮春

Kit Man現身Mikiki 即席寫勁揪體揮春

豬年將至,好多商場都辦舉新年市集,務求搞到個場紅噹噹添吓氣氛,Mikiki都唔例外。商場請嚟Kit Man坐鎮,佢會喺1月19日同1月27日現身市集,幫大家即席寫勁揪體揮春。手寫,保證張張獨一無二,我都打算排隊攞番張,唔知有無得要求寫乜嘅呢?希望可以喇。

Read more ›
「奶茶通俗學」揮春組合$68

「奶茶通俗學」揮春組合$68

大家買咗揮春未?未的話,可以考慮「奶茶通俗學」推出嘅揮春組合,祝福語有「常滿」、「發過豬頭」同「飲飽食醉」,異常啱聽啱睇,一套三款$68,可以一撐。

Read more ›
「四格好波(IC足球部)」送揮春 公開徵祝福語

「四格好波(IC足球部)」送揮春 公開徵祝福語

過新年,唔少人都會揮春、利是封或賀年卡之類,面書專頁「四格好波(IC足球部)」都係送揮春,不過就送得過癮啲,公開徵求祝福語內容,甚麼「食極唔肥發達唔奇」、「場場Cleen Sheet」等等,你諗得出而面書負責人又覺得有趣的話,就會幫你印製兼送埋畀你。如果畀我諗的話,我會要「迪基亞好波」、「曼聯必勝」、「紅魔無敵」……好明顯,我係一個曼聯躉。

Read more ›