fbpx

Tag: 插頭

【藥箱都變】電子零件變首飾      底板/電線插頭循環再用

【藥箱都變】電子零件變首飾 底板/電線插頭循環再用

外國設計師Galini Scarlatou嘅電子系列首飾好特別。佢將唔用嘅電子零件重新設計,變成耳環、戒指、頸鍊、手鈪等首飾。一抽七彩電線嘔晒出嚟嘅耳環、電腦底板頸鍊,甚至電線插頭都可以變飾物,藥箱都變成首飾箱。每件產品唔算貴,大概百零二百蚊港紙,喺Etsy有得賣。潮流嘅嘢好主觀,不過夠晒特別而且唔會同人撞款就係真嘅。有無啲技癢想自己整返件?

Read more ›

有片:伏已中!假充電站玩殘旅客!

有片:伏已中!假充電站玩殘旅客!

有時悶悶哋,睇吓呢類整蠱人短片,人都開心啲。今次場景係酒店,工作人員事先揀定一碌柱,將寫住「Charging Station」嘅A4紙貼喺柱上面,而紙下面,同時黐咗張Print咗個插圖圖案嘅紙,驟眼睇又真係幾似插頭嘅,難怪咁多人中伏。有人中伏後無嬲,開心笑住走;有人知衰咗之後,四圍裝睇吓係咪有人偷拍;有三個鬼妹仔直頭席地而坐,打算邊叉電邊吹水;有人臨叉電前發覺俾人整蠱,對住Hidden cam扁晒嘴話:「That’s not nice.」;酒店職員都戇居居架,得個望字,好明顯唔Sure個插頭堅定流;有鬍鬚佬心情唔多Nice,嬲到撕走張A4紙;咁乜都影一餐嘅人當然大把喇,開心自拍者都有!Funny!

Read more ›
叉機磁石架  吸實插頭容易搵

叉機磁石架 吸實插頭容易搵

手機、notebook、相機日日要叉電,你會唔會好似我咁,成枱都係叉機頭,成日滑晒落地下,急用時要損枱底慢慢搵?呢款MOS磁力架勝在夠簡單方便,將成日用嘅插頭放上磁石架自己會吸實,拎嚟用時唔駛又拆又撟咁麻煩,有黑、白、銀三隻色任揀,amazon賣緊$20美金,底部有防滑質地,不過我想問可唔可以用雙面膠貼將佢黏實喺枱底?因為我枱面已經無位放嘞!

Read more ›