Post Tagged with: "插畫師"

8 Bit 吉卜力  《龍貓》《魔女宅急便》低清一樣靚
by / on 23/04/2014 at 7:13 am

8 Bit 吉卜力 《龍貓》《魔女宅急便》低清一樣靚

一直對大師宮崎駿嘅作品情有獨鍾,估唔到變成8 Bit一樣咁有睇頭。英國插畫師Richard Evans將吉卜力好多套經典動畫嘅場景變成一幅幅8 Bit插圖,《龍貓》、《哈爾移動城堡》、《魔女宅急便》、《千與千尋》、《天空之城》‥‥‥套套都係經典,變咗8 Bit之後一樣咁靚,證明大師級數真係唔同啲。

Read more ›

超級英雄變o靚仔      美國隊長奸奸哋
by / on 09/04/2014 at 7:04 am

超級英雄變o靚仔 美國隊長奸奸哋

超級英雄變晒o靚仔會係點?淨係諗起佢哋一齊喊嘅場面都驚。插畫師Ben Oliver最近就將7位超級英雄變晒小朋友,最近好紅嘅美國隊長連同電影入面嘅局長同黑寡婦都有份,唔知點解全部個樣都奸奸哋,尤其是變形俠醫。不過我最欣賞係雷神,真係幾似。

Read more ›
童年再崩壞   美人魚變食人魚  薩爾達被綁
by / on 01/04/2014 at 7:03 am

童年再崩壞 美人魚變食人魚 薩爾達被綁

法國插畫師Sylvain Sarrailh aka Tohad應詃有個好陰暗嘅童年,最叻將麥當勞叔叔、Barbie、Winnie The Pooh呢啲小朋友偶像變殺人狂。最近又有新作,血腥程度略略收歛,不過照舊係超怪雞風格,小鹿班比用對角插死晒其他動物、美人魚變食人怪魚、Angry Birds咬甩豬仔隻眼珠,睇到人好心寒。

Read more ›
日本插畫師卡通速畫     真人素描快夾靚
by / on 15/02/2014 at 1:17 pm

日本插畫師卡通速畫 真人素描快夾靚

掃描寫生需要有閒情時間,再加上畫得一手好畫先得,呢位東京插畫師Hama House兩樣都有,而且畫得快夾靚,佢好鐘意將見倒嘅情景,用漫畫風格畫出,再同真人對比合照,喺佢嘅webstagram戶口,收錄咗東京街頭賣唱、地鐵瞓覺、cafe hea坐嘅人群面貌,水準好高。睇返介紹,原來佢平日幫雜誌、書、網站畫開插圖,專業人士,難怪畫得咁好,相信好多人都想比佢畫兩筆。

Read more ›
女版復仇者聯盟  變形俠醫超殺氣
by / on 29/01/2014 at 11:16 am

女版復仇者聯盟 變形俠醫超殺氣

呢位網名Quirkilicious嘅插畫師Drake Tsui係忠實美國漫畫fans,好鐘意復仇者聯盟。我最鐘意係佢呢幅名為We Can Do It嘅作品,將復仇者漫畫出過嘅角色一次過晒冷,不過全部只限女性,Iron Woman、美國女隊長、Spider-woman、X-23都有份,連變型俠醫Hulk都唔放過‥‥‥入嚟仲有其他作品回顧,幾高質。

Read more ›
神作!原子筆畫畫   日本插畫師超punk
by / on 21/01/2014 at 7:04 am

神作!原子筆畫畫 日本插畫師超punk

用原子筆畫公仔,你同我讀書時都肯定試過。不過點都唔夠呢個日本插畫師Shohei Otomo畫得咁靚,大部份作品都係以黑色原子筆創作,風格幾Punk吓,因為佢要表達對政府同社會嘅批判。而佢爸爸Katsuhiro Otomo都係插畫家,耳濡目染細細過已經註定要揸筆搵食。即日起到2月9日,涉谷PARCO百貨公司嘅「BWHOOM TOKYO」展覽會有佢同埋一班日本新晉藝術家嘅作品,去開日本可以去打吓咭。

Read more ›

超級英雄變細路    復仇者童年版
by / on 06/12/2013 at 9:15 am

超級英雄變細路 復仇者童年版

超級英雄經常成為插畫師惡搞對象,不過今次好有童真,因為一班英雄全部變晒小朋友,Superman係四眼仔,Superwoman細細過都已經好標緻,不過我最鍾意係蝙蝠俠同埋美國隊長,套衫夠搶眼嘛。全部由葡萄牙插畫師Alberto Varanda創造嘅小朋友系列,鍾意細路嘅會覺得好得意。至於變形俠醫細細個尺寸有無縮水?入嚟自己睇,不過我其實想睇童年版嘅復仇者聯盟多啲。

Read more ›
X光筆得棚骨     Iron Man / 蜘蛛俠透視圖
by / on 23/11/2013 at 11:17 am

X光筆得棚骨 Iron Man / 蜘蛛俠透視圖

有無諗過Iron Man、蜘蛛俠、美人魚、美少女戰士得番棚骨會變成點?法國插畫師Chris Panda喺Facebook開咗個X-ray Serie,將一班動漫主角變成X光下嘅透視圖,講真,都幾難畫,我唔肯定佢畫得準唔準確,因為我無見過蜘蛛俠嘅X光圖。不過我反而好奇佢出街時,會唔會忍唔住用對X光眼望人?佢最近仲同外國網iheartgirls.com合作畫咗幅機械女model相,個人認為幾吸引,好睇過得棚骨喎。

Read more ›
迪士尼版雄風   阿拉丁/泰山激情露底
by / on 13/11/2013 at 7:26 am

迪士尼版雄風 阿拉丁/泰山激情露底

迪士尼公主被惡搞寫得多,多到我都有啲厭,好彩網上見倒有另類嘢,今次被惡搞嘅係一班迪士尼動畫嘅男主角,你哋都有今日喇。惡搞對象包括燈神亞拉丁、泰山、Peter Pan等等,全部著住三角底褲曬肌肉十足雄風封面咁,基味甚濃。由美國插畫師David Kawenea操刀改圖,網上見倒David原來專影肌肉型男,明晒。

Read more ›
彼思 x 經典遊戲角色    毛毛阿Bu扮緊乜?
by / on 01/11/2013 at 9:29 am

彼思 x 經典遊戲角色 毛毛阿Bu扮緊乜?

呢輯插畫我真係超鐘意,因為係彼思動畫人物crossover經典遊戲角色!單係估嘅過程都充滿趣味,例如巴斯光年扮嘅係《Mass Effect》嘅Shepard;胡迪呢?咪《Red Dead Redemption》囉!仲有《BRAVE》女主角扮盜墓者羅拉;不過最驚喜都係怪獸公司嘅毛毛同埋細蚊女阿Bu,諗咗好耐先諗倒,你唔係諗唔倒啩?好新嘅game嚟o架!入嚟有答案。全部作品都係出自插畫師Dwayne de Kock手筆,真心like!

Read more ›
神奇女俠曬底褲   飛街悲慘到喊
by / on 16/09/2013 at 10:30 am

神奇女俠曬底褲 飛街悲慘到喊

今朝報導過神奇女俠Wonder Woman九月開學要湊女返學,轉頭又見倒佢燙衫、飛街,仲悲到喊起上嚟。今次呢輯作品出自俄國插畫師Lora Zombie手筆,睇佢個名都知佢激,作品肯定唔荒正常,除咗悲慘神奇女俠,同場仲加映Iron Man淪落燙衫。唉,現實真係殘酷,睇嚟大家都葡萄超人嘅生活,忍唔住要惡搞吓。

Read more ›

超靚機械女插畫   《Pacific Rim》誘發創作靈感
by / on 16/09/2013 at 7:30 am

超靚機械女插畫 《Pacific Rim》誘發創作靈感

加拿大插畫師Mikael Wang嘅作品好靚,尤其同機械人有關嘅插畫,呢張個名簡簡單單叫「Lady」,戴住機械頭盔嘅女仔好型,靚到我忍唔住share,忍唔住上佢嘅網站睇埋佢其他作品,原來佢近排睇咗《Pacific Rim》,所以心痕想畫吓機械人,入嚟有回帶,慢慢欣賞。

Read more ›
超級英雄變慈父    拯救地球要押後
by / on 16/09/2013 at 7:16 am

超級英雄變慈父 拯救地球要押後

九月開學,阿爸阿媽又開始送仔囡返學。一班英雄人物都無得抖,法國插畫師Andry Rajoelina呢輯「超級家庭系列」,蝙蝠俠、Wonder Woman變晒湊仔公湊仔婆,唔知點解我覺得佢哋嘅背影幾分無奈。行快啲啦,我趕住去拯救地球o架!

Read more ›
有片    神級3D畫   銀紙朱古力真嘅一樣
by / on 12/09/2013 at 7:30 am

有片 神級3D畫 銀紙朱古力真嘅一樣

3D畫唔係新奇嘢,不過插畫師Marcello Barenghi呢輯真係令我驚為觀止!唔係睇倒佢條短片,我打死都唔信所有嘢係喺一張平面畫紙上畫出嚟。無論銀紙、朱古力、薯片、茄汁,全部都係扮3D,上色同打陰影都達到神級技術。佢仲開埋網站將自己嘅畫具公諸同好,大部份3D畫都有拍埋短片比你睇晒成個過程,可以偷吓師。

Read more ›
南韓人眼中的茶餐廳    香港風貌插畫系列
by / on 21/08/2013 at 7:15 am

南韓人眼中的茶餐廳 香港風貌插畫系列

作為香港人,有時見倒外國人眼中嘅香港,會另我反思香港特色,學識欣賞香港嘅可愛一面。今次介紹嘅南韓插畫家Yeji Yun,以香港為題材創作咗一系列香港插圖,入面有馬場、香港舊式街道同埋郁郁吓會停咗嘅昂坪360,不過我最鐘意嘅係名為「One After Noon In」嘅茶餐廳風貌,有人捧住整盤蛋撻,又有茶水部拉緊奶茶,令我好懷念灣仔檀島嘅酥皮蛋撻,可惜呢類冰室/茶餐廳,喺地產霸權同埋自由行雙劍合壁下買少見少,有一日可能我哋只可以喺相片或者圖畫入面先見得倒,趁有機會要多啲去幫襯吓。

Read more ›