Post Tagged with: "插畫師"

網圖分享:Rob Sacchetto的無限喪屍化
by / on 28/10/2014 at 10:15 pm

網圖分享:Rob Sacchetto的無限喪屍化

過多三日就Halloween,好,就應吓節,介紹一個畫喪屍畫到起晒朵嘅插畫師畀大家認識,呢位人兄叫Rob Sacchetto,之所以起朵,全因佢鍾意將名人、明星、政治人物、動漫角色、俊男美女……總之諗得出嘅,信手拈來都可以喪屍化。數呀數,英女皇喇、奧巴美喇、迪士尼公主喇、變形俠醫Hulk喇、麥當奴叔叔喇、瑪莉蓮夢露喇等等,喺佢筆下統統變晒Walking Dead,勁在如何歪嘴爛鼻、腦漿四溢、斷手跛腳都好,一望,你就知道佢畫緊邊個,厲害厲害!

Read more ›

網圖分享:Ilya Kuvshinov的美少女
by / on 28/10/2014 at 8:58 pm

網圖分享:Ilya Kuvshinov的美少女

周二,仲有三日先捱到周五,聽日要返工,個心幾野都唔敢出街玩,食飽飯唔想早瞓又唔想睇CCTVB膠劇,有乜好做呢?不如睇女喇,唔好心邪,唔係叫你上鹹網,係叫欣賞吓俄羅斯插畫師Ilya Kuvshinov嘅精美作品。佢筆下美少女雖然同樣係大眼豐唇、頭髮七彩咁多隻色、巨乳纖腰、手長腿長,但只要細心留意,不難發現畫風好多變,一時類似日本動漫畫風,一時又滲住啲美國漫畫味道,有啲畫作甚至有迪士尼卡通嘅影子,不過乜畫風都好,幅幅都高質素到可以做Wallpaper,堅靚,我話嘅。

Read more ›
消時間玩意回顧 60年代興搖搖
by / on 16/10/2014 at 7:04 am

消時間玩意回顧 60年代興搖搖

每個年代都有啲經典玩具,消耗我哋大量時間,插畫師John Atkinson設計咗以下呢張圖,寫明唔同年代最消時間嘅玩意。原則上你玩過幾多款,就揭示咗你係乜嘢年齡。1960年興嘅係搖搖(唔係台灣嗰個)。去到90年代就有一人一部嘅他媽哥池,嚟到2000年代,基本上乜都唔駛玩,有facebook就夠。

Read more ›
網圖分享:令人想入非非的危險女人
by / on 12/09/2014 at 10:00 am

網圖分享:令人想入非非的危險女人

希臘插畫師Keith P. Rein嘅作品,多數以女人胴體為主要題材,構圖簡單、用色豐富、肢體動作極狂野,整體好接近七八十年代電影海報風格,藝術感好重。

Read more ›
創意之日常   螺絲粉變扭毛巾   牙刷變裙仔
by / on 02/09/2014 at 7:07 am

創意之日常 螺絲粉變扭毛巾 牙刷變裙仔

利用日常生活嘅小物品,加幾筆變成一張張構圖特別嘅插畫,之前介紹過有藝術家Alex Solis 同埋Javier Pérez嘅作品,今次輪到加拿大籍嘅插畫師Hyemi Jeong,佢成功將 螺絲粉變扭毛巾、汽水蓋變企鵝仔、牙刷變裙仔,全部又精警又可愛。順帶一提,個插畫師係女性,都幾可愛。

Read more ›
迪士尼公主變紋身女     狂野性感美人魚
by / on 02/09/2014 at 7:03 am

迪士尼公主變紋身女 狂野性感美人魚

迪士尼公主一向斯斯文文唔多靚女,所以只有小朋友fans,大人fans少之又少。不過由意大利插畫師Emmanuel Viola改頭換面嘅呢班紋身公主,又性感又狂野,即時醒神晒!名為Tattooed Disney Princesses嘅相集,美人魚、白雪公主、灰姑娘全部紋晒身,仲著埋小背心,呢個新形象堅係唔錯。

Read more ›

一格過搞笑漫畫   E. Honda扑傻瓜
by / on 06/08/2014 at 7:45 am

一格過搞笑漫畫 E. Honda扑傻瓜

最欣賞有幽默感嘅藝術家,好似呢位美國插畫師Rocky Davies,將大家熟悉嘅麥當勞叔叔、變形俠醫、Hello Kitty、Star Wars、雷神、瑪利奧統統變成一格過嘅笑話,名為「Age of Nerd」嘅搞笑漫畫系列,簡單易明,唔單止鬼佬識笑,香港人睇完都鬆一鬆。

Read more ›
LINE又有新Emoji    名插畫師設計1千個新公仔
by / on 05/08/2014 at 8:06 am

LINE又有新Emoji 名插畫師設計1千個新公仔

插畫師Dan Woodger嘅作品顏色鮮豔,角色表情仲超抵死,難怪俾手機app LINE嘅Jenny Yoo睇中搵佢設計新Emoji。今次佢總共設計咗1000個emoji,將會每星期推出100個,蟻多摟死象,我最鐘意扑崩頭嘅喪屍同埋食到嘔嘅肥仔。插畫師話總共用咗過1000個小時完成,一星期7日每日工作18小時先整得完,嘔心瀝血,大家記住幫手下載用多啲。

Read more ›
治癒系插畫   英雄變cute好輕鬆
by / on 30/04/2014 at 7:05 am

治癒系插畫 英雄變cute好輕鬆

我認我幼稚,不過做人間中輕鬆吓先唔會咁易爆煲嘛。呢幾幅由外國插畫師Mike Mitchell創作嘅Q版英雄人物就好有治療效果,睇到我好開心。當中變cute嘅有我最鐘意嘅Iron Man、一直鐘意嘅Thor雷神,連《魔街理髮師》嘅尊尼特普Johnny Depp都有份,好可愛!

Read more ›
R2D2黑武士噴蒸氣     玩Steampunk風格超型
by / on 28/04/2014 at 7:08 am

R2D2黑武士噴蒸氣 玩Steampunk風格超型

外國插畫家經常有啲好高水準嘅作品,其中插畫師Bjorn Hurri嘅作品一向水準有保證,之前以Star Wars角色做主角,將佢哋變晒Steampunk風格嘅機械作品「Star Wars Steampunk」系列好吸引,最近又有新角色,今次出埋R2D2、黑武士、Jawa,講真,變晒風格嘅Star Wars角色效果好正。入嚟有得回帶睇埋第一輯嘅尤達大師、白兵等角色。補充一句,Steampunk即係20世紀80-90年代興起嘅科幻題材,好多時都同蒸汽有關,例如《天空之城》就係Steampunk類型嘅作品,有興趣可以再google慢慢研究。

Read more ›
情色版   超級英雄的秘密生活   Batman食蕉重口味
by / on 27/04/2014 at 6:50 pm

情色版 超級英雄的秘密生活 Batman食蕉重口味

法國插畫師Grégoire Guillemin嘅「超級英雄的秘密生活」插圖之前出過兩輯,嚟到第三輯,點樣先可以維持倒新鮮感?原來係加入色情元素!主角見倒啲見唔倒啲,要靠少少想像力,有啲相太激,我唔敢放上Facebook,免得好似杜文澤咁比人投訴檢舉,所以醒你嘅只有呢張Batman食蕉嘅重口味相。有性趣嘅自己入嚟慢慢發掘。

Read more ›

8 Bit 吉卜力  《龍貓》《魔女宅急便》低清一樣靚
by / on 23/04/2014 at 7:13 am

8 Bit 吉卜力 《龍貓》《魔女宅急便》低清一樣靚

一直對大師宮崎駿嘅作品情有獨鍾,估唔到變成8 Bit一樣咁有睇頭。英國插畫師Richard Evans將吉卜力好多套經典動畫嘅場景變成一幅幅8 Bit插圖,《龍貓》、《哈爾移動城堡》、《魔女宅急便》、《千與千尋》、《天空之城》‥‥‥套套都係經典,變咗8 Bit之後一樣咁靚,證明大師級數真係唔同啲。

Read more ›
超級英雄變o靚仔      美國隊長奸奸哋
by / on 09/04/2014 at 7:04 am

超級英雄變o靚仔 美國隊長奸奸哋

超級英雄變晒o靚仔會係點?淨係諗起佢哋一齊喊嘅場面都驚。插畫師Ben Oliver最近就將7位超級英雄變晒小朋友,最近好紅嘅美國隊長連同電影入面嘅局長同黑寡婦都有份,唔知點解全部個樣都奸奸哋,尤其是變形俠醫。不過我最欣賞係雷神,真係幾似。

Read more ›
童年再崩壞   美人魚變食人魚  薩爾達被綁
by / on 01/04/2014 at 7:03 am

童年再崩壞 美人魚變食人魚 薩爾達被綁

法國插畫師Sylvain Sarrailh aka Tohad應詃有個好陰暗嘅童年,最叻將麥當勞叔叔、Barbie、Winnie The Pooh呢啲小朋友偶像變殺人狂。最近又有新作,血腥程度略略收歛,不過照舊係超怪雞風格,小鹿班比用對角插死晒其他動物、美人魚變食人怪魚、Angry Birds咬甩豬仔隻眼珠,睇到人好心寒。

Read more ›
日本插畫師卡通速畫     真人素描快夾靚
by / on 15/02/2014 at 1:17 pm

日本插畫師卡通速畫 真人素描快夾靚

掃描寫生需要有閒情時間,再加上畫得一手好畫先得,呢位東京插畫師Hama House兩樣都有,而且畫得快夾靚,佢好鐘意將見倒嘅情景,用漫畫風格畫出,再同真人對比合照,喺佢嘅webstagram戶口,收錄咗東京街頭賣唱、地鐵瞓覺、cafe hea坐嘅人群面貌,水準好高。睇返介紹,原來佢平日幫雜誌、書、網站畫開插圖,專業人士,難怪畫得咁好,相信好多人都想比佢畫兩筆。

Read more ›