Post Tagged with: "插畫師"

【有無天份?】韓國插畫師7歲作品曝光 蝙蝠俠雛型幾可愛
by / on 04/04/2016 at 1:51 pm

【有無天份?】韓國插畫師7歲作品曝光 蝙蝠俠雛型幾可愛

韓國插畫師Lee JeeHyung畫好多超級英雄嘅插畫,亦畫過唔少遊戲或者動漫角色,水準超高,未睇過要入嚟睇吓。不過今日想講嘅係佢最近放咗自己7歲時畫嘅Batman畫作上自己Facebook,同時再放埋成年後畫嘅作品,睇返7歲時嘅作品,老實都唔算話好有天份,不過身形比例都幾準,同埋表情都幾cool嘅。所以話,成功需苦幹,努力嘅話,大家都有機會成為出色嘅插畫家。

Read more ›

【勁過Lady Gaga】薯條茄汁變時裝 插畫師超靚裙裝
by / on 29/03/2016 at 7:14 am

【勁過Lady Gaga】薯條茄汁變時裝 插畫師超靚裙裝

最先吸引我嘅係薯條同茄汁,有邊個唔鍾意食麥當勞吖。呢位嚟自亞美尼亞嘅時裝插畫師Edgar Artis,擅長用食物設計女裝裙,除咗M&M朱古力,仲有薯片、芝士、朱古力粉,連奇異果同檸檬都有,效果堅靚,如果做成真衫應該會好震憾,而且肯定靚過Lady Gaga條牛肉裙。

Read more ›
【推介】超正動漫插畫師 大兜亂crossover有驚喜
by / on 15/03/2016 at 7:15 am

【推介】超正動漫插畫師 大兜亂crossover有驚喜

外國好多好勁嘅插畫師,不過呢個Wizyakuza一定要介紹,因為佢經常以動漫或者遊戲角色做靈感,其中一個半邊臉系列,一邊係變身前,另一邊係變身後,角色由日系嘅死神、進擊艾倫,以至美系嘅死侍都有。除咗半邊臉系列,佢仲好鍾意將唔同角色crossover,大量日系角色以美式風格重畫,龍珠配星戰、比卡超配權力遊戲,大兜亂勁正,而且佢極多產成日有新作品,記住follow埋佢Facebook。

Read more ›
網圖分享:當Sailor Moon變身聖鬥士
by / on 20/12/2015 at 9:15 am

網圖分享:當Sailor Moon變身聖鬥士

是日推介插畫師Shinoharaa作品,美少女戰士著聖鬥士聖衣,一眼認得出邊個聖矢、紫龍、一輝、瞬同冰河,係姿勢削咗啲,全部齋戙企,同埋背景全部單一,如果有其他Pose同其他背景托底,可觀性會大大增加。

Read more ›
【崩壞】《Fallout 4》變迪士尼公主 網友嗌收手
by / on 16/11/2015 at 7:13 am

【崩壞】《Fallout 4》變迪士尼公主 網友嗌收手

近排好多人狂煲《Fallout 4》,同佢相關嘅新聞都特別多,最近網上見倒呢個Fallout乘迪士尼公主嘅插畫系列,由加拿大插畫師Peter Slavik創作,白雪公主、灰姑娘、美人魚全部突入Fallout遊戲世界,血淋淋,幾特別。愛麗斯仲有啲似《Bioshock》嘅Little Sister。不過fans就唔多鍾意,好多人都留言叫佢收手,男人的浪漫,唔可以亂破壞嘅。

Read more ›
網圖分享:暴力色情超現實 Joan Cornella超Cult漫畫
by / on 26/10/2015 at 9:00 pm

網圖分享:暴力色情超現實 Joan Cornella超Cult漫畫

是日推介西班牙插畫師Joan Cornella嘅超短篇漫畫,有單格、四格、六格,特 點係──一,美其名畫風有強烈個人風格,實情線條同構圖都過份簡單,簡單到 有啲求其,二,唔知點解,人物全部有眼無珠,表情個個都差不多,好詭異吓; 三,顏色好鮮艷,對比好強烈,整體嚟講好吸睛;四,超Cult,Cult到近乎睇唔 明,有血腥,有暴力,有色情,另加大量黑色幽默,帶強烈諷刺意味;五,無對 白,想像空間無限大,Get到乜嘢訊息,睇你造化;六,無厘頭,故事完全唔依 照常理,好超現實……唔知大家啱唔啱睇?我就幾Like嘞。

Read more ›

喪屍耷低頭玩手機    插畫師串爆現代人做手機奴隸
by / on 25/08/2015 at 7:05 am

喪屍耷低頭玩手機 插畫師串爆現代人做手機奴隸

英國插畫師Steve Cutts嘅作品現代人睇好有共鳴,例如每日經過鬧市,都會見到一群群喪屍耷低頭玩手機,慢行亂撞人,除咗諷刺現代人比手機操控,仲串人貪錢、睇垃圾電視節目、食垃圾食物、自願做貓奴(咁都算?),梗有一款中咗你死穴。唉,我中咗幾樣。

Read more ›
搞笑插畫玩生果 識得笑其實好好笑
by / on 02/08/2015 at 2:19 pm

搞笑插畫玩生果 識得笑其實好好笑

開心可以好簡單,可惜香港人呢幾年遇到好多唔公平嘅現象,怨氣越積越多,打開Facebook見到嘅都係鬧鬧鬧居多,今日放假,一齊睇吓啲簡單開心嘅插畫,笑返吓啦。呢位馬來西亞插畫師flyingmouse365之前嘅超級英雄系列我哋都介紹過,今次主角就變咗一班蔬果,照舊充滿幽默感,特別係薯仔同橙汁嗰幾張,堅好笑,係咪我笑點低?

Read more ›
超級英雄狗狗版 變形俠狗零違和
by / on 09/07/2015 at 7:08 am

超級英雄狗狗版 變形俠狗零違和

外國嘅設計師好鍾意用Marvel超級英雄做創作靈感,今次呢位美國插畫師Josh Lynch索性將超級英雄變晒狗狗,蜘蛛俠、蝙蝠俠、雷神、黑寡婦、Iron Man‥‥‥而我呢,最鍾意都係Hulk,零違和感,仲cute cute哋。

Read more ›
神級插畫師PEZ     玩完迪士尼玩可樂/黑武士
by / on 10/03/2015 at 7:09 am

神級插畫師PEZ 玩完迪士尼玩可樂/黑武士

好鍾意法國插畫家PEZ嘅作品,之前都介紹過佢嘅惡搞迪士尼Distroy系列,好多人都話like,未睇過入嚟有回帶。今次想介紹埋佢另一個系列,全部都係用鉛筆繪畫,晒到佢嘅手對之餘,好多都係以而家嘅流行元素做題材,例如有可口可樂啦、星戰嘅黑武士啦、LEGO啦等等,全部畫功超靚,而且睇真啲全部有寓意,推介。

Read more ›
網圖分享:Christoph Niemann的實襪恐龍
by / on 28/01/2015 at 10:30 am

網圖分享:Christoph Niemann的實襪恐龍

周三,工作開始排山倒海殺埋身嘞,Feel到有氣無掟抖呢?不如欣賞吓插畫師Christoph Niemann嘅有趣畫作,好好紓緩一下壓力。呢位人兄善於觀察日常生活小節,亦喜歡將生活日用品以實物形式入畫。老實,作畫技巧唔太難但嗰份天馬行空嘅創意,你未必有囉。以下圖輯,我最欣賞其中一幅「實襪恐龍」,筆觸同襪好夾,一睇就知佢畫緊一隻跑動中嘅恐龍,有趣有趣。

Read more ›

網圖分享:上班族的刻板日常
by / on 11/12/2014 at 8:00 pm

網圖分享:上班族的刻板日常

或者你同我一樣,睇完曾經為《衛報》、BBC、《經濟學人》等媒體作畫嘅John Holcroft呢組圖輯,心底會泛起一種莫名其妙嘅可悲可憐可嘆感覺。作為暫時有穩定收入嘅上班族,記住,只係餓又餓唔死、發達又無份、一世為樓為車做奴隸嘅上班族,並非得閒去Starbuck入咖啡嘅中產,日日就係過住如此這般的刻板生活,你都咪話唔Sad。面對朝不保夕嘅工作、上司一張張死老竇老母嘅乞人憎嘴臉、同事之間嘅勾心鬥角、電視機裡面幕幕警民衝突,我哋可以做嘅真係唔多,惟有日日拎住個手機,坐到籮柚同張凳融為一體,Loop吓Loop吓又過一日,唉,諗起都覺得慘呀……

Read more ›
網圖分享:Rob Sacchetto的無限喪屍化
by / on 28/10/2014 at 10:15 pm

網圖分享:Rob Sacchetto的無限喪屍化

過多三日就Halloween,好,就應吓節,介紹一個畫喪屍畫到起晒朵嘅插畫師畀大家認識,呢位人兄叫Rob Sacchetto,之所以起朵,全因佢鍾意將名人、明星、政治人物、動漫角色、俊男美女……總之諗得出嘅,信手拈來都可以喪屍化。數呀數,英女皇喇、奧巴美喇、迪士尼公主喇、變形俠醫Hulk喇、麥當奴叔叔喇、瑪莉蓮夢露喇等等,喺佢筆下統統變晒Walking Dead,勁在如何歪嘴爛鼻、腦漿四溢、斷手跛腳都好,一望,你就知道佢畫緊邊個,厲害厲害!

Read more ›
網圖分享:Ilya Kuvshinov的美少女
by / on 28/10/2014 at 8:58 pm

網圖分享:Ilya Kuvshinov的美少女

周二,仲有三日先捱到周五,聽日要返工,個心幾野都唔敢出街玩,食飽飯唔想早瞓又唔想睇CCTVB膠劇,有乜好做呢?不如睇女喇,唔好心邪,唔係叫你上鹹網,係叫欣賞吓俄羅斯插畫師Ilya Kuvshinov嘅精美作品。佢筆下美少女雖然同樣係大眼豐唇、頭髮七彩咁多隻色、巨乳纖腰、手長腿長,但只要細心留意,不難發現畫風好多變,一時類似日本動漫畫風,一時又滲住啲美國漫畫味道,有啲畫作甚至有迪士尼卡通嘅影子,不過乜畫風都好,幅幅都高質素到可以做Wallpaper,堅靚,我話嘅。

Read more ›
消時間玩意回顧 60年代興搖搖
by / on 16/10/2014 at 7:04 am

消時間玩意回顧 60年代興搖搖

每個年代都有啲經典玩具,消耗我哋大量時間,插畫師John Atkinson設計咗以下呢張圖,寫明唔同年代最消時間嘅玩意。原則上你玩過幾多款,就揭示咗你係乜嘢年齡。1960年興嘅係搖搖(唔係台灣嗰個)。去到90年代就有一人一部嘅他媽哥池,嚟到2000年代,基本上乜都唔駛玩,有facebook就夠。

Read more ›