Post Tagged with: "插畫家"

【終極FF】iPhone一百樣可能 變多士爐/碎紙機/啤酒杯
by / on 27/01/2016 at 7:12 am

【終極FF】iPhone一百樣可能 變多士爐/碎紙機/啤酒杯

iPhone用途好廣,不過總有啲你好想佢有但佢仲未有嘅功能,插畫家Anshuman Ghosh就將佢哋畫晒出嚟,例如幻想自己部iPhone可以做多士爐、碎紙機、雪糕機、BBQ爐、洗手液、啤酒杯,每張插畫都好靚,不過全部只屬FF,起碼iPhone仲未可以做到防水。不過我最想見係變成透明嗰款,雖然實用度低,但型喎。

Read more ›

政治家變Transformer    知名插畫家諷刺政治時弊
by / on 03/01/2016 at 1:46 pm

政治家變Transformer 知名插畫家諷刺政治時弊

呢位世界知名嘅插畫家Gunduz Agayev要識,佢專畫諷刺政治時弊嘅漫畫,一針見血質素好高。之前畫過諷刺全球警察嘅「Global Police」、諷刺教會嘅「Holy Selfie」同諷刺獨裁者嘅「Just Dictators」,中國當然榜上有名,入嚟有回帶。最近期嘅作品就將全球政治領袖變成Transformer,最近紅到出猛男月曆嘅普京當然有份,仲有英女皇、奧巴馬、金正恩。好彩佢唔係住喺香港。

Read more ›
【真心推介】入侵他人IG相片    加插畫大受歡迎出手機App
by / on 04/10/2015 at 3:35 pm

【真心推介】入侵他人IG相片 加插畫大受歡迎出手機App

真心推介呢位巴西插畫家Lucas Levitan嘅作品,佢最近好紅,仲喺App Store出埋插畫app,佢嘅強項係入侵IG上唔同人嘅相,喺入面加上自己創作嘅插畫,名為「Photo Invasion」。每張相都好得意有故事,睇完令人會心微笑。每次佢都會@返對方話比人知:「我入侵咗你張相嘞。」個手機App暫時只得iPhone用家有得下載,港幣$23,佢話會不時更新加多啲插畫。另外Kickstarter亦集緊資推出佢本相集《Photo Invasion – The Book》,睇完佢所有作品之後,我都有啲想買佢個app玩吓。

Read more ›
【原形畢露】除低面罩現真身     Grumpy Cat變加菲貓 / 悟空變比卡超
by / on 22/09/2015 at 7:12 am

【原形畢露】除低面罩現真身 Grumpy Cat變加菲貓 / 悟空變比卡超

一見到呢張加菲貓嘅相已經好想share,再睇真啲,原來出自我哋成日介紹嘅插畫家Alex Solis手筆,今次已經係第5次介紹佢嘅作品,之前仲有超級英雄變老同漲爆悟空,入嚟有回帶。今次呢輯「Icons Unmasked」就幻想我哋熟悉嘅角色除低面罩嘅真面目,Grumpy Cat原來係加菲貓扮嘅;Big Bird入面係翠兒、仲有變形俠醫入面嘅Angry Birdz、悟空入面嘅比卡超、Rockman入面嘅小飛俠,好正!

Read more ›
叮叮!有漫畫睇!動漫電車啟航!
by / on 05/08/2015 at 7:30 pm

叮叮!有漫畫睇!動漫電車啟航!

港漫一向唔受香港政府重視,灣仔動漫基地甚至被立法會議員慢必批評為失敗,其實慢必都講得幾有道理,好好一個「叮~叮~動漫都市電車遊」活動,都唔見有乜宣傳,仲話為慶祝動漫基地成立兩周年喎,根本都無Noise!不過點都好喇,呢個活動絕對值得大家支持,即日起至10月,六部車身畫滿插畫嘅動漫電車會行走港島各區,有份獻畫嘅香港漫畫家同插畫家包括羅浩光、杜翰煬、大泥、文地貓、姜智傑同夢特嬌ž全,拿,聽到叮叮聲,記得望吓電車車身,有靚畫的話,記得影番張相掟上網喇,保證你呃都Like。

Read more ›
【貓人合一】奇妙插畫家 動物人類結合零違和感
by / on 29/06/2015 at 7:11 am

【貓人合一】奇妙插畫家 動物人類結合零違和感

細田守套《狼的孩子雨和雪》好好睇,尤其是將人類同狼合二為一嗰種零違和感,好正。突然提起,因為見到DeviantArt嘅藝術家xuedaixun(雪代薰)呢輯插畫,入面將貓狗變成人類,好有中國古代神話嘅效果,而且像真度好高,對眼尤其神似。唔知今晚會唔會發夢屋企隻喵變成人嚟搵我報恩呢?(發夢啦你)

Read more ›

追蹤IG人氣狗狗     插畫家逐個畫
by / on 16/03/2015 at 7:09 am

追蹤IG人氣狗狗 插畫家逐個畫

戰鬥民族插畫家Valerie Susoloparova好鍾意畫狗狗,最近佢就喺Instagram幫幾個喺網上好出名嘅狗狗畫肖像畫,好多之前我哋都介紹過,包括日本好紅嘅Maru。啲狗狗喺佢筆下依然咁可愛,而且像真度高,佢仲好鍾意喺現實取材加啲特別效果。入嚟欣賞佢嘅作品之餘,仲可以跟手follow埋幾隻人氣狗狗嘅IG,繼續追蹤佢哋。

Read more ›
拳拳到肉   樣衰肥仔插畫捱打
by / on 16/01/2015 at 7:08 am

拳拳到肉 樣衰肥仔插畫捱打

睇返資料,呢位美國插畫家Alex Solis原來已經第4次介紹,證明我哋都幾鐘意佢嘅作品,而且佢都幾多產。今次嘅作品叫Inkteraction,繼續佢嘅拿手好戲 ─ 將插畫同現實結合,仲玩到用自己隻手同自己嘅插畫主角開拖!夠晒暴力,拳拳到肉好肉緊,加上個肥仔周身毛樣衰衰,睇得好爽。

Read more ›
法國插畫家融入生活    雷神shopping買槌仔
by / on 10/12/2014 at 7:04 am

法國插畫家融入生活 雷神shopping買槌仔

日日行同一條路返同一份工,老實講都幾懨悶,想開心啲,好應該學吓外國人,用唔同嘅角度去欣賞平時見倒嘅事物。呢位法國插畫家Troqman,最叻將自己喺畫薄上嘅插畫放喺現實不同嘅環境入面,做出特殊有寓意嘅效果。例如雷神去咗槌仔舖shopping,大力仔一嘢劈開咗塊磗頭,仲有好多奇形怪狀好搞笑嘅相,入嚟慢慢欣賞。

Read more ›
索爆Wonder Woman   超級英雄懷舊插畫
by / on 07/12/2014 at 1:15 pm

索爆Wonder Woman 超級英雄懷舊插畫

《The Saturday Evening Post》呢本老牌雜誌喺美國推出接近300年,每期封面都係插畫,好懷舊好有個性。外國插畫家Juan Carlos Ruiz Burgos最近自創咗一系列超級英雄封面,向呢份雜誌同埋為雜誌畫封面接近40年嘅已故插畫師Norman Rockwell 致敬,封面有貓女郎、Wonder Woman、Joker等等角色,喺佢筆下嘅女主角全部靚晒,我都係第一次覺得Super Woman咁索。

Read more ›
情色插畫家    串爆科技玩謝人
by / on 06/12/2014 at 12:30 pm

情色插畫家 串爆科技玩謝人

插畫家好耐無介紹,不過呢個Gunsmithcat勁喎,畫功靚之餘有寓意,例如呢張「The I-Phonekkaka」,女學生比6個電話埋身挑釁,講嘅係究竟你控制科技定科技控制你,其餘仲有啲諷刺宗教、性別、政治之類嘅議題,部份睇落有啲色情,不過咁先夠搶眼,推介。

Read more ›

Starbucks杯幽默漫畫    畫足100幅
by / on 15/11/2014 at 2:23 pm

Starbucks杯幽默漫畫 畫足100幅

好多人都鍾意喺Starbucks杯上面畫公仔,間接幫佢賣廣告。最近有呢位插畫家Josh Hara,佢嘅目標好明確,就係要畫足100杯,仲開埋個instagram戶口,每次用#100CoffeeCups 嘅標題提醒自己。雖然啲漫畫標題內容都係用英文,不過好易明,而且好多幅都好有幽默感,星期六唔駛飲咖啡提神,都可以睇吓漫畫氹自己開心。

Read more ›
Instagram法國浪漫插畫家    漫畫人物融入現實
by / on 15/09/2014 at 7:05 am

Instagram法國浪漫插畫家 漫畫人物融入現實

玩Instagram其中一個原因係啲相特別靚,潮人藝術家特別多,今日介紹一個近來好欣賞嘅插畫家troqman,呢位法國人今年30歲,經常拎起本sketchbook周圍畫,畫完嘅公仔會放喺現實環境入面再影相,營造出特別效果。例如喺河邊出現美人魚插畫、草叢邊有個漫畫人小便‥‥‥效果好特別,畫功都好出色,值得follow吓。

Read more ›
10款80年代經典玩具    Super Soaker威水槍/G.I. Joe都有份
by / on 14/09/2014 at 12:32 pm

10款80年代經典玩具 Super Soaker威水槍/G.I. Joe都有份

而家呢一代嘅主要玩具係手機或者平板電腦,以前小朋友嘅玩具就多元化好多,香港插畫家David Lo畫咗10樣80年代至90年代最難忘嘅玩具,有Super Soaker 威水槍、G.I. Joe、扭計骰、Gameboy、俄羅斯方塊、NES‥‥‥你中咗幾多樣?

Read more ›
神級插畫師新作  Distroy迪士尼玩巴斯光年
by / on 11/06/2014 at 7:06 am

神級插畫師新作 Distroy迪士尼玩巴斯光年

神級法國插畫家PEZ之前都介紹過,作品有諗頭畫功又精細,推介。今次佢繼續玩迪士尼,將Disney變成Distroy,上集玩完米奇胡迪瑪利奧,嚟到第二集,今次主角有巴斯光年、翠兒、Skrutchy等等角色,照舊溶溶爛爛,翠兒爆頭之後仲見倒佢個friend,作品繼續有彩色圖有原稿分享,一樣咁靚。

Read more ›