fbpx

Tag: 插畫家

Eric Ng做善事益老友記 港漫人+插畫家揮春套裝$98

Eric Ng做善事益老友記 港漫人+插畫家揮春套裝$98

上週報導過「兩合特色餐廳」老闆Eric Ng因疫情關係,今年搞唔成「名師出糕圖」改印揮春,成壇嘢依家有定案喇。大家聽清楚,由各大中小插畫家同港漫人製作嘅揮春每套$98,內有15款揮春共16個,收入不扣除成本,將用嚟製作2021年老友記專用曆。做善事,大家唔該爽手啲呀喂。

Read more ›

撐《Metro Pop》 12個撐起香港的插畫家

撐《Metro Pop》 12個撐起香港的插畫家

今期第682期《Metro Pop》有必要攞番本睇吓,因為封面故事係「撐起香港插畫家」,內有爵爵與貓奴、Galaman、草日、謝曬皮、黎特、文地貓、賤人新世紀、Plastic Thing、Cuson、Din Dong、阿塗、奶茶通俗學嘅訪問,分享佢哋對本地插畫界看法。攞唔到,都可以上網頁揭頁版睇番。

Read more ›
日本超人氣插畫家 動物變食物GIF熱傳

日本超人氣插畫家 動物變食物GIF熱傳

日本插畫家misato.最近喺Twitter好高人氣,佢嘅作品有好獨特嘅世界觀,仲經常有可愛動物同埋食物出現。最近熱傳有呢套GIF,全部動物冚被之後都變咗美味食物,例如蛋包飯、炸蝦、班戟,好高質。另外佢出嘅LINE貼紙唔少貓奴都有下載,入嚟有回帶,鍾意嘅記住follow埋佢嘞。

Read more ›
日本插畫家PS5模擬圖      呎吋參考有Switch有PS4

日本插畫家PS5模擬圖 呎吋參考有Switch有PS4

訂唔訂到PS5都可以睇定先,日本插畫家澤田圭喺Twitter分享咗PS5嘅插圖,俾大家幻想吓部PS5放喺電視機旁邊有幾大,佢仲放埋Switch做參考,亦有加埋PS4放隔離嘅比較圖,最後仲做埋打橫放部機嘅模擬圖,入嚟有得睇,都真係幾大部。

Read more ›
日本插畫家分享「貓駕駛執照」    拍攝證件相有秘技

日本插畫家分享「貓駕駛執照」 拍攝證件相有秘技

日本插畫家Tomoaki Kubo專畫貓漫,最近佢喺Twitter出咗張圖引嚟好多貓奴回圖。話說佢幫隻喵整咗張「運転免許証」,即係日本嘅駕駛執照啦,不過相中嘅喵星人個樣好認真好乖,佢就透露建議大家可以喺喵星人去廁所嘅時候拍攝,之後引嚟好多貓奴出圖回應,出賣主子!不過每張圖都真係影得好好,超搞笑。

Read more ›
網圖分享:插畫家筆下的MK妹

網圖分享:插畫家筆下的MK妹

蕭邦仲《MK妹》繼續洗版,不但受一眾毒L追捧,連插畫家都非常鍾意書中女主角。自稱好日唔出一次MK嘅元朗牛屎妹即化名吉村春袋子嘅多利繪、唔小心畫得太靚將MK妹畫成MK女神嘅Alice Hobbery、之前幫拖宣傳Cos MK妹嘅茶里,皆落力獻畫。畫作好高質吓,大家請畀啲掌聲,啪啪啪啪啪。

Read more ›

網圖分享:Cuson放閃談插畫家 女友鍾情門小雷

網圖分享:Cuson放閃談插畫家 女友鍾情門小雷

喂,放閃可恥呀,不過又真係好溫馨呀。話說Cuson擒日出咗個有聲Post,用漫畫描繪拍拖日常,問女友鍾意邊個香港插畫家,女友居然答:「門小雷!」而唔係答佢本尊,搞到佢成個人呆咗。唔難理解吖,我諗好多讀者Including me都好鍾意門小雷,Cuson,咪鬼小器喇喂。

Read more ›
有片:台灣插畫家出品 襧豆子手搖動畫機

有片:台灣插畫家出品 襧豆子手搖動畫機

《鬼滅之刃》好紅,嫌Figure之類精品太大路的話,可以考慮吓台灣插畫家「空罐王」推出嘅手搖動畫機。Flipbook animation,全黑白,畫嘅係襧豆子刷牙呀喂,好可愛呀。

Read more ›
日本黑喵受傷用頸圈咕臣 人氣插畫家畫畫紀錄Twitter熱傳

日本黑喵受傷用頸圈咕臣 人氣插畫家畫畫紀錄Twitter熱傳

喵星人做完手術後好多時都要戴「喇叭」防止佢哋舔到傷口,日本呢位人氣插畫家「もやぴっぴ」最近又有新作,佢隻黑喵前腳受咗傷,為防佢舔傷口,主人幫佢戴咗伊利莎伯式頸圈,仲畫埋插畫好可愛,不過實際上隻喵個樣似乎有啲無奈‥‥‥之後好多貓奴放佢哋隻喵戴頸圈咕臣嘅相,入嚟有回帶。

Read more ›
日本插畫家分享 黑貓著聖誕服連環圖+真實圖

日本插畫家分享 黑貓著聖誕服連環圖+真實圖

聖誔貓服飾呢啲,從來都係主人開心寵物擔心,日本人氣插畫家AKR屋企隻黑貓都中咗招,仲成為插畫內容。睇佢著咗套聖誕裝之後郁都唔郁,之後仲決定攤低,實在好搞笑,入嚟有漫畫睇。

Read more ›
日本人氣插畫家C96暴力新圖   謝絕煩膠講價

日本人氣插畫家C96暴力新圖   謝絕煩膠講價

呢幾日係日本嘅C96,日本呢位好紅嘅插畫師都出圖,今次教大家去C96買嘢嘅禮儀,照舊都係好暴力,咁大家去到真係唔好講價嘞,特別係唔好同人爭拗「材料費」同「材料」嘅問題,買就買,唔買就唔好搞住人嘞。

Read more ›

日本恐怖系插畫家駕籠真太郎 香港開展幫Fans畫似顏繪

日本恐怖系插畫家駕籠真太郎 香港開展幫Fans畫似顏繪

嘩!日本著名插畫家駕籠真太郎(Shintaro Kago)喺香港開展覽呀,好難唔撐呀!佢手畫集色情暴力、恐怖詭異、死亡往生於一身,主角多數係可愛美少女,甚麼開腦食眼、爆內臟殘肢、飲血食屎等等係家常便常,幅幅畫作都有無窮張力。講真,睇佢嘅畫,你唔會即時覺得好驚好驚,但帶出嚟嘅意識卻會深印你腦海,名副其實一見難忘。是次展覽除有原稿畫作、絕版漫畫分享,仲有限量複印畫、小畫冊、明信片、襟章、啤酒等精品發售。更正嘅係,喺6月28日至7月1日期間,駕籠真太郎會駐場,到時仲會舉辦似顏繪環節,將你個樣融入佢嘅血腥美學之中,保證獨一無二。

Read more ›
日本插畫家《World Flags》系列畫作 東京奧運2020國旗擬人化

日本插畫家《World Flags》系列畫作 東京奧運2020國旗擬人化

為慶祝東京奧運2020嘅來臨,有班日本插畫家製作咗呢個《World Flags》系列畫作,主題係參與國家嘅國旗擬人化。畫風方面,係睇慣睇熟嘅濃濃日漫風;造型方面,有男有女,有兵器有樂器,衣服五顏六色,髮型千變萬化,總有三兩處代表到所屬國家,仲有埋國旗介紹同人物簡述,好厲害。計我話,公仔如此高質,基本上可以直接攞嚟出Game或當漫畫人設。留意番,網頁講明「This is an unofficial project. This project is not affiliated with the Government of Japan or the Olympics.」,Wow,純民間自發創作都如此認真,日本不愧動漫之國,服了。

Read more ›
網圖分享:日本插畫家畫美洲國家盃分組賽圖 蘇亞雷斯有棚殭屍牙

網圖分享:日本插畫家畫美洲國家盃分組賽圖 蘇亞雷斯有棚殭屍牙

美洲國家盃開打,阿根廷頭場輸畀哥倫比亞兩粒,認真失威;智利炒日本四粒,山齊士一入球一助攻,認真威威。為此,日本插畫家千田純生畫咗幅分組賽圖,非常精美。留意番,巴西因為尼馬退隊,所以頭像應該係畫緊法明奴,阿根廷隊頭像當然係美斯喇,至於烏拉圭隊頭像蘇亞雷斯,特登畫到佢有棚殭屍牙,寸佢有鋪咬人癮,笑咗。

Read more ›
網圖分享:日本插畫家浮世繪風 邊個發明返工?

網圖分享:日本插畫家浮世繪風 邊個發明返工?

是咪好攰呀?仲未收工嘅你,應該對日本插畫家Ukiyoemon Mitomoya嘅畫作好有共鳴。用浮世繪風格,繪畫打工仔如何為五斗米受苦,每朝趕頭趕命換衫返工連食早餐時間都無、日日同時間競賽迫地鐵返工、打幾大風都要冒死返到辦公室、做到幾攰都要OT死撐、食支煙都唔安落等等……唉,聞者辛酸見者流淚,不禁問一句,邊個發明返工?

Read more ›