獵奇日本風 「提供目」眼鏡扮上電視

你有冇聽過咩叫「提供目」?恕我孤陋寡聞,雖然日本都有咗呢個名詞一段時間,但我真係啱啱先知呢樣嘢。有睇日本電視劇或綜藝節目嘅都知道播映前或賣廣告前都會有字幕出,就係咩咩贊助嗰啲,咁就一定有提供兩個字。就係因為呢兩個字嘅擺位成日遮住電視畫面中人(無論真人或動畫人甚至喵) 對眼,所以就有「提供目」呢個詞語出現喇。無聊?未算,日本仲特登推出一副「提供目」眼鏡!戴咗之後,可以點?你就好似上咗電視,俾人贊助一樣,800円,堅無聊,但好笑。

Read more ›