Tag: 推出

日本長下巴動物扭蛋 終於推出「恐龍」系列

日本長下巴動物扭蛋 終於推出「恐龍」系列

終於到恐龍系列嘞!講緊係日本「パンダの穴(熊貓之穴)」呢個長下巴動物系列扭蛋,官方最新公佈推出一式五款恐龍,包括暴龍、三角龍、劍龍、翼龍同迅猛龍,全部都有個特長下巴,配埋個樣變得好搞笑,預計今個月推出,記住留意返!

Read more ›

日本Animate情人節推出 動漫迷必備「實用儲物袋」

日本Animate情人節推出 動漫迷必備「實用儲物袋」

日本嘅Animate係動漫迷嘅必到之地,最近佢哋旗下嘅Acos公佈推出呢款好細心嘅袋,好適合去展覽嘅動漫迷使用。個袋可以揹喺頸位,然後打開就可以展示自己嘅珍藏同人交流,裝A4 folder唔怕整皺,又可以放襟章等等嘅雜貨,最重要係想走嘅時候合埋個袋就得嘞。嚟緊情人節2月14日推出,售價1500円。

Read more ›
《FINAL FANTASY VII REMAKE》延期1個月    4月10日推出原因係咩?

《FINAL FANTASY VII REMAKE》延期1個月 4月10日推出原因係咩?

原來都係要delay,講緊嘅係好多人等緊嘅《FINAL FANTASY VII REMAKE》,本來3月3日推出,不過噚晚官方就喺Twitter公佈要延期至4月10日,大致都係話想追求更好嘅品質所以要延期。延1個月相信大家都肯等,不過唔少網民就搞投票,例如估佢最終嘅推出日期(大部份人揀2020年冬天),同埋延期嘅主要原因(大部份人話因為官方想加大Tifa嘅胸部呎吋或者Square Enix想提高股價),仲有好多高質嘅回應圖同片,入嚟有回帶。

Read more ›
日本7-11新推出甜品 網民Twitter分享好想試

日本7-11新推出甜品 網民Twitter分享好想試

日本7-Eleven經常有好嘢推出,最近日本網民喺Twitter分享呢款新推出嘅甜品,意大利布甸,睇落超正,去開日本可以買嚟試吓。

Read more ›
日本「機械臂袖套」扭蛋5月底推出    中二病患者注意  

日本「機械臂袖套」扭蛋5月底推出    中二病患者注意  

呢款EPOCH嘅「機械臂袖套」扭蛋之前都介紹過,而且反應好好,提提大家5月底正式推出嘞,官方仲發佈咗好多新相,著住佢行山、踩單可以防曬,又可以cosplay,多用途之選,想買嘅記住留意吓嘞。

Read more ›
【有片】日本Suntory順應民意   真係出可愛「貓樽蓋」

【有片】日本Suntory順應民意 真係出可愛「貓樽蓋」

仲記唔記得Suntory呢個貓樽蓋?佢哋喺2月嘅日本貓之日出咗個post,話整咗個貓樽蓋,之後吸引超過8萬個轉發,大量網民要求佢哋量產。官方最近終於宣佈推出嘞,不過唔係全線發售,而係限量22個(因為喵叫聲同日文「2」字好似),即日起轉發相關post就有機會得到,而個蓋其實唔係樽蓋,而係「樽蓋個蓋」,即係用嚟笠住本身個蓋嘅(入嚟有片睇)),但相信已經令好多人超想要。講真,22個實在太少,希望官方正式考慮大量生產啦!

Read more ›

日本Lawson限定免費推出    超靚Hello Kitty咖啡杯防熱套

日本Lawson限定免費推出 超靚Hello Kitty咖啡杯防熱套

最近去開日本嘅朋友,記住去埋Lawson!官方趁Hello Kitty 45週年,合作推出咗呢個咖啡杯防熱套,雖然白色有啲易污糟,不過毛茸茸嘅質感超靚。由噚日開始喺指定Lawson嘅Machi Cafe買熱latte (500円)就可以免費得到,同期仲推出兩款Hello Kitty主題食物,分別係午餐便當(399円)同埋蘋果吉士蒸包(200円),好期待睇佢嘅崩壞版蒸包呀。

Read more ›
【有片】《Kingdom Hearts III》日本今日出   超人氣畫師出圖紀念

【有片】《Kingdom Hearts III》日本今日出 超人氣畫師出圖紀念

等咗好耐嘅《Kingdom Hearts III》日文版今日推出,日本Twitter勁多人熱烈慶祝,其中呢位近年人氣超高,專畫動漫角色背面嘅插畫師「いまむー」原來都係fans,佢仲專登畫咗三集嘅主角Sora嘅背影出嚟,一見到支鎖匙回憶就返晒嚟啦!另外入嚟有得睇埋官方新出嘅宣傳片,由Kingdom Hearts嘅cute版動畫到今集遊戲畫面,好正。仲有fans用遊戲封面重新畫成識郁嘅像素畫,超勁,入嚟有得睇晒佢。

Read more ›
日本必買手信 推出第3彈「富士山」模型

日本必買手信 推出第3彈「富士山」模型

繼「東京鐵塔」同「大阪城」之後,嚟到第3彈終於到「富士山」出場嘞!日本公司PLEX公佈咗呢座富士山模型,最近有多啲相睇,照舊未砌前會見到「富士山」三隻字,拆出嚟砌起就會變咗座立體富士山,仲有貼紙可以貼喺頂模仿返積雪效果,有藍色同夜光色兩款,預計4月推出,做手信一流呀。

Read more ›
日本推出「招財貓紅底褲」 金運上昇過年啱著

日本推出「招財貓紅底褲」 金運上昇過年啱著

估唔到日本都會有呢啲產品推出,新一年想行好運,日本公司izavell就諗到將招財貓同紅底結合,推出呢條女裝內褲,正面係大大隻招財貓,後面仲有條貓尾,聲稱除咗帶來財富仲會帶來「元氣」!適合著嚟見工、考試、演講、見重要客人、第一次約會、買彩票等等嘅重要場合,著得咁密梗係要替換,所以佢哋推出嘅係兩件裝,價錢3024円。對香港人嚟講,買條著嚟過年賭錢應該好旺,可惜得女裝。唔知淘寶有無男裝版?

Read more ›
超搞笑埃及「貓身貓面像」 日本奇譚扭蛋4月推出

超搞笑埃及「貓身貓面像」 日本奇譚扭蛋4月推出

日本扭蛋公司奇譚經常都出貓產品,除咗大受歡迎嘅貓頭套之外,呢款埃及獅身人面轉化而成嘅「貓身貓面像」都超可愛。頂埃及特色帽可以拆落嚟,一式五款,最正係其中一款隻貓真係石像風嚟嘅,超搞笑。預計4月發售,貓奴們記住留意返嘞。

Read more ›

TENGA禮盒裝大方得體     機械人版12月推出

TENGA禮盒裝大方得體 機械人版12月推出

TENGA大家都好熟悉,好多人會買嚟做手信,最近網民仲分享咗佢哋好有新年氣氛嘅禮盒Boxset,一盒6個,賣3700円,住喺日本仲可以免費送貨,而個盒睇落就好似一般和菓子禮盒咁,大方得體,寄到禮屋企人都唔知係咩。之後樓主仲提醒大家之前公佈過嘅Tenga機械人12月會推出嘞!可以變形,個樣仲幾可愛,賣3700円,送禮自用都正。

Read more ›
【超想食!】日本「士多啤梨日」    水果蛋糕店推32款流口水甜品

【超想食!】日本「士多啤梨日」 水果蛋糕店推32款流口水甜品

而家至到下年2月都係士多啤梨嘅當造期,日本嘅士多啤梨諗起都想食!因為發音相似,所以每年嘅1月15日都係日本嘅「士多啤梨日」。今年喺全國有33間分店,日本出名食水菓蛋糕嘅「カフェコムサ」(Cafe comme ca)啱啱都宣佈推出32款士多啤梨甜品,由每間店嘅廚師設計,全部都係士多啤梨,好正呀!不過留意返,只限1月13日至1月15日有得食,去開日本嘅士多啤梨控記住留意吓嘞!

Read more ›

新圖發佈 《街霸》角色跪地磕頭 奇譚土下座8月推出

奇譚玩具出嘅土下座扭蛋系列好受歡迎,之前宣佈同Street Fighter合作推出特別篇,終於等到7月就嚟推出,之前都公佈過,而家又有新相。主角阿龍、Ken、春麗、E.Honda、軍佬、蘇聯佬全部跪地磕頭,最正都係印度佬,隻手夠長,有成10公分,勁搶眼!一套總共9款角色,預計8月頭推出,開價300円。

Read more ›

Lego宣佈推出Simpsons系列 Homer有無份?

Simpsons嘅五顏六色其實同Lego好相似,可能Lego都係咁諗,啱啱宣佈2014年將會推出Simpsons Lego系列,Lego發言人話暫時未講得會有邊個角色,計我話,Simpsons一家五口應該走唔甩啩?不過如果只可以出一個,求吓你出我最愛嘅Homer啦!仲有,可唔可以整埋冬甩?唔同顏色嘅Lego冬甩我都好想擁有呀!

Read more ›