Post Tagged with: "推介"

日本100円店好物      整班戟工具網民推介
by / on 05/11/2018 at 7:47 am

日本100円店好物 整班戟工具網民推介

呢啲食落肚好似食咗空氣嘅梳乎里班戟,女仔實鍾意嘞,不過出街食都幾貴,有無諗過自己整?日本有網民分享咗件好物,喺100円店DAISO(ダイソ)有得買嘅班戟工具,樓主話好方便易用,而且夠平,食譜方面喺包裝袋後面已經有,唔少網民跟住買,之後都成功整到,似乎唔難,下次去開DAISO記住買個俾朋友,叫佢整俾你食。

Read more ›

日本網民私心推介 京都嵐山超正和牛店
by / on 31/10/2018 at 7:26 am

日本網民私心推介 京都嵐山超正和牛店

又有好嘢介紹,有日本網民推介呢間叫「STEAK おおつか」嘅和牛店,位於嵯峨嵐山,樓主形容為超好味,睇相都流晒口水呀!各位去開京都附近旅行嘅記住去試吓。留意返佢每日嘅開業時間係早上11點至下午2點半,晏咗去就無得食嘞,另外逢星期四同日都休息,至於平均消費大概係4千円一個人左右。

Read more ›
日本超正「炸蠔雪糕」 完美組合高度推介
by / on 29/10/2018 at 7:15 am

日本超正「炸蠔雪糕」 完美組合高度推介

日本岡山被譽為「日本首屈一指的牡蠣生產地」,佢嘅魚市場「五味の市」可以食新鮮生蠔、炸蠔,真係睇見都流口水,而最近仲有一個好特別嘅產品推出,就係炸蠔雪糕嘞!雪糕兩邊各自插住一隻炸蠔,一邊食蠔一邊點旁邊嘅雪糕嚟食,一冷一熱,有日本媒體親身試咗,話味道超好,去開嘅朋友記住試吓,而且一杯只賣300円,超抵!不過記住早啲去,間店賣完就會提早關門。

Read more ›
日本Lawson「盒裝忌廉」網民推介    最啱配咖啡/大學芋
by / on 24/10/2018 at 7:49 am

日本Lawson「盒裝忌廉」網民推介 最啱配咖啡/大學芋

有無人好似我咁,好鍾意食忌廉?呢隻喺日本便利店Lawson有得賣嘅盒裝忌廉,最近成為日本網民熱烈討論嘅焦點,全名係Premium roll-cake cream,睇落又軟熟又好味,有人教雪凍咗之後切粒然後放入咖啡好好味,又有人建議配7-11有得賣嘅「大學芋」甜品(沾滿糖漿嘅蕃薯條) 最正,去開日本嘅忌廉控記住買嚟試吓嘞!

Read more ›
日本網民推介好瞓網吧    獨立隔音房間新裝修
by / on 23/10/2018 at 7:30 am

日本網民推介好瞓網吧 獨立隔音房間新裝修

日本好多網吧可以睇漫畫hea,仲可以平平哋瞓返晚,最近日本有網民就推介咗新横濱車站嘅「快活CLUB」(快活クラブ),入面嘅房間完全隔音,有獨立鎖匙,而且裝修好新淨,可以免費沖涼同埋入錢洗衫,打破咗佢平日對網吧嘅觀念,去開日本又想平平哋瞓返晚嘅可以考慮吓。

Read more ›
日本網民寫「相片日記」     迷你打印機慳位慳錢
by / on 15/10/2018 at 7:42 am

日本網民寫「相片日記」 迷你打印機慳位慳錢

大家仲有無寫日記嘅習慣?相片打印機之前都出過好多,最近有日本有網民推介呢款canon inspic,喺Twitter好多人RT。首先呎吋好似手機咁細,內置電池,跟機嘅印刷紙好似貼紙咁,另外可以揀將幾張相print埋一齊,之後剪完貼落本簿就得,啱晒用嚟做旅行遊記或者寫日記。價錢方面,amazon賣緊14776円,大概1千蚊港紙左右,相紙方面,20張一盒賣880円,50張嘅賣2100円,有興趣可以入嚟睇吓。

Read more ›

日本「裝銀仔」神器 網民推介Twitter熱傳
by / on 18/09/2018 at 7:59 am

日本「裝銀仔」神器 網民推介Twitter熱傳

喺日本俾錢最煩惱就係數銀仔,日本網民介紹咗呢件好物,名為COIN HOME,可以裝6款銀仔,1円、5円、10円、50円、100円、500円,每格可以裝4-5個銀仔,俾錢嘅時候仲可以單手,用隻手指公捽個銀仔出嚟就得,價錢唔貴,amazon賣885円,好多網民都話會買,而且仲有唔同顏色,個人認為橙同綠都靚,好難揀。

Read more ›
日本網民推介原宿「迴轉甜品店」 1800円任食40分鐘
by / on 13/09/2018 at 7:40 am

日本網民推介原宿「迴轉甜品店」 1800円任食40分鐘

迴轉壽司食得多,迴轉甜品未試過?最近有日本網民去咗原宿呢間甜品迴轉甜品店Cafe Ron Ron,仲話好好味。呢間餐廳有甜品任食放題,限時40分鐘,每位1800円,樓主挑戰成功,一口氣食咗30碟!去開日本嘅甜品迷可以試吓,入嚟有地址。

Read more ›
日本情懷拉麵老店    婆婆親手煮麵網民熱烈推介
by / on 01/09/2018 at 1:17 pm

日本情懷拉麵老店 婆婆親手煮麵網民熱烈推介

有時食嘢除咗食嗰種味道,仲食緊一份人情味。好似日本鹿兒島呢間拉麵老店「ほりえラーメン」,日本有網民就熱烈推介,睇相已經好想試吓!店舖內籠較陳舊,而煮麵嘅婆婆都一把年紀,但係碗拉麵味道超好,而且價錢好平,一碗麵賣緊300円(普通)或350円(大),樓主用完美嚟形容!喺網上嘅評分都勁高,bookmark定去開鹿兒島可以試吓!入嚟仲有之前電視台訪問婆婆嘅影片睇。

Read more ›
大阪超正士多啤梨店     日本網民絕密推介
by / on 08/07/2018 at 9:50 am

大阪超正士多啤梨店 日本網民絕密推介

有無發覺日本嘅士多啤梨特別甜特別靚?仲要平香港好多,難怪每次去日本都會忍唔住食。如果你都係士多啤梨迷,下次去大阪旅行記住去埋心齋橋嘅「STRAWBERRY MANIA」,有日本網民喺blog度推介,嗰度有好靚嘅士多啤梨撻(800円)、即日採摘嘅士多啤梨串(300円)、士多啤梨大福(300円),仲有其他士多啤梨蛋糕同大量甜品,睇見都流口水!

Read more ›
日本網民推介銀座餐廳      超正星空佈置Twitter熱傳
by / on 16/06/2018 at 3:07 pm

日本網民推介銀座餐廳 超正星空佈置Twitter熱傳

去日本最重要都係搵嘢食,最近有日本網民推介呢間「アンドピープル銀座店」。位於東京銀座,主要食景,仿星空嘅天花佈置超靚,仲有一個個帳篷設計,吸引好多人RT同埋留言話要去試。推介去食晚餐先感受到個靚景,食物方面主要係西餐類,啲甜品賣相仲好正,人均消費大約3千円左右,唔算貴,去開東京可以試吓。

Read more ›

北海道超靚「芝櫻」花海 遍地開花日本人推介
by / on 20/05/2018 at 4:14 pm

北海道超靚「芝櫻」花海 遍地開花日本人推介

5月東京都已經係雨季,仲睇櫻花?呢度其實係北海道嘅東面網走郡,每年5月底都有芝櫻睇。芝櫻其實係類似櫻花粉紅色嘅花草,每年春天就會遍地開花,吸引大量遊客,除咗著名嘅滝上芝櫻公園,唔少日本人會去呢個「ひがしもこと芝桜公園」,由而家至6月3日仲有芝櫻祭,去開北海道嘅朋友可以考慮吓。

Read more ›
池袋超正沾烏冬麵      日本網民Twitter推介
by / on 10/05/2018 at 7:17 am

池袋超正沾烏冬麵 日本網民Twitter推介

有無人同我一樣好鍾意食沾麵?日本網民最近推介呢間位於池袋嘅「うちたて家」,嚴格嚟講佢賣嘅係沾烏冬而唔係沾麵,睇相見到啲湯汁掛晒喺啲烏冬麵條上面,真係口水都滴埋出嚟,去開日本記住幫我試吓!

Read more ›
日本網民推介「喵星人居酒屋」 邊食Pizza邊玩喵
by / on 09/04/2018 at 7:53 am

日本網民推介「喵星人居酒屋」 邊食Pizza邊玩喵

一班工作勤奮嘅店員,對於公司業績真係有好大幫助。日本嘅貓cafe去得多,貓居酒屋就比較少見,最近有日本網民推介呢間「赤茄子」,位於東京池袋線嘅「江古田駅」附近,佢話一去到已經有隻喵喺樓梯口等緊佢,然後坐底時又有另一隻貓扮friend坐喺佢旁邊,遠處又有幾隻喵望住佢,全程俾喵包圍嘅感覺好幸福。班貓仔完全唔怕人,仲會想食你嘅嘢。居酒屋嘅食物方面好豐富,有pizza、沙律、三文魚等等,仲有得嗌酒精類嘅特飲,不過小心唔好俾班喵星人偷食,有興趣嘅貓奴去開東京可以試吓!

Read more ›
【羽田都有】日本網民推介必買手信 焗棉花糖朱古力撻
by / on 11/02/2018 at 1:28 pm

【羽田都有】日本網民推介必買手信 焗棉花糖朱古力撻

去親日本買手信都係Tokyo Banana、薯條三兄弟,食嘅唔悶買嘅都悶,最近有日本網民就推介呢盒S’MORE,個樣好似芝士撻,其實表層係烘烤過嘅模花糖,下層係朱古力撻,睇見都想試!睇返資料,羽田空港嘅國際線有得買,去開記住買嚟試吓。

Read more ›