Tag: 掛飾

日本超古怪毛公仔掛飾       細胞與內臟任揀

日本超古怪毛公仔掛飾 細胞與內臟任揀

毛公仔掛飾見得多,日本呢款細胞與內臟都算好另類,日本有網民喺Twitter分享咗,超過30款掛飾,全部都係cute版嘅內臟部位,你睇個腦同埋心臟?小朋友係咪真係會鍾意架?

Read more ›

有片 孖寶心口掛飾似Game Boy 3D Printer自己印

作為一個由細打機打到大嘅機迷,對呢件首飾產生興趣甚至望住呢幅相超過兩秒,都係好合理嘅事。呢個擺明向Gameboy致敬嘅頸鍊,中間有個1.44″嘅LCD屏幕,可以無限loop孖寶兄弟嘅雲海,或者自己入鍾意嘅片段入去都得。而個好似Gameboy嘅外殼,就係用3D printer自己印製而成。網上仲有教學比你跟住照做。至於臨尾嗰張相,係我送比你嘅,唔駛客氣。

Read more ›

很想要吧!《進擊之巨人》地區限定掛飾23款 騎劫東京鐡塔

嚟緊如果有計劃去日本,呢套《進擊之巨人》地區限定版掛飾可以話係必買!由日本Max Limited同進擊聯乘,暫時推出咗23款造型,例如東京版就係巨人騎劫東京鐵塔;大阪就有巨人咬燒八爪魚丸;溫泉地就有巨人浸溫泉飲牛奶(當然係無著衫啦)。總共有東京、大阪、沖繩、富士山、北海道、溫泉地同埋武將幾個類別,睇完很想要,自己唔去都叫去日本嘅朋友仔買返嚟做手信啦。

Read more ›

日本最紅吉祥物 彈跳王梨之妖精變ROCK

近期日本最紅吉祥物,一定非船橋市非公認吉祥物彈跳王梨之妖精「ふなっし(Funassyi)」莫屬!去日本就知,周街都係佢嘅周邊產品,紅到開巷。日本玩具商奇譚今個月都有佢嘅新產品推出,1式6款嘅吊飾,今次梨之妖精轉行ROCK路線,拎住結他崩崩跳,當然唔少得雙手撳面嘅經典騎呢動作,睇見好難忍住唔笑出聲!

Read more ›

有片 無氣可口可樂 18款世界盃特別版

可樂迷注意,今個星期三巴西將會推出18款世界盃限定版樽裝可樂,不過無氣嘅,因為係迷你樽裝嘅吊飾。為咗慶祝2014世界盃6月喺巴西舉行,官方推出一系列以國家為題嘅迷你可樂樽吊飾,包括曾經舉辦過世界盃嘅阿根廷、日本,或者將會舉行嘅俄羅斯、Qatar等。可樂樽仲加入咗AR功能,可以透過手機玩互動,亦可以透過Facebook、iPhone或者Android apps同其他有買吊飾嘅朋友仔share訊息,香港暫時未有消息,有興趣嘅搵舖頭問吓啦。

Read more ›

機迷專用聖誕樹掛飾 懷舊手掣贈興

仲有個幾月先到聖誕,偏偏啲商場全部亮晒燈擺晒聖誕燈飾,提你買聖誕禮物嘛! 我呢,就習慣喺屋企擺棵聖誕樹等場面無咁冷清,啱啱喺外國網見倒呢套一式四件嘅懷舊遊戲手掣賣,有齊PS1、NES、Atari同埋世嘉,係無我最想要嘅聖誕禮物 — XBox One同埋PS4。全部細細件,專門設計比你掛上聖誕樹,啱晒聖誕節一個人喺屋企打機嘅機迷‥‥‥妖,講呢啲。

Read more ›

機迷牆上擺設 孖寶9格圖砌中無獎

間中都會見倒孖寶嘅傢俱或者擺設,不過呢款我真心有啲想買。由設計師JamsBit整成嘅牆上擺設,9幅圖,有蘑菇、星星同埋花,有玩過孖寶兄弟嘅都會記得呢個minigame,拑中中間三格啱位就有嘢拎!用木、帆布、墨、Pixels製成,不過價錢都唔平,9塊砌圖開價港幣$1600,我知你諗乜,自己印吖嘛,嘻,我都係咁諗。

Read more ›