【手瓜起】日本囡囡苦練肌肉 幫摔角手應援順便練埋

想溝女唔一定要係MK或者用嚟炫耀嘅,用嚟保護自己都得。如果有個咁大隻,手瓜起晒嘅日本囡囡做你女朋友,你可唔可以?佢叫才木玲佳,23歲,150cm高,係組合Cheer 1嘅成員,專門幫日本摔角賽WRESTLE-1做應援團。唔似另外兩位成員,才木玲佳好上進,為咗更投入呢項運動,佢決定自己都玩埋健身,用咗幾個月時間,狂做運動狂隊奶粉,最終練到大大隻老鼠仔,勁過好多男人!配落佢可愛嘅樣貌上效果好奇妙。唔止手瓜,佢連腹肌同腳肌都練埋,因為一身肌肉,而家喺網上人氣越嚟越勁,仲俾電視台邀請上節目表演,所以幾時都話成功需苦幹。

Read more ›