Post Tagged with: "捐血"

日本赤十字社x《工作細胞》 捐血送座檯月曆
by / on 19/02/2019 at 9:00 pm

日本赤十字社x《工作細胞》 捐血送座檯月曆

日本乜都可以同動漫扯上關係,今次有日本赤十字社同大熱漫畫《工作細胞》合作,由2月25日起,去指定捐血站捐血,頭15000位捐血者就可以得到座檯月曆一個。望相,月曆製作好精美,好想要。捐血可以救人一命,大家應該多多支持,唔知我哋特區政府幾時可以效法吓呢類宣傳方法?

Read more ›

【有片】打機捐血活動 被殺堅流血
by / on 04/10/2016 at 6:24 pm

【有片】打機捐血活動 被殺堅流血

之前都試過有人提出,不過最後唔成事,而呢個「Blood Sport」活動就成喇,下星期喺西班牙巴塞隆拿舉行。咁如果講到係捐血,都有意義嘅,玩法就係打機啦,當玩家喺遊戲入面死咗,包住手臂嘅裝置就會抽血,直至……捐夠血為止。有冇諗起咩動漫橋段?鷲巣麻雀?

Read more ›
大阪紅十字會絕世好橋 密室逃脫x捐血
by / on 27/04/2016 at 11:30 pm

大阪紅十字會絕世好橋 密室逃脫x捐血

密室逃脫遊戲,我無玩過,但朋友們大讚好玩,話真真緊張刺激喎,既然咁刺激,日本紅十字會就諗到條絕世好橋──密室逃脫x捐血。遊室主題係「Escape from the closed blood labo」,場景係血液研究中心,參加者要喺N咁多間房裡面搵出實驗室所在,兼喺一粒鐘離開,聽落幾過癮,加上張宣傳海報又製作到黑黑沉沉幾恐怖咁,相信能夠吸引唔少人參與。密室每次可以容納30人,遊戲免費,代價係「無償獻血」,即係要捐血先有得玩呀。賣血就無份喇,捐血可以換遊戲入場券,都唔錯吖。

Read more ›
日本紅十字會專吸宅男血     歷年海報回顧
by / on 08/10/2015 at 7:12 am

日本紅十字會專吸宅男血 歷年海報回顧

日本紅十字會好早已經打宅男嘅主意,經常用動漫角色做海報引大家去捐血,捐完血又有動漫嘢送喎,由於反應熱烈,所以每季都會同唔同嘅單位合作。最近日本2ch就放咗兩張捐血現場相,睇見連捐血都要舉牌話額滿就知反應超好。網友們仲發力搵返歷年紅十字會嘅動漫主題招募海報,除咗萌萌嘅角色之外,仲有One Piece同戰國無雙,識睇當然睇埋留言:「如果有美少女因為事故要輸血,諗起啲血可以輸入去就覺好興奮嘞!」、「宅男嘅血雖然不潔,但肯定安全啊!」官方仲出咗隻吉祥物,睇落幾可愛,應該想連女仔嘅血都吸埋。

Read more ›
新片速報 玩命!手臂插抽血機 打機扣血即捐血
by / on 24/11/2014 at 1:47 pm

新片速報 玩命!手臂插抽血機 打機扣血即捐血

我哋都睇過好多動漫畫,話主角入咗遊戲世界,喺遊戲入面受嘅傷,全喺現實世界跟身……估唔到會真係有類似嘅發明出嚟!呢個「Blood Sport: The Ultimate in Immersive Gaming」集資計劃,就係用抽血儀器拮入機迷手臂,之後遊戲中你被「扣血」受傷,你就真係會被抽血,傷幾多抽幾多,傷得越多抽血量越大……不過,冇咁邪惡嘅,佢哋係希望同組織合作做機迷捐血活動啫,唔會抽到你Game over嘅……

Read more ›
有片   捐血新方法 血管叉手機即插即用
by / on 16/05/2014 at 12:47 pm

有片 捐血新方法 血管叉手機即插即用

呼籲人捐血有好多方法,呢個我覺得幾掂。大家最怕手機無電,外國廣告公司Publicis Sao Paulo 同Fundação Pró-Sangue聯手,幫一間捐血機構整咗張poster,上面有隻手加一條血管,想叉電就將條血管駁上自己部手機,即插即叉。與此同時,有句標語提醒你:「當你有需要時我們會伸出援手,你呢?我們需要血。」簡而精又擊中而家嘅手機一族,正!

Read more ›

有Cosplay有海報 涼宮捐血計劃 今日兵庫縣始動
by / on 08/03/2014 at 6:05 pm

有Cosplay有海報 涼宮捐血計劃 今日兵庫縣始動

日本紅十字會話血庫缺血,加上年輕人捐血嘅人數有下降跡象,所以近年都搞好多同動畫合作嘅活動。今日(8日)喺兵庫縣舉行嘅「涼宮ハルヒ献血応援大作戦」就開始咗,去捐血有海報送,仲有Coser出場,請問我可唔可以要求涼宮春日、長門有希、朝比奈實久留幫我抽血?係,分3次。

Read more ›
新片速報 日本捐血送海報 獻出你的血吧!
by / on 10/08/2013 at 5:45 pm

新片速報 日本捐血送海報 獻出你的血吧!

C84舉行,日本紅十字會嘅捐血活動又嚟吸毒男嘅血喇!今次參加嘅動畫作品極多,老規矩係捐400ml血就會有海報送。而今年除咗東京同千葉外,仲有埼玉同神奈川,熱o架!

Read more ›
捐血送AQUAPLUS海報 網上賣到27,500円
by / on 03/01/2013 at 1:56 pm

捐血送AQUAPLUS海報 網上賣到27,500円

日本紅十字會一向都好明白,用啲咩先最容易令到班動漫迷噴血。之前TGS都見識過門口擺檔捐血送AKB48海報,而喺啱啱舉行完嘅Comiket83又有捐血活動搞,就係捐400ml血,就可以得到由AQUAPLUS、即係《ToHeart2》、《Tears to Tiara》間嘢設計嘅多款海報其中一張(唔駛出血,入嚟有得睇)。限量3,000張,會場限定。最後,有幾個以血作盟誓嘅友仔喺網上放呢張海報,仲賣到27,500円。即係,400ml血,賣兩千幾銀港紙,抵。

Read more ›