Post Tagged with: "按摩"

【新片速報】北海道海豹任摸    訓練員按摩片Twitter熱傳
by / on 21/10/2019 at 7:53 am

【新片速報】北海道海豹任摸 訓練員按摩片Twitter熱傳

去得北海道紋別市,Seal Sea Paradise呢個海豹天堂應該都係必去嘞。入面啲海豹超肥超可愛,佢哋嘅官方Twitter都成日有新片睇。最近呢段就見到訓練員同隻海豹做按摩,睇佢瞇晒眼似乎好享受,入嚟有片睇。

Read more ›

【新片速報】日本喵星人按摩零食 眼神超認真Twitter熱傳
by / on 01/09/2019 at 11:47 am

【新片速報】日本喵星人按摩零食 眼神超認真Twitter熱傳

喵星人間中都會按摩肉球,每次個樣都會好認真。有日本網民拍低咗佢隻喵嘅影片,隻喵走咗入個零食盒度,之後起勢咁撳包零食,個樣仲好認真,入嚟有片睇。

Read more ›
【日本扭蛋】超可愛「貓肉球」按摩震動器       貓奴要買
by / on 08/02/2019 at 11:21 am

【日本扭蛋】超可愛「貓肉球」按摩震動器 貓奴要買

作為一位貓奴,呢個貓肉球扭蛋一定要買。由日本扭蛋公司EPOCH出品,最特別之處係玉球有震動功能,可能用嚟按摩,雖然唔係好夠力,不過嗰種溫暖感貓奴好難抗拒,一式四款,今個月推出,記住留意返。

Read more ›
日本女士專用「瞓覺的士」   有得按摩兼卸妝
by / on 25/05/2018 at 7:56 am

日本女士專用「瞓覺的士」 有得按摩兼卸妝

日本嘅Nescafe之後都喺銀座開過間「睡眼咖啡館」,最近佢哋同「日本交通」合作推出「眠れる森の美女タクシー」計劃,俾女士搭一程可以瞓得舒適嘅的士。的士入面舖滿地毯軟綿綿好舒服,仲有卸妝棉、按摩產品等等免費使用,當然有一杯咖啡包埋,不過係不含咖啡因嘅,以免返到屋企瞓唔著。由即日至6月1日運行,只限平日,時間係晚上6時至凌晨12時,主要喺東京23區、武蔵野市同三鷹市行走,收費方面預約收410円,喺指定地點等候加多410円,其餘就按返的士咪錶收費。

Read more ›
【新片速報】奴才幫喵星人按摩Twitter熱傳   超識嘆唔俾停
by / on 25/11/2016 at 7:04 am

【新片速報】奴才幫喵星人按摩Twitter熱傳 超識嘆唔俾停

天氣咁凍,有咩好得匿喺屋企同喵星人取暖?Twitter見到呢對腳同呢個肥pat喵星人,坐喺鞋盒嘅喵星人背對鏡頭,奴才就喺後面用兩隻腳掌幫佢按摩。得意在每當奴才停落嚟嘅時候,喵星人條尾就會左右搖擺。喂,俾啲力好喎!段片喺Twitter好受歡迎,今晚返去同隻喵試吓啦。

Read more ›
【揚威海外】橋本環奈驚現香港按摩店 日本網民熱烈討論
by / on 25/05/2016 at 7:13 am

【揚威海外】橋本環奈驚現香港按摩店 日本網民熱烈討論

啱啱日本2ch有網友放咗張圖上網,見到一張按摩店嘅咭片用咗千年一遇美女橋本環奈嘅相做招徠,上面寫住「中日韓正宗按摩」,有幾舒筋活絡、疲勞盡消我哋唔知,因為佢無再放圖,日本網民嘅反應都好直接,話呢隻係大叔嘅手,又話係人都知道係假嘅。佢哋以為係中國,但係細心留意個電話其實係香港手機號碼,我哋打咗去,但發現「暫時未能接通」‥‥‥

Read more ›

【我要瘦面!】日本喵星人玩瘦面     借用女主人美容轆按摩爽爆
by / on 22/05/2016 at 12:30 pm

【我要瘦面!】日本喵星人玩瘦面 借用女主人美容轆按摩爽爆

好多女仔屋企儲埋唔少美容儀器唔用,其實可以益吓屋企隻喵星人吖。最近日本呢段twitter片好多人睇,片中嘅喵星人俾主人用過瘦面轆轆下巴,個樣爽到瞇晒眼岳晒頭,超嘆!唔知有無瘦面效果呢?

Read more ›
【似曾相識】有片 爛瞓狗狗嗌極唔醒 好似你同我
by / on 08/12/2015 at 7:11 am

【似曾相識】有片 爛瞓狗狗嗌極唔醒 好似你同我

似唔似朝早女朋友嗌你起身嘅畫面?好啦我唔FF,似唔似阿媽晨早狂搖你起身嘅場面?呢條片喺YouTube好多人睇,片中只得9個月大嘅雪橇狗Xena好頑固,搏晒老係咁搖瞓喺梳化上面嘅白色狗狗Kiko,表情仲好認真,而且好堅持,就算對方無反應都仲繼續不停搖,堅好笑。而隻白狗呢,唔應機之餘仲好享受呢種強力「按摩」,仲越按越冧,脷都伸埋出嚟。

Read more ›
有片:比堅尼按摩女郎不見了 大石責死蟹超慘
by / on 24/11/2015 at 9:00 pm

有片:比堅尼按摩女郎不見了 大石責死蟹超慘

試問正常男人,邊個唔想俾比堅尼女郎按摩?入房,訓上按摩床之前,明明仲好樣靚身材正架?點解去到最後會變成超級大肥佬?呢個Prank一件道具都唔使用,吼準時間就玩得成,事關訓得上按摩床就Pet Pet朝天,眼望地下,無可能知道中間按摩師已經調包……就係咁,被整對象Pet Pet硬食幾嘢手刀、背脊慘遭重拍,最後仲俾個估計有三百磅嘅大肥佬大石責死蟹,難為事後佢仲笑得出!

Read more ›
有片   菲律賓大蛇按摩    動物園先餵雞肉無意外?
by / on 11/06/2014 at 7:15 am

有片 菲律賓大蛇按摩 動物園先餵雞肉無意外?

菲律賓真係一個千奇百趣嘅國家,最近當地一個動物園Cebu City Zoo推出大蛇按摩服務,按摩師傅係4條緬甸大蟒蛇,每條長度6米,總重量達到250公斤!每次按摩前動物園會先餵佢哋食雞肉,等佢食飽啲唔會餓得滯食人肉發生「意外」‥‥‥不過「意外」嘅嘢喺菲律賓經常發生,我哋香港人大把經驗,唔會再信你o架嘞。

Read more ›
大蠎蛇按摩    峇里島新興玩命Spa
by / on 05/11/2013 at 7:13 am

大蠎蛇按摩 峇里島新興玩命Spa

每次見倒大蠎蛇,我都自不然諗起當年李珊珊玩蛇嘅纖體廣告。不過今次唔係纖體,而係做Spa,喺印尼峇里島最近就興起呢款蠎蛇按摩,將隻巨型蠎蛇放喺背上爬吓爬吓,睇見都心寒,咁就啱喇,因為佢哋話原來恐懼感會令到腎上腺素急升,加速新陳代謝,所以呢個Spa越驚越有效。為免大蠎蛇咬人,店主仲懶細心,每次做按摩前30分鐘都會先餵飽條蛇,睇完仲想做?每次盛惠港幣4百蚊左右,平係幾平,但係你條命仔止點止呢個價。 

Read more ›