Tag: 拯救

【有片】澳洲青年拯救樹熊      私家車暫托片Twitter熱傳

【有片】澳洲青年拯救樹熊 私家車暫托片Twitter熱傳

澳洲一場大火,令好多動物無家可歸,澳洲好多市民都出動拯救動物,其中一個年輕人喺 Australia’s Kangaroo Island將一班樹熊帶上佢自己架車,當中車尾仲有隻樹熊BB同佢媽媽。據報估計25000隻樹熊喺 Kangaroo Island嘅山火中被燒死。段片喺日本Twitter好多人RT,睇片見到呢班樹熊感覺好無助,有心人可以捐吓錢幫助吓佢哋,入嚟有link。

Read more ›

【有片】超正鸚鵡仔拯救喵星人片 最終被爪大報復

【有片】超正鸚鵡仔拯救喵星人片 最終被爪大報復

最先睇到段片係因為有個外國人喺Twitter分享,話係有史以嚟最正嘅影片,仲吸引22萬轉載,之後搵返原來原帖係日本人上傳嘅,片中嘅鸚鵡仔用嘴咬住打開咗個紙盒,原來裡面有隻喵星人!拯救咗隻喵以為有獎勵?點知隻喵竟然出手爪佢,嬲嬲哋嘅鸚鵡仔決定報仇,睇完好難忍得住笑。原帖仲有後續,入嚟有得睇足本版。

Read more ›

金魚誤吞卵石哽實喉嚨 主人花費4千蚊成功拯救

貓同狗係好多人養嘅寵物,其實金魚都有唔少人養,最近外國有個21歲嘅主人條金魚誤吞咗粒卵石,由於哽實喉嚨有生命危險,主人馬上帶佢睇獸醫,好好彩最後成功救返,而診金係美金$500。好多網民留言,話雖然金魚可能幾十蚊就買到一條,但呢位主人好有愛心好負責任。其實養寵物就有必要照顧佢一生一世,各位動物主人或準主人要記住呀!

Read more ›

【輪盡鬼必學】日本Twitter熱傳 筆記簿整濕拯救法

呢個小知識幾實用,尤其對於成日倒瀉水嘅輪盡鬼。啱啱喺Twitter好多人RT,用法係喺本濕咗嘅簿入面攝張吸水力特強嘅白紙,然後搵啲書責吓佢,隔一段時間就可以吸乾晒,本來皺晒嘅紙變返直,好似新嘅一樣!快啲倒瀉杯水試吓啦。

Read more ›

日本「78円の命」拯救被遺棄動物 6年級生文章感動熱傳

「78円の命プロジェクト」係日本一個拯救被遺棄動物嘅活動,件事要追溯到4年前,當時日本愛知縣6年級嘅小學生谷山千華寫咗一篇好長嘅文章,內容講述佢嘅親身經歷:鄰居收養咗隻流浪貓Kiki,之後Kiki生咗一竇貓仔,不過幾日後就被送去動物收容所,後來佢喺同學口中得知,原來收容所嘅動物只要3日無人認領就會人道毁滅,而每年日本更有超過20萬隻動物因此喪命。當中每隻所需嘅成本只係78円,亦即係話一條命只值78円。佢將經歷同感想寫成長文,4年嚟喺網上被廣傳,亦成為學校教材。最近有團體發起「78円の命」嘅網上籌款活動,希望將谷山千華嘅文章變成小朋友都讀得明嘅圖畫書,由下一代開始教育佢哋珍惜生命。暫時活動已經籌得超過170萬円遠超預期,活動進行至3月31日,有心人可以去支持吓。作為香港年青嘅一代,我哋都要記住養動物係一生一世嘅事,絕對唔可以棄養,仲有,請以領養代替購買。

Read more ›

【有片】拯救航拍機 大機救細機驚險旅程

係好笑嘅,越嚟越多人鍾意坃航拍,偏偏有時唔小心跌咗喺啲執唔到嘅位置,叫天不應叫地不聞,都幾頭痛。外國呢個YouTuber Harrisen Howes就係最佳例子,兩個月前朋友借走咗佢部航拍機,點知飛飛吓跌咗喺隔籬屋個屋頂,為咗拯救返呢架機,佢決定出動另一架改咗裝嘅大型航拍機,拯救返部細機返嚟,配埋啲驚險音樂,好刺激,難怪幾日已經過百萬views。

Read more ›

新片速報 網絡明星貓出動 拍片救老虎

老虎係貓科類動物,本是同根生,搵貓仔拯救老虎聽落幾合理!唔講唔知,地球上嘅野生老虎數目而家只剩3000隻,唔好得熊貓幾多。為咗拯救瀕臨絕種嘅老虎,外國Greenpeace綠色和平就發起咗一個「Cats Save Tigers」嘅活動,搵嚟一班喺網上好出名嘅明星貓包括Lil Bub、Nala Cat同埋之前介紹過嘅雙色貓等等,齊齊扮老虎拍宣傳片。其他人都可以將自己嘅貓相upload上facebook加入呢個活動,將訊息宣揚開去,暫時已經有5500人參加咗喇,忌廉哥快啲一齊參加啦!

Read more ›