fbpx

Tag: 拍賣

【人生晒冷】日本網民1,500萬円拍賣所有 過10萬張卡 + 超大量玩具

【人生晒冷】日本網民1,500萬円拍賣所有 過10萬張卡 + 超大量玩具

如果由細細個開始,所有玩具都冇掉到,都冇咁多……呢位日本網民就喺Yahoo!拍賣超大量卡同玩具,當中主要有《遊戯王》初期嘅卡,「キラカード」有約1萬張,「レア以下」嘅有10萬張以上!見到啲卡,我諗起啲賭片入面晒你冷嗰啲銀紙……之後,仲有初代爆旋陀螺同其他超大量玩具,全部加埋底價1,500萬円,即係100萬港幣左右……有網民就提到運費問題,都應該幾貴,亦都有人提議佢不如開舖慢慢賣。

Read more ›

【天才】日本拍賣網賣銀紙 謎之錬金術 貴幾千円成交

【天才】日本拍賣網賣銀紙 謎之錬金術 貴幾千円成交

如果你見到香港拍賣網有張500蚊紙賣,你會唔會有興趣買?應該用幾錢去買?日本mercari就出現賣銀紙的人,而且成交價仲有得賺?有人就話會唔會係變相吐現唔駛去撳錢?但寄現金應該係犯法?網民之後仲出咗呢期炒緊嘅停產薯片。

Read more ›
【真嘅一樣】日本喵星人手袋    三色貓Yahoo成交價83000円

【真嘅一樣】日本喵星人手袋 三色貓Yahoo成交價83000円

作為貓奴,見到呢個貓手袋都覺得有啲恐怖,因為像真度實在太驚人。由日本一位好鍾意貓嘅家庭主婦Pico製作。佢最先整咗隻白貓款放上Twitter,之後吸引咗好多人留言同RT,無幾耐佢就將隻白貓上色變咗三色貓,效果更靚,其後仲製作埋灰貓、啡貓,放上Yahoo拍賣仲賣得極高價錢。隻三色貓賣咗83000円(港幣約$5400)、灰貓賣咗66000円(港幣約$4300),超貴!而家佢製作緊新嘅黑貓作品,睇相都覺得好似真嘅一樣,上佢嘅twitter仲會見到有好多不同種類嘅貓貓手工品,又有真貓相,講真,我都唔係好識分真同假。

Read more ›
迷你公仔變ebay模特兒   賣電子產品超詭異

迷你公仔變ebay模特兒 賣電子產品超詭異

ebay上面有幾百萬個買家,要令自己嘅產品好賣啲,除咗價錢吸引啲之外,模特兒都好緊要。網名latrobeatmistral諗咗條新計,居然搵假公仔扮真人拍廣告!賣變壓器同埋推土機(?),產品即時生動晒,不過感覺上都幾恐佈。

Read more ›
懷舊40年代蝙蝠車拍賣    開價美金9萬

懷舊40年代蝙蝠車拍賣 開價美金9萬

咁多集嘅蝙蝠車(Batmobile)你最鐘意邊架?好多人都投89年添布頓做電影導演嗰架一票,咁呢架以1940年代漫畫做概念嘅蝙蝠車又點睇?佢係第一架獲官方認可嘅蝙蝠車,外形夠晒懷舊,而家做緊拍賣可以買走現貨,開價美金9萬蚊,未成交。呢個價錢老爺車嚟計係貴咗啲,不過蝙蝠車喎,淨係個名都唔止值9萬。

Read more ›
機迷割愛 120萬收藏eBay叫價拍賣

機迷割愛 120萬收藏eBay叫價拍賣

又有機迷收藏家忍痛割愛,今次無講係咩原因,相信離不開要結婚或者等錢駛之類。今次呢位網名叫reel.big.fish嘅eBay賣家,收藏咗超過5700隻遊戲,超過50部主機,今次佢想一舖清袋賣晒佢,暫時bid價係16萬4千美金,即係大約港幣120萬左右!睇相見到佢將啲遊戲排得好整齊,好似圖書館一樣,之但係香港樓價咁貴,啲屋又豆潤咁細,買咗都未必有位放,不過更重要係我都無錢,睇下算啦。

Read more ›

蘋果第一代底板炒味濃    拍賣價達300萬

蘋果第一代底板炒味濃 拍賣價達300萬

iPhone 6炒價越跌越低,大家都係留返嚟自用好過。外國拍賣行Bonhams嚟緊將會拍賣嘅呢件蘋果產品就唔同,呢塊蘋果第一代電腦嘅底板,今個月22號會拍賣,估計價位可以去到美金40萬,即係港幣300萬左右!足足係佢原價(美金$666.66)嘅600倍!原因之一係佢係世上僅存15件仲可以行得郁得嘅收藏品之一,據講係Steve Wozniak喺蘋果教主Steve Jobs嘅屋企搵倒嘅,炒家飛過去入手啦。

Read more ›
前蘋果員工真名SAM SUNG    名牌eBay叫價60萬

前蘋果員工真名SAM SUNG 名牌eBay叫價60萬

舊公司嘅制服或者咭片儲嚟都無用,除非你係蘋果APPLE員工啦。呢位叫Sam Sung嘅男員工,最近將佢嘅舊公司員工T恤、名牌同埋咭片放上eBay拍賣,而家已經bid到美金80200,即係港幣62萬!嘩!有無咁誇張?估計原因係佢個真名叫Sam Sung,似足三叔SAMSUNG,佢仲話張咭無皺無花(無假)!今次拍賣所得收益會捐去The Children’s Wish Foundation呢個慈善團體,BTW,佢下次可以去埋LG、SONY、HTC打工,或者返大陸搵小米。

Read more ›
白兵頭盔網上拍賣     向冼拿致敬

白兵頭盔網上拍賣 向冼拿致敬

賽車史上嘅傳奇人物冼拿20年前去世,呢位曾經贏過3次Formula One冠軍嘅車手仍然係好多人心目中嘅偶像。圖中呢個白兵頭盔取材自當年冼拿戴過嘅頭盔,勾起fans好多回憶。由藝術家Jason Brooks同埋Andrew Ainsworth合力製作,上年喺倫敦嘅Art Wars藝術展展出,而家拎出嚟拍賣,只得一個,有興趣可以去暗標競投吓。BTW,上年嘅Art Wars展出好多重新設計嘅白兵頭盔,錯過咗入嚟有回帶,星戰粉絲必睇!

Read more ›
日本Yahoo!拍賣錯體1円 280萬円成交!

日本Yahoo!拍賣錯體1円 280萬円成交!

錯體嘅嘢,你識條_咩。日本Yahoo!啱啱就有一單成交,就係呢個1円喇。佢表面見唔到有印住1円字體,但就有一邊壓扁咗凸咗出嚟,就係咁,就得到153次叫價,最後以280萬円成交!其實之前都有類似嘅拍賣成交,例如係中間冇窿嘅50円,又或者個窿拮歪咗嘅50円,都賣到幾廿萬円o架。

Read more ›
Yahoo!拍賣遊戲王店舖晒冷 100萬円買起全間舖

Yahoo!拍賣遊戲王店舖晒冷 100萬円買起全間舖

100萬円,就可以買起全間遊戲王店舖嘅貨品。呢間喺宮崎駅附近嘅店舖,喺Yahoo!拍賣全店貨品連設備,而且包送貨服務,即係除咗收藏家之外,你仲可以即時買晒佢啲貨搵舖開檔做老闆……暫時未有人落bid,我俾個交叉佢。

Read more ›

復刻版蝙蝠戰車   百零萬買件聖誕玩具

復刻版蝙蝠戰車 百零萬買件聖誕玩具

蝙蝠迷,有乜開心得過聖誕節買架蝙蝠車比自己慶祝吓?呢架唔係原裝電影入面嗰架而係復刻版,所以唔駛3千萬咁誇張,百零萬一球左右起步價,靈感來自1989年Tim Burton導演嘅蝙蝠俠電影,0-60mph只需要5秒,最正係車尾有噴火器同埋特殊裝置,令架車可以升高9吋,而且造型霸氣,今個月30號喺英國南部嘅Surrey舉行拍賣,你有無國際牌?同香港一樣係右軚,唔難揸喎。

Read more ›
鍍金Leica相機    過千萬天價    下月底拍賣

鍍金Leica相機 過千萬天價 下月底拍賣

一部相機個價可以去到幾盡?最近一部極罕有嘅鍍金懷舊Leica Luxus II重新流出市面,仲會喺11月22日喺香港拍賣,價錢估計50萬至80萬英磅,即係港幣大約600萬至1000萬!不過專家認為今次拍賣成交價將會更高。部機用咗鍍金同埋鱷魚皮,估計當年有專人為富豪設計,厲害在於到而家部機依然完好無缺,即係話Leica相機都幾襟用。

Read more ›
Google眼鏡ebay拍賣被禁    72萬見財化水

Google眼鏡ebay拍賣被禁 72萬見財化水

今次真係見財化水。話說美國費城有個26歲網友「Ed from Philadelphia」,幸運成為首批買到Google Glass嘅用家,佢好有商業頭腦,一個屈尾十就將副眼鏡放上ebay拍賣,由原價美金$1500,4日內跳升到拍賣價$90,100美金,即係74萬港幣左右,點知拍賣臨時關閉,原來佢當初參加嘅Google創意招募計劃,講明眼鏡唔可以轉售。不過講真,72萬嘅拍賣價,我估都係惡作劇多。

Read more ›