fbpx

Post Tagged with: "拉麵"

【今次要試】東京藍色拉麵挑戰底線 日本網民話幾好味
by / on 21/09/2017 at 7:31 am

【今次要試】東京藍色拉麵挑戰底線 日本網民話幾好味

呢個藍湯拉麵,早幾個月已經有,不過次次有網民去挑戰,都好多人再retweet。啱啱又有日本網民去咗東京吾妻橋嘅拉麵「吉法師」,試咗呢款藍色湯底嘅鶏湯拉麵,佢話清清哋幾好味,但係睇見隻顏色真係好難放得入口,如果合埋眼色又驚倒咗落個身度,呢排身邊好多人去東京,錢編好似聽日起機,唔該俾啲勇氣佢。

Read more ›

【有片】日本「拉麵對烏冬麵」繪本   瘋狂畫風Twitter熱傳
by / on 20/07/2017 at 7:48 am

【有片】日本「拉麵對烏冬麵」繪本 瘋狂畫風Twitter熱傳

最近有日本網民分享咗幾張拉麵做主題嘅插圖,由於風格太突出,題材太新穎,喺Twitter吸引好多人討論。呢本其實係上年講談社推出嘅創作繪本『うどん対ラーメン』,講烏冬麵大戰拉麵,作者係田中六大。原來唔少網民都睇過,有人仲建議應該要將佢動畫化。入嚟有埋佢嘅影片睇,瘋狂得嚟都幾精彩!

Read more ›
日本網民分享創意食譜 煙肉捲拉麵一口小食
by / on 08/06/2017 at 7:43 am

日本網民分享創意食譜 煙肉捲拉麵一口小食

返埋呢兩日就放假,係時候計劃吓週末煮嘢食嘞。最近有日本網民分享咗呢個創意食譜,將一包拉麵一開九,之後再逐個用煙肉捲起,然後放入煎pan煎兩煎,效果似乎唔錯,煎完嘅麵件唔知係咪好似中國菜嘅「兩面黃」咁呢?今個星期試下先!

Read more ›
日本相機食先新玩法 「ドロ写」航拍高炒影拉麵
by / on 15/04/2017 at 8:17 pm

日本相機食先新玩法 「ドロ写」航拍高炒影拉麵

食飯之前影幅相,成為好多人嘅習慣,不過近排似乎悶悶哋,所以有人就諗到咁樣玩,喺拉麵店入面用航拍機高炒拉麵?會唔會冇乜邊間舖肯俾你咁玩呀?到時俾人放上網鬧就慘啦?不過呢個「ドロ写」玩法喺Twitter都好多相睇,有網民就懷疑係咪用自拍棍影o架?有人就話唔好企上張凳影整污糟張凳喎……

Read more ›
【圖集】日本神級食物刺繡師 拉麵/抹茶幾可亂真
by / on 08/03/2017 at 7:06 am

【圖集】日本神級食物刺繡師 拉麵/抹茶幾可亂真

日本人嘅刺繡技術好強,最近呢幾張圖喺Twitter好多人分享,仲吸引埋電視台同外國媒體報導。眨眼睇以為係碗拉麵同兩束麵條,睇真啲其實係刺繡完成圖同兩束繡花線。碗拉麵像真度極高,而且超細緻,刺繡師@ipnot仲專登拎對筷子扮夾麵!其實呢位刺繡師好勁,除咗繡拉麵,仲有繡朱古力、蕃茄仔、壽司、蘋果、抹茶等食物,其中抹茶真係幾可亂真,入嚟有大量回帶圖。

Read more ›
【有片】日本拉麵店有機關 傳說中書櫃之後的世界
by / on 10/01/2017 at 9:53 pm

【有片】日本拉麵店有機關 傳說中書櫃之後的世界

玩蝙蝠俠隻VR,彈琴就可以入蝙蝠洞;其實以前都喺電影入面睇唔少,觸動機關,啲書櫃呀盛就會移開,眼前就會出現一條道路……不過今次出現喺現實世界,而且竟然喺一間拉麵店入面!呢位網民以為間舖冇廁所,於是就問店員,店員話就喺你眼前啦……順帶一提,呢間係「珍来」喺千葉縣嘅「柏藤ヶ谷店」,去開附近都想去食個麵小個便。

Read more ›

20分鐘賺50,000円 日本超巨拉麵點挑戰?
by / on 08/12/2016 at 8:23 am

20分鐘賺50,000円 日本超巨拉麵點挑戰?

喺JR高田馬場站附近嘅呢間「旨辛ラーメン 表裏」,有呢個「メガ盛り CHALLENGE」,只要喺20分鐘內食晒呢碗麵,就可以得到50,000円獎金,嘩即係3千幾蚊港幣,20分鐘搵3千幾蚊港幣喎!就算30分鐘內食晒,都有30,000円喎,如果真係食得晒嘅話……不過都要付出嘅,首先要俾3,000円去玩,如果食到嘔番出嚟仲要罰10,000円。有日本網站就去咗挑機,仲放部iPhone喺隔籬對比吓,4個麵、4塊炸豬扒、4kg芽菜、700cc湯,仲好似辣辣地……不過店家話舉行咗3年,真係有9位勇者完成過!

Read more ›
【討論】日本人食拉麵有聲 外國人覺得冇儀態就要改?
by / on 16/11/2016 at 10:35 pm

【討論】日本人食拉麵有聲 外國人覺得冇儀態就要改?

日本人食拉麵會食到o雪o雪聲,咁先好味咁先可以連麵o雪埋啲湯汁入口,好多人都知,去旅行都會入鄉隨俗。但對於外國人嚟講,佢哋就好多人都覺得好驚訝,仲話咁樣好冇儀態喎……咁2020年就係東京奧運,要將呢個日本食麵文化改一改?其實自己主場,應該保留番呢個食麵文化吖?

Read more ›
日本拉麵店驚現斷指 食客勁驚網民鬧爆
by / on 14/10/2016 at 7:14 am

日本拉麵店驚現斷指 食客勁驚網民鬧爆

呢單日本新聞堅恐怖,位於靜岡市嘅拉麵店「幸樂苑」,有食客食食吓麵,居然發現碗入面有隻斷指!隻斷指長7-8毫米,濶1厘米,估計係有指甲嘅手指前半斷,食客即時通知店員,再由市保健所確認。據聞嗰間店嘅兼職員工用切片機切叉燒時唔小心切倒右手手指公,之後混咗入碗拉麵度。網民睇完之後鬧到爆,有人留言:「會造成心理創傷」、「好痛」、「以後唔去呢間垃圾店」,亦有人奇怪點解無人及早發現:「唔通個店員切親手指之後繼續做拉麵?」、「係咪《全員惡人》嘅劇情?」不過好彩個店員仲生勾勾,如果唔係仲恐怖。

Read more ›
日本最近流行嘅奇怪拉麵 網民:「湯底好似泥水!」
by / on 23/09/2016 at 7:14 am

日本最近流行嘅奇怪拉麵 網民:「湯底好似泥水!」

見到日本拉麵就興奮,不過總有例外‥‥‥日本有網民最近放咗呢碗拉麵上2ch討論區,仲話日本而家興呢種拉麵。網民見到個湯底就好不安,話好似泥水,另外有人話塊豬肉好似生生哋。然後大家又開始討論鍾意嚿豬肉肥肥哋定走肥,再嚟仲有大量好重口味嘅拉麵相,第一次睇完唔想食日本拉麵。

Read more ›
700g叉燒 「茨城県」坦克拉麵太有型
by / on 12/09/2016 at 2:34 pm

700g叉燒 「茨城県」坦克拉麵太有型

日本「茨城県」同坦克有密切關係啦,有日本網民就喺「茨城県久慈郡大子町」嘅「醤家 大子店」發現呢款拉麵,名為「戦車ラーメン」,用叉燒嚟砌成一架肉肉坦克!足足重700g喎!拉麵名叫「醤家TANK」,賣3,000円,睇到我好肚餓。

Read more ›

有片:挑戰100隻鳥眼辣椒地獄拉麵 辣到開水沖頭降溫
by / on 06/09/2016 at 10:15 pm

有片:挑戰100隻鳥眼辣椒地獄拉麵 辣到開水沖頭降溫

有人就係鍾意攞苦嚟辛!話說此君叫Ben Sumadiwiria,同朋友喺印尼耶加達某街邊檔挑戰超辣地獄拉麵,呢碗拉麵用咗100隻鳥眼辣椒(Birds Eye Chili)製作,唔算好大碟,但望落全部麵條都係橙色,未食都感覺到有幾地獄。一開波,Ben哥都未識食,仲夾起麵條同朋友Cheers,之後越食越唔妥,先係熱到出晒汗成面反晒光,跟住頂唔順除衫,再跟住成個人辣到彈起身疑似想嘔咁,再之後大啖大啖喪灌水,但統統都止唔到辣,最後搞到要開大水喉沖頭降溫。雖然我出晒名食得辣,但呢碗地獄拉麵辣成咁,畀多多錢我都唔敢食。

Read more ›
【有片】其實自己一個食 日本拉麵店推偶像陪食拉麵新服務
by / on 22/08/2016 at 5:11 pm

【有片】其實自己一個食 日本拉麵店推偶像陪食拉麵新服務

其實好多日本人都會自己去拉麵店食麵,不過如果真係想有同人食飯嘅感覺,咁呢個「ヴァーチャル・ラーメンデートイベント(Virtual ramen dating events)」服務就可以俾個幻想空間你喇。「篠山らーめん」嘅「アメリカ村店・天神橋店」,喺8月31日將會推出呢個服務,只要食麵就可以有個QR Code俾你嘟,嘟出「ハンバーガールZ」成員坐你隔籬陪你食,加多少少(其實都唔少)幻想,真係o雪o雪聲o架。

Read more ›
【有片】日本第一濃烈拉麵 濃到似水泥網民熱議
by / on 05/06/2016 at 7:13 am

【有片】日本第一濃烈拉麵 濃到似水泥網民熱議

日本2ch討論區最近有網民貼咗呢款拉麵嘅相,聲稱係日本第一濃烈嘅拉麵,仲話好好味,即時引起網民熱烈討論。有網民話好似一pet水泥,有人話太重口味。其實呢間拉麵店「大岩亭」位於日本愛知縣,喺當地都幾出名,湯底仲濃到可以插支湯匙喺湯面而唔會跌。至於味道呢,日本知名食物網「食べログ」嘅評分係3.5分,不過不失啦。不過有機會去開當地,點都要試吓!

Read more ›
日本「一風堂」免費食拉麵 今日30店舖現長龍
by / on 16/10/2015 at 8:16 pm

日本「一風堂」免費食拉麵 今日30店舖現長龍

個人覺得「一風堂」幾好食,去開德福睇戲都會食吓。早喺1985年,「一風堂」就喺日本開咗「1号店」,30周年,今日(16日)就搞咗個免費食麵活動,全國30間舖會有免費麵食,早市、晚市每店各300名免費食「白丸元味」同「赤丸新味」,好多網民就喺2ch放咗今日各舖嘅長龍相……

Read more ›