Tag: 拉麵店

日本拉麵店分享 奇特「拉麵植物」Twitter熱傳

日本拉麵店分享 奇特「拉麵植物」Twitter熱傳

唔講唔覺,一講就好覺,有日本拉麵店喺官方Twitter分享咗呢款植物,話佢係「拉麵植物」,而且枯萎後啲拉麵就會跌落地。其實呢款植物嘅學名係「巴拿馬草 (パナマソウ)」,外形有啲似粟米,全部產自美洲熱帶地區,睇落個樣真係幾特別。

Read more ›

【好想試】東京米芝蓮一星拉麵店    新出杯麵網民激讚

【好想試】東京米芝蓮一星拉麵店 新出杯麵網民激讚

位於東京嘅拉麵店「鳴龍」一直係長龍店,上年仲拎埋米芝蘭一星,成為日本人心目中第二好味嘅東京拉麵店!雖然好想試,但望見條長龍‥‥‥最近日清杯麵同佢哋合作,推出咗呢款鳴龍杯麵,選咗鳴龍最出名嘅擔擔麵湯底,而家開始便利店有得買,每杯200円,網民試過都話勁正,麵質出色之外湯底都好正,話已經超越咗杯麵嘅級數,有人仲話食完忍唔住即日去買多杯,睇完好想試!去開日本記住買嚟試吓,仲可以買多杯做手信。

Read more ›

小倉優子拉麵店菜單 日本網民:「有無小倉優子食?」

小倉優子有唔少男fans,最近有網民放咗張有佢樣嘅拉麵店菜單上2ch討論區,話係佢經營嘅拉麵店,網民就讚佢價錢合理,得閒會去試吓,有人問:「有無小倉優子食?」亦有人留言:「係咪一直煎餃子所以老公有外遇?」日本網民都好不值佢老公趁佢大肚時有外遇,仲叫佢老公應該要去拉麵店工作,唔係要小倉優子一個人努力搵錢。BTW,之前小倉優子都有開過間燒肉店,不過似乎已經結業。

Read more ›

【徹底自閉】有片 日本拉麵店電子化 落單傳菜唔見人

而家去餐廳食嘢好多都係全電子化,例如去牛角食燒肉都係篤iPad落單,其實幾好,起碼唔會落錯單。咁平時落完單都要等侍應將食物送上,日本呢間拉麵店「ラーメン凪」就更電子化,傳菜呢一部份都由迴轉壽司帶做埋,食客可以揀喺上層定下層嘅迴轉帶拎麵,換句話講即係全程唔需要同任何人類有交流。去一蘭拉麵食嘢拎碗麵嘅時候都仲會見到職員,呢間做到咁徹底,啱晒連搭小巴都唔敢嗌落車嘅怕醜仔女。

Read more ›

湯匙加叉二合一 日本拉麵店新發明

湯匙加叉,呢款日本全新設計嘅餐具,專為食湯麵而設,一邊叉起麵條,一邊飲埋啖湯,爽!呢件餐具由日本設計師發明,喺著名拉麵店Sugakiya有得用,amazon都有得買,售價美金$30。不過對呢個發明我有兩個疑問:第一,日本人唔係用筷子食麵o架咩?第二,個叉位咁淺,只係叉得幾條麵,湯又得細細啖,食到尾啲湯應該湯晒,麵應該淋晒‥‥‥

Read more ›