Tag: 拉打

【有片】拉打無雙《幪面超人 Battleride War 創生》 昭和/平成Rider激戰

早兩日雜誌情報,今日就官方公佈,而且有埋新片睇!基本上,你由最新嘅Ghost去到Black再去到1號、V3都有,咁嘅陣容,我只能夠盲搶!呢隻被稱為「無雙」嘅Rider遊戲系列,最新作《仮面ライダーバトライドウォー 創生》將會喺2016年發售,平台係PS4/PS3/PS Vita,比起前作吸引太多嘅,係昭和一眾幪超參戰!睇條片,我已經感受到嗰份超熱血!

Read more ›

【雜誌情報】拉打無雙新作《幪面超人 Battleride War 創生》 昭和拉打終於出場!

呢隻被稱為「無雙」嘅Rider遊戲,幪面超人加無雙玩法,係吸引嘅,但一直都仲爭啲嘢……係!就係昭和班幪面超人呀!啱啱日本雜誌情報就係宣佈會有新作喺2016年推出,名為《仮面ライダーバトライドウォー 創生》,平台PS4/PS3/PS Vita,除咗有最新嘅《幪面超人Ghost》角色參戰外,仲有昭和一眾幪超!包括新1號、2號、V3,仲有……Black!Black RX!

Read more ›

【今次玩鬼】《幪面超人Ghost》曝光 變身「宮本武藏」「牛頓」玩蘋果

嘩,今次真係玩到好大,首先日本網民話呢隻新《仮面ライダーゴースト》個樣好似Deadpool啦,不過內容其實仲爆,主題係利用「偉人之魂」嚟開啟唔同能力,例如可以用「宮本武蔵」之魂,咁梗係刀法好強啦?而且唔只日本偉人喎,西人都有份!好似「牛頓」咁,而且變咗「牛頓」之後,頭後面仲有個蘋果,搞到成部iPhone咁款,咁絕技方面,係控制重力?唔……

Read more ›

新劇場版變中產 幪面超人揸Benz

呢架平治AMG GT喺香港賣成200幾萬,其實中產都未必揸得起……一向都揸開電單車嘅拉打,喺《幪面超人Drive》都已經有架私家車揸吓,嚟緊8月8日上嘅「劇場版 仮面ライダードライブ サプライズ・フューチャー」入面仲威,會有呢架平治AMG GT!不過,其實嚟緊嗰套拉打仲勁啦,揸飛機喎……

Read more ›

【有片】北九州大量目擊 公路上現幪面超人+旋風號 o靚仔大叫

喺呢兩日,日本網上就有好多人放相放片,話目擊到幪面超人喺公路上面出現!如果喺屯門公路揸揸吓車,突然見到幪面超人「仮面ライダー」同佢架旋風號「サイクロン号 」喺你身邊駛過,你會點做?梗係拍片影相啦!呢啲喺日本福岡縣北九州市「黒崎駅」附近見到呢位野生拉打嘅都係咁做,而且條片中聽到啲o靚仔大叫好勁呀!拉打呀!好勁呀!停車時佢仲擰過嚟望鏡頭做個變—身動作!超正!據講呢位拉打喺當地已經好出名,佢架旋風號仲得到「北九州市に陸運局」公認,佢仲幫手宣傳叫人飲酒後唔好揸車添。

Read more ›

新片速報 玩具定遊戲?《仮面ライダー サモンライド!》幾抵玩

呢隻12月4日推出嘅《仮面ライダー サモンライド!》,表面係一隻遊戲,但實際佢就包埋公仔同個感應座,要放唔同公仔上去,遊戲入面嘅戰況就會有變化,擺明針對拉打迷市場。好喇,咁多嘢,賣8,550円,表面上好似好抵,但實際你要繼續變強就要繼續買玩具,擺明係搵水前奏引你落坑。不過佢連最新嘅Drive都有出場,係有誠意嘅……咁即係買唔買啫?

Read more ›

新片速報 《幪面超人Drive》最新預告片 有車階級揹條胎

新片速報 《幪面超人Drive》最新預告片 有車階級揹條胎

熄匙,車牌,身份證。今次呢個平成第16作拉打,係史上首位警察主角,冇冷氣又危險,佢唔再揸電單車喇,座駕變成私家車,而變身之後,仲會有條胎揹喺身上面!啱啱有最新嘅預告片,主角係竹内涼真,仲有内田理央、片岡鶴太郎等,劇本由三条陸負責,監督就係田崎竜太。10月5日開播!

Read more ›

官方資訊 幪面超人Drive 史上首位警察主角 冇電單車的拉打!?

唉,上年個生果拉打都已經嚇一跳,今年秋季呢個平成第16作輪胎能,都算好眉好貌,但作為Rider竟然唔揸電單車!?新一代幪面超人繼之前流出圖像之後,電視台終於有官方資訊,佢係史上首位警察主角,而且首次以汽車為主題,所以打怪人之餘仲會拉罪犯,唔知會唔會捉埋超速同抄牌……但其實,佢揹住條胎,冇理由冇番架電單車啩?塞車點算?角色方面,主角係竹内涼真,仲有内田理央、片岡鶴太郎等,劇本由三条陸負責,監督就係田崎竜太。

Read more ›

新幪面超人曝光 《仮面ライダードライブ》揹住條車胎

人到中年,好容易有條胎,估唔到嚟緊嘅新幪面超人,都有條胎,因為佢要變一架車……之前嘅消息果然係真,繼生果拉打之後,Rider Drive造型都曝咗光,會變跑車之餘,仲會唔會變電單車?唔,堂堂拉打,唔知會俾咩人騎呢?

Read more ›
南光太郎高清現身《幪面超人Black》12月出BD-BOX

南光太郎高清現身《幪面超人Black》12月出BD-BOX

如果你係70、80後,可能最有印象係呢套幪面超人!當年亞視播真係狂追,追到RX依然覺得好正!而主角南光太郎更加係型到爆啦!諗吓佢件白色褸,唔係人人carry到o架!呢套日本由1987年10月4日至1988年10月9日播放嘅《仮面ライダーBLACK》,啱啱宣佈會喺12月5日推出藍光套裝BD-BOX!第1彈有17話,1080p,22,000円,之後下年2月、4月再出,有冇人要買番啲回憶?唔想俾錢嘅,入嚟又睇多次OP聽多次首歌啦!十級正!

Read more ›

新片速報《幪面超人 Battleride War 2》血戰超巨型敵人

被稱為拉打無雙,最新續作《幪面超人 Battleride War 2(仮面ライダー  バトライド・ウォー 2)》將會喺6月26日推出。新一集梗係要有新嘢,不過似乎佢連無雙集集差唔多呢個傳統都抄埋,冇昭和拉打,就係有最新嘅生果鎧武……不過呢條片見到超巨型敵人,如果真係有得打又好似幾爽,咦咁咪拉打芒亨?今集遊戲除PS3外,Wii U都有份,另外亦有期間限定生産版「プレミアムTV&MOVIEサウンドエディション」,收錄TV、映畫嘅名曲。

Read more ›

新圖發佈《幪面超人 Battleride War 2》拉打無雙有Wii U份

早兩日雜誌情報話《幪面超人 Battleride War 2(仮面ライダー  バトライド・ウォー 2)》呢隻拉打無雙會出續作,推出日期係6月26日!啱啱官網開張仲有高清圖發佈,而且仲確認除咗PS3外,Wii U都有份玩!今次會有平成全15作品登場,鎧武生果拉打都有份,有就係會有期間限定生産版「プレミアムTV&MOVIEサウンドエディション」,收錄TV、映畫嘅名曲,同時,《劇場版 仮面ライダーW FOREVER AtoZ/運命のガイアメモリ》嘅「仮面ライダーエターナル」松岡充亦會出演……又係嗰句啦,昭和呢?

Read more ›

拉打無雙續作《幪面超人 Battleride War 2》6月推出

無雙玩法加埋幪面超人角色,好吸引。上年推出嘅《幪面超人 Battleride War(仮面ライダー  バトライド・ウォー)》,官方啱啱宣佈會喺今年6月26日推出續作,不過平台依然係PS3,唔係新主機。睇圖就見到有最新嘅鎧武參戰,但其實我最想要昭和拉打呀呀呀呀!

Read more ›

3月新劇場版 本鄉猛回歸 38年後再次幕前變—身!

勁!如果你有睇過初代幪面超人,係昭和拉打fans,呢個消息真係極級震撼!因為自從1976年1月3日上映嘅《全員集合! 7人の仮面ライダー!!》之後,演出幪面超人1號本鄉猛嘅藤岡弘,將會喺3月29日日本上映嘅《平成ライダーVS昭和ライダー 仮面ライダー大戦 feat.スーパー戦隊》中出場,38年來首次喺大銀幕變身!係!係本鄉猛本人!不死身之男!已經68歲嘅藤岡弘!嗚!距離第一代幪面超人已經43年喇,為咗呢一幕,呢套我一定會睇!

Read more ›
夢幻之戰!平成 VS 昭和幪面超人Rider電影 明年3月公開!

夢幻之戰!平成 VS 昭和幪面超人Rider電影 明年3月公開!

老餅如我,點講都係昭和,點數我都係鍾意V3同Black!後生一輩,平成拉打陪伴成長,Kabuto、555、Wizard走唔甩!繼之前同超級戰隊合作之後,嚟緊2014年3月29日會有《仮面ライダー大戦 feat.スーパー戦隊》電影公開,而且今次拉打一方仲有平成、昭和聯手,搞到我又要摷番首Black RX主題曲出嚟熱血一吓!

Read more ›