【求幫拖】傳媒之恥She.com 圖文照抄GameoverHK 私訊佢仲Block埋我

如果大家報埋同一段料,梗係唔算抄,各有各做,睇吓邊個快啫。但係,字同相都一樣!留意「泡泡貓」嗰張相係我哋自己砌加埋少少圖案嘅,而且啲字係完全copy & Paste,用埋我哋啲字!其實之前都有發生過,不過我以為同佢私訊加留言講咗會有改善,點知換嚟嘅係繼續抄,而且facebook仲block埋我唔俾我留言!Email去又唔覆,打電話又冇人聽,作為一個有30萬fans嘅facebook網站,She.com有冇咁可恥?1日內已經抄咗兩段,我都係嗰句,希望佢抄埋呢段post過去。香港有呢啲所謂傳媒,真係影衰晒。但我哋真係冇嘢可以做到,麻煩大家幫幫手分享俾佢哋睇!感激不盡!

Read more ›