Post Tagged with: "扮"

日本網絡紅人搞笑「飲管」 扮吸超巨型珍珠
by / on 21/06/2019 at 7:34 am

日本網絡紅人搞笑「飲管」 扮吸超巨型珍珠

日本網絡紅人ARuFa專門做無聊搞笑嘢,最近又有新嘢玩,為咗同其他飲珍珠奶茶嘅人有所不同,佢自製咗支特別飲管,其他人睇落會誤以為佢吸緊粒超大珍珠,無聊得嚟又令人好想買返支,可惜無量產嘅打算。BTW,呢間台式珍珠奶茶店鹿角巷喺日本越開越多分店,而家已經有超過20間,入嚟有得睇埋另一位網民設計嘅昭和時代珍珠奶茶廣告,高質。

Read more ›

【有片】超可愛嬲爆爆喵星人 兩隻殭屍牙扮發惡
by / on 09/04/2019 at 7:35 am

【有片】超可愛嬲爆爆喵星人 兩隻殭屍牙扮發惡

呢隻個樣嬲爆爆嘅喵星人最近喺日本Twitter熱傳,睇返資料,原來我哋喺2015年都介紹過佢,名叫Loki嘅佢有兩隻殭屍牙突出嚟,扮惡嘅樣超可愛。無見咁耐,佢嘅Twitter已經有39萬個followers,仲有好多新相新片,入嚟有得回帶,仲可以follow埋佢IG。

Read more ›
【新片速報】好戲喵星人扮中槍     行行吓撻底片Twitter熱傳
by / on 19/03/2019 at 7:00 am

【新片速報】好戲喵星人扮中槍 行行吓撻底片Twitter熱傳

喵星人一向高智慧,呢隻喵更加係演技派,有網民拍咗段片,揸住支槍嘅佢指向隻喵,之後隻喵好hea咁行兩下然後撻咗落地扮中槍,好搞笑,喜劇之王級數,入嚟有片睇。

Read more ›
【聰明】單車扮電視盒 荷蘭公司減80%送貨損壞率
by / on 26/01/2019 at 2:19 pm

【聰明】單車扮電視盒 荷蘭公司減80%送貨損壞率

大家都知送貨就算貼晒「易碎」、「小心輕放」,件貨都係好易喺運送途中損毁。荷蘭單車公司VanMoof啲單車每架賣美金$3000,佢哋就諗到個方法減低運送損壞率,就係將個紙箱改成電視機嘅設計,令送貨嘅人以為入面係一部電視,果然,用咗呢個方法後送貨損壞率急降80%。不過老闆其實唔想將呢個方法講出嚟,因為越多人學就會越嚟越無效用,不過有記者訂完佢哋嘅貨品後將件事放咗上網,好似佢所講,希望FedEx睇唔到啦。

Read more ›
遊「東京迪士尼」扮傷殘呃著數     日本網民鬧爆
by / on 30/12/2018 at 2:57 pm

遊「東京迪士尼」扮傷殘呃著數 日本網民鬧爆

成件事唔知有冇內情有冇誤會,如果係真,都真係好無品!日本東京迪士尼有一個叫Happiest Surprise嘅企劃,員工可以派特殊襟章俾遊客,每個襟章都可以享有一啲特別待遇,例如睇show坐前啲、買嘢食有優惠等等,最近有人就發現有個坐輪椅嘅男仔收到18個襟章,不過無幾耐就發現同行著黑色風褸嘅女士,竟然同呢個坐輪椅嘅男仔調位!即係話呢個男仔根本係扮傷殘!網民睇到之後鬧爆,話佢哋為咗呃著數侮辱咗真正傷殘嘅人,亦有人話咁做會令其他人懷疑真正傷殘嘅人士,係一件好恐怖同壞心腸嘅事,真係超睇越嬲。

Read more ›
日本新商品「海螺保冷袋」 飲水扮吹海螺
by / on 25/12/2018 at 1:51 pm

日本新商品「海螺保冷袋」 飲水扮吹海螺

吹海螺呢個行為都幾文青架,日本生活雜貨網站Felissimo最近推出咗呢個扮吹海螺嘅保冷袋,放支水或者放樽酒入去,飲嘅時候就有吹海螺嘅效果,唔飲嘅時候又可以掛喺褲邊,好寫意,每個賣3400円,入嚟有link。

Read more ›

日本網民慘烈分享 家貓破壞滅火器仲扮無辜
by / on 19/12/2018 at 7:59 am

日本網民慘烈分享 家貓破壞滅火器仲扮無辜

喵星人有幾曳?睇呢隻個樣都估到一半。日本有網民分享咗輯相,話屋企隻喵亂搞個滅火器,搞到噴到成屋都係粉紅色粉,之後隻喵仲要擺出一個「咩事呢咩事呢」嘅表情,真係令人好無奈。樓主之後放多咗啲呢隻喵嘅相同片,睇佢平時嘅一舉一動就知佢勁曳,今次滅火器事件就算唔係斷正,都肯定係佢做架嘞。

Read more ›
睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。

Read more ›
【相集】超可愛日本柏餅倉鼠 扮和菓子Twitter熱傳
by / on 16/03/2018 at 7:45 am

【相集】超可愛日本柏餅倉鼠 扮和菓子Twitter熱傳

表面睇佢係一件柏餅(かしわもち),即係日本關東嘅和菓子,有塊葉包住嘅甜品,不過睇真啲,咦!原來係倉鼠嚟嘅?好多日本網民睇完都有啲肚餓,入嚟有多啲佢嘅相睇,超萌超可愛,好想咬佢一啖。

Read more ›
【圖集】大量喵星人扮耶穌 專瞓聖誕場景超搞笑
by / on 10/12/2017 at 2:07 pm

【圖集】大量喵星人扮耶穌 專瞓聖誕場景超搞笑

早幾日介紹過有攝影師喺紐約影到隻假扮耶穌嘅喵星人,吸引超多人分享。其實除咗呢隻之外,仲有千千萬萬嘅喵星人鐘意扮耶穌,入嚟有得慢慢睇。主要原因估計係入面有射燈有稻草,暖暖哋好啱佢哋瞓,即係好似中國人嘅神枱貓、或者日本嘅神舍貓咁。而且喵星人出名唔理人點睇。除咗瞓,佢哋仲會搞破壞,大量罪證,好過份呀!

Read more ›
【為呃Like】Facebook扮多朋友 日本新興出租朋友服務
by / on 15/03/2017 at 7:33 am

【為呃Like】Facebook扮多朋友 日本新興出租朋友服務

出租男女朋友淘寶都有,不過日本呢間「Family Romance」嘅公司就主打出租朋友,而目的係令你喺社交媒體「睇落好受歡迎」!可以根據個人喜好揀性別、年齡或者服裝,約好時間地點,呢班老臨就會出動,然後同你慶祝生日、BBQ,隨你鍾意,之後你就可以有好多相放上網,等人知你幾受歡迎,生活幾咁精彩。有「疑似」用家分享話佢試過租咗10個成員同佢喺東京酒店慶祝生日,又自備埋蛋糕一齊selfie。不過問題就嚟嘞,如果佢本身搵唔到10個朋友同佢慶祝生日,其實佢嘅社交網絡又有無咁多人關注或者睇佢嘅相呢?不過官方就話呢個服務可以俾你嘅僱主、同事或者前度男女朋友睇。好嘞,如果你真係有興趣,都要有返咁上下經濟能力先得,因為每次出租成員最少要book兩個鐘,盛惠8000円。如果想要10個朋友同你慶祝,埋單人頭費就要8萬円,即係港幣5千零蚊,仲未計食品、飲品、交通費等等開支,仲要兩個鐘內完成,呢個呃like行動睇落都幾貴吓,香港嘅霞姨可以考慮吓。

Read more ›

IKEA搞facebook扮嘢比賽   扮傢俬贏禮券
by / on 05/09/2014 at 12:08 am

IKEA搞facebook扮嘢比賽 扮傢俬贏禮券

Cosplay動漫人物成日見,不過扮成一件傢俬/家品都係第一次見。最近馬來西亞IKEA搞咗個facebook活動,叫fans扮成IKEA產品再影張相放上網,有機會贏到IKEA購物禮券,最終有過百人參加,有人扮鬧鐘,有人扮吊燈,連盆栽都有人扮!剛剛公佈咗21位勝出者,大部份都係當堂嚇一跳‥‥‥極有東南亞風味。

Read more ›
幾可亂真!PS3手掣噴灰色   假扮PS1手掣
by / on 07/07/2014 at 7:11 am

幾可亂真!PS3手掣噴灰色 假扮PS1手掣

差啲比佢呃倒!呢個貌似PS1嘅手掣,睇真啲其實係PS3手掣!外國Reddit網友lazermajor可能好懷念PS1手掣嘅灰色色調,而咁啱PS3有黑有白有紅有藍,就係無出灰色,可能都係拍大家會搞亂,於是佢唯有自己噴一隻灰掣滿足吓。對比返PS1手掣,呢個掣中間少咗ANALOG嗰粒長方掣,仲少咗條線,不過佢好有心,將中間粒圓形透明掣嘅P字logo變成以前版本嘅彩色,其實我覺得呢個P字彩色logo仲靚,點解官方要改呀?

Read more ›