Post Tagged with: "扭蛋"

【點解要迫我做泥棒?】日本喵星人奇妙扭蛋    得意頭巾扮賊仔
by / on 21/08/2015 at 7:12 am

【點解要迫我做泥棒?】日本喵星人奇妙扭蛋 得意頭巾扮賊仔

日文「泥棒」,即係我哋講嘅賊仔,不過套用喺呢班咁可愛嘅喵星人身上,佢要偷乜都比佢啦。唔係賣寵物用品廣告,今次呢套喵星人頭巾「かわいい かわいい ねこ泥棒」,其實係專出玩具扭蛋嘅奇譚Kitan嘅新產品,一式5款9月底推出,抽完可以拎返去幫喵星人扮賊仔,如果佢肯嘅話,走開啦,喵。

Read more ›

骷髏骨頭瘋狂扭蛋 跳馬吸塵學攤屍
by / on 02/08/2015 at 2:36 pm

骷髏骨頭瘋狂扭蛋 跳馬吸塵學攤屍

RE-MENT出親嘅扭蛋都好正,今次呢個Pose Skeleton都唔例外,之前出過兩次都好評如潮,今次第三彈繼續瘋狂,多咗5款配件,骷髏骨頭可以跳馬、吸塵、彈鋼琴、沖花灑涼同埋攤屍。每個都好有潛力一見就好想買好想玩!留意張床仲有茶几、枱燈同枕頭做配件,好細緻,1000円。今個月28日推出,一齊儲啦。

Read more ›
【洗心革面】蛋黃哥學積極 杯邊掙扎運勁爬起
by / on 22/07/2015 at 7:15 am

【洗心革面】蛋黃哥學積極 杯邊掙扎運勁爬起

蛋黃哥,即係梳乎蛋,今個夏天勁紅,去到邊都見到佢,但係粉絲點會厭?好似呢款佢同專出杯緣子嘅KITAN合作嘅扭蛋,一式六款,全部嘅動作都係扒喺杯邊,好適合蛋黃哥hea爆嘅作風。睇見佢攤喺透明嘅蛋白上微微掙扎,第一次覺得蛋黃哥都有唔太hea嘅時候。今個月底推出,經過見到扭蛋機記住飛撲去扭呀,因為有親蛋黃哥嘅機通常都好快售罄。

Read more ›
再惡搞自由女神     隊啤噴止汗劑好free
by / on 14/07/2015 at 7:10 am

再惡搞自由女神 隊啤噴止汗劑好free

TAKARA TOMY無厘頭扭蛋系列「熊貓的穴(パンダの穴)」上年都玩過自由女神像系列,又拱橋又S型坐地露大脾,反應好好,難怪今年再推出第二彈,今次自由女神像繼續好free,又擺hip hop姿勢yoyoyo,又當眾舉高胳肋底噴止汗劑,一式五款,每扭一次200円,個人認為上次玩得癲啲,不過作為fans,點都要儲齊一套,可惜發售日未定。

Read more ›
日本新服務 扭蛋送外賣 不如直接買
by / on 15/06/2015 at 6:52 pm

日本新服務 扭蛋送外賣 不如直接買

早年都見過有日本網站搞網上夾公仔機,之後好似冇乜聲氣……今次輪到扭蛋?扭蛋嘅嘢,其實香港好多都變晒用八達通嘟,已經少咗入錢入唔到跌番個銀仔出嚟嗰吓風味,如果仲變埋做虛擬,網上俾你扭完,之後先送嚟你屋企,咁咪好似遊戲抽蛋咁?7月官方就會推出「ネットdeカプセル」呢個服務,目標年尾做到5億円生意……其實,我諗喺街抽扭蛋嘅都係手痕為主,所以唔知有冇人有興趣幫襯?

Read more ›
【真係出】喵星人瞓電腦扭蛋    貓奴感同身受
by / on 06/06/2015 at 1:03 pm

【真係出】喵星人瞓電腦扭蛋 貓奴感同身受

日本嘅貓扭蛋越出越多,不過呢個Epoch出嘅新款貓電腦,各位貓奴應該好難忍手。有養貓嘅都知,喵星人最鍾意趁你開電腦時搞住你,大字型攤喺keyboard上面、用手撳你啲掣、幫你打外星文,總之就係要纏住你等你無時間做嘢要陪佢玩!Epoch呢款扭蛋就完美表達咗呢種狀態嘞,總共有8款喵星人,隨蛋附送電腦notebook,9月推出,嗚呀!又好想買添。

Read more ›

【o依家老笠】日本奇妙扭蛋 水樽都要著底褲
by / on 22/05/2015 at 3:54 pm

【o依家老笠】日本奇妙扭蛋 水樽都要著底褲

其實唔好話咩,人我都唔明點解一定要著底褲(雖然我都有著),何況係水樽?雖然之前都出過底褲扭蛋係俾iPhone著嘅,但今次呢套「ボトルのおぱんつ」更過份地好玩,就係可以幫你喺便利店買嘅支裝飲品著條底褲,等佢冇咁凍又有啲安全感。5月26日日本有得抽喇,1次200円,6款+1款隱藏版。不過,你支飲品要係個底有幾粒嘢凸出嚟嗰種先啱用。

Read more ›
新片速報    文青扭蛋超想要    行街瞓覺「書不離手」
by / on 14/05/2015 at 7:11 am

新片速報 文青扭蛋超想要 行街瞓覺「書不離手」

我最鍾意嘅「熊貓的穴(パンダの穴)」扭蛋一向有驚喜,反肚動物、動物綠兵,全部都超得意。最新消息係今個月底會出呢個「文青」系列,主角山本君無論行路、玩貓、暴風雨、飲咖啡、瞓覺都書不離手,作為一個有文化又鍾意蒲Starbucks嘅年青人,點都要儲齊一套啦!之前都介紹過呢個文青系列,不過今次有官方新片,而且產品仲改成可以做書籤嘅小掛飾,加上送多本迷你書仔,200円好抵好想買!

Read more ›
蛋黃哥狂玩雙連發     扮不倒翁hea爆
by / on 06/05/2015 at 7:09 am

蛋黃哥狂玩雙連發 扮不倒翁hea爆

蛋黃哥喺日本真係好紅,紅到瘋狂出扭蛋盒蛋。首先今個月會同T-ARTS合作出不倒翁蛋黃哥,瞓喺蛋殼入面嘅蛋黃哥hea爆搖搖吓,勁得意!另外又會同Re-Ment合作喺6月中推出食玩盒蛋「Gudetama Cafe」,食正蛋黃哥強項啦,依附喺食物上,一式8款,無論班戟、雪糕新地、意粉、蛋撻,全部都見到得意到暈嘅蛋黃哥,好想儲!

Read more ›
蛋黃哥8種好味食法     完美演繹hea爆藝術
by / on 28/04/2015 at 7:16 am

蛋黃哥8種好味食法 完美演繹hea爆藝術

蛋黃哥又出動!今次開正佢嗰瓣,就係RE-MENT出嘅食物扭蛋!一共有8個款式,全部都係名物,例如玉子燒啦、蛋黃哥納豆啦、溫泉蛋烏冬啦、蛋包飯、玉子壽司、蛋多士‥‥‥全部都有蛋黃哥瞓身hea爆演出,完美演繹到佢hea懶呆嘅特色,好想儲齊一套!

Read more ›
超無力「蛋黃哥」出扭蛋     掹杯邊第一次咁落力
by / on 01/04/2015 at 7:08 am

超無力「蛋黃哥」出扭蛋 掹杯邊第一次咁落力

呢隻蛋黃哥(ぐでたま)最近好紅,成日懶懶閒閒踢都唔郁咁,加上表情超級無力感,難怪越嚟越受歡迎!受歡迎到Sanrio都要不停幫佢出產品。之前見過好多蛋黃哥食物,又奄列飯又啫喱,全部食晒落肚影都無,最近KITAN奇譚就同佢合作推出扭蛋玩具,KITAN一向幫杯緣子出開掛杯邊玩具,今次蛋黃哥都繼續玩呢個概念,成pet蛋漿撻喺杯邊,蛋黃哥第一次咁落力掹住杯邊防止滑落,仲用蛋殼笠頭,勁搞笑,好想買!七月底推出,到時留意吓先!同場加映三月底搶先推出嘅蛋黃哥手機床舖,得意到震一定要儲!

Read more ›

《街霸》今個月再出「土下座」     玩2P顏色印度佬長10公分
by / on 14/03/2015 at 2:19 pm

《街霸》今個月再出「土下座」 玩2P顏色印度佬長10公分

街霸呢個「土下座」系列好受歡迎,上年7月推出之後好多人爭住扭。今個月底又會有最新系列推出嘞!都係嗰幾個角色,阿龍、Ken、春麗、E.Honda、軍佬、蘇聯佬全部跪地磕頭,但就全部換晒2P嘅顏色,最正依然係印度佬,手長10公分,可以扮杯緣子,每扭一次300円,香港應該有一套買啩?好想買呀!

Read more ›
過夜必備 電話用浴袍扭蛋
by / on 13/03/2015 at 4:25 pm

過夜必備 電話用浴袍扭蛋

我屋企都有件浴袍,冬天沖完涼者真係好舒服,如果加埋幾粒健康球喺手,仲唔叫我老爺?日本推出咗呢套電話用浴袍扭蛋,300円,3色共6種類,冇乜實際用途,不過買嚟俾figure著好似幾好玩!

Read more ›
喵星人變裝扭蛋大人氣       扮蘋果、蜜蜂同埋‥‥‥狗?!
by / on 08/03/2015 at 2:15 pm

喵星人變裝扭蛋大人氣 扮蘋果、蜜蜂同埋‥‥‥狗?!

一直都唔敢同屋企隻喵星人變裝?都係嘅,同主子嘅關係一旦破壞就回不去了。但係呢,睇到呢堆變咗裝嘅喵星人,又得確係得意到震。呢套掛飾扭蛋係Bandai出品,名為Buneko嘅系列已經出到第二彈,對上一次係2014年8月出,啲貓咪又扮熊又扮士多啤梨,仲好受歡迎,所以今次繼續玩!第二彈就變做蘋果、蜜蜂同埋狗?!今個月中推出嘞,不過我留意到一樣嘢,每隻喵星人嗰樣點解都係嬲爆爆嘅?

Read more ›
奇妙的扭蛋 「花園鰻」 x 香蕉 點解要咁做?
by / on 07/03/2015 at 3:12 pm

奇妙的扭蛋 「花園鰻」 x 香蕉 點解要咁做?

有時有啲嘢真係唔明嘅,不過,睇落又好似幾可愛?日本水族館好興嘅「Heteroconger hassi(花園鰻)」,即係喺啲沙入面凸個頭出嚟嘅水底生物,本來出扭蛋冇乜問題,但唔知點解要將佢哋變成一條蕉,仲要係剥咗皮嘅蕉……6月發售,我會買兩條送俾女性朋友,希望佢明白我暗示……好想同你去水族館睇花園鰻呀!

Read more ›