fbpx

Tag: 打機

寒冬打機必備 「機迷暖毯」手位穿窿方便拎掣

寒冬打機必備 「機迷暖毯」手位穿窿方便拎掣

又係呢間專出遊戲副產品嘅日本公司Bauhutte,最近天氣凍,佢哋就熱推呢款「WataTank(わたタンク)」機迷暖毯,重點係有隻手位可以俾你冚住被但係穿對手出嚟拎手掣或者電話,咁就冬天打機都唔怕凍。今次仲話可以拆出嚟洗,咁一邊打一邊狂食薯片都唔怕嘞。有四隻色包括紅、綠、黑、藍,Amazon有得買,每張11,580円,啱晒嚟緊啲長假期,最好可以玩到春天先出返被竇。

Read more ›

日本隱世賽車手 行乞之後打《頭D》

日本隱世賽車手 行乞之後打《頭D》

最近有日本網民發現有一位街頭行乞者,似乎都相當識得享受人生,而且更加熱愛玩賽車戲,行乞之餘閒時會去機舖玩《頭文字D Zero》,我反而想知佢飄移勁唔勁?  

Read more ›
打機必備零食架 上放飲品下放薯片

打機必備零食架 上放飲品下放薯片

打機睇戲梗係要飲嘢食嘢,呢個Bauhutte(バウヒュッテ)出嘅活動零食架「エナジーワゴン BHS-430EW」似乎幾啱用,430×310×655mm,13,500円。

Read more ›
【新片速報】日本喵星人超肉緊 唔俾主人打機又撲又咬

【新片速報】日本喵星人超肉緊 唔俾主人打機又撲又咬

喵星人出名貪玩,不過呢隻特別過份。日本網民分享咗佢隻貓嘅瘋狂影片,當佢玩緊音樂節拍遊戲時,隻貓不停撲佢隻手,又咬又攬好肉緊,令佢完全玩唔到!原來隻貓一直好鍾意呢隻遊戲,入嚟有多啲片同相睇。

Read more ›
外國任天堂迷自製「巨型Switch」    65吋電視扮Switch打機

外國任天堂迷自製「巨型Switch」 65吋電視扮Switch打機

本身有間地庫遊戲房已經威,外國呢個任天堂迷仲威到自製部超巨型Switch打機。佢先製作咗個巨型木框扮Switch架,之後套住部65吋電視,睇落就好似部超大嘅Switch,駁埋部1:1嘅Switch嚟打機會唔會特別爽?入嚟仲有教學。

Read more ›
【有片】特製AR桌球枱    新手輕鬆瞄準似打機

【有片】特製AR桌球枱 新手輕鬆瞄準似打機

打桌球瞄極都唔準?日本有AR愛好者分享咗段片,將AR應用喺桌球枱上,當瞄準時會有條虛線量度位置,校準晒先篤,成功率自然大增,特別適合初學者。BTW,係咪覺得似層相識?有日本網民分享咗舊式桌球遊戲,都係有虛線,睇落好有親切感。

Read more ›

寒冬打機必備 打機專用廢人級保暖裝

寒冬打機必備 打機專用廢人級保暖裝

日本之前都有推出過呢類服裝,俾你冬天著住喺屋企,長期好似圍住張被咁暖,上年進化版都已經有開窿,去廁所都唔駛除,放長假長期喺屋企唔出街唔換衫唔沖涼必備。今次呢件「ゲーミング着る毛布 ダメ着4G」就再正啲,因為係為咗打機而設,所以頭笠兩邊開咗窿可以戴耳筒,另外手指位都有得俾你伸出嚟拎住Mouse或者手掣。M/L賣10,500円,XL就11,250円,睇見都想放假打機冬眠打機冬眠。

Read more ›
【多片】日本神級小機迷 玩《GT 6》高手風範

【多片】日本神級小機迷 玩《GT 6》高手風範

越嚟越多女仔鍾意打機,不過就算玩賽車都係玩「孖車」多啫?唔係喎,呢位日本5歲小朋友,見佢仲係玩緊PS3,即係《Gran Turismo 6》啦,而且片中喺鈴鹿賽道揸得好好!睇番佢Twitter,原來佢平時仲有玩小型賽車,似乎未來可能係女車手喎!最後留意番,佢隻貓喺薄電視頂都瞓到,都係高手喎!

Read more ›
【新片速報】日本貓奴打機新玩法 狂掃喵星人

【新片速報】日本貓奴打機新玩法 狂掃喵星人

作為一個貓奴,打機嘅時候最常遇到就係隻喵喺電視前行嚟行去阻住晒。想和睦共處?除非俾佢玩埋一份啦。日本有機迷就用隻貓嘅身體當鍵盤玩音樂game,一邊玩一邊掃,隻喵似乎好享受喎,伸長晒4隻腳仔勁嘆!入嚟有片睇。

Read more ›
日本喵星人奇怪坐姿陪打機    宇宙最嗲Twitter熱傳

日本喵星人奇怪坐姿陪打機 宇宙最嗲Twitter熱傳

仲記唔記得呢隻好鍾意打超任嘅日本喵星人?繼上次瞓上部機撳錯Reset掣之後,主人最近又有新圖出。今次呢隻喵星人用咗令人難以理解嘅坐姿坐喺主人大髀,個樣仲呆呆哋好好笑,似乎以行動表達對主人打機嘅不滿。張相喺Twitter好多人RT,入嚟仲有多啲佢陪主人打超任嘅相睇,連朝早刷牙佢都要跟出跟入,只可以話佢真係好嗲,理少一陣都唔得。不過咁可愛,好明顯佢嘅主人一啲都唔介意啦。

Read more ›
【有片】冷手打隻熱喪屍 打機專用暖爐

【有片】冷手打隻熱喪屍 打機專用暖爐

正所謂冷手打個熱飛……雖然冬天好似過咗,但你都可能試過天氣太凍唔想伸隻手出嚟打任何嘢?呢個暖爐就專為要用keyboard嘅人而設,其實唔只打機,打字做嘢都好啱,如果香港有咁凍嘅話。o依家集資緊,預計12月出貨。同埋佢條片拍得幾有心思,可以一睇。

Read more ›

打街機坐姿圖日本Twitter熱傳   「前傾型」最常見

打街機坐姿圖日本Twitter熱傳 「前傾型」最常見

利申,我係前傾型。睇人打機嘅姿勢其實都幾有趣,好似日本網民就畫咗幾幅圖,將打街機嘅人分成4類喺Twitter吸引好多人轉發。其中前傾型應該最常見,咁打機打得投入,就會自不然向前傾啦,有時個口仲會微微張開添。另外仲有側側哋撟腳坐方便隨時輸咗走人;坐到好直好優雅嘅人同埋肥肥哋露股型,入嚟有真人圖。你又屬於邊一種?

Read more ›
【新片速報】打機遇上生死之交    超感人友情Twitter熱傳

【新片速報】打機遇上生死之交 超感人友情Twitter熱傳

呢段片好感人,有打開機嘅就明。段片喺Twitter已經超過16萬個分享,好誇張。事緣日本網民@koumai_jp玩緊隻遊戲《H1Z1: King of the Kill》,期間遇到一個住喺美國「邁阿密」嘅玩家,對方知道佢來自日本好開心,仲話自己好鍾意日本!之後雖然兩人素未謀面,但就互相幫忙,一齊經歷生死。期間佢哋會俾武器對方,臨尾日本玩家突然被搶殺,「邁阿密」竟然衝出嚟幫佢報仇,話仇家消滅咗日本!可惜最後佢都被槍殺,壯烈犧牲。日本玩家Cap咗片放上網,仲加咗幾句感言,話:「自此我無再遇過「邁阿密」,希望對方會諗起我,雖然我哋人生之中未必會再遇,但已經成為咗好朋友。」由於件事太浪漫,有網民仲幫佢哋畫咗幅插圖,唔知「邁阿密」有無機會睇到段片,然後再同日本仔相遇呢?

Read more ›
【有片】打機做運動 玩VR鍛練肌肉

【有片】打機做運動 玩VR鍛練肌肉

戴住VR唔只可以做手部運動……我指打機,仲可以全身運動。德國Icaros GmbH就製作咗呢個健身裝置,戴住VR眼罩瞓上去就好似大空漫遊咁,仲有射擊元素,不知不覺做咗運動……成部嘢賣7,900歐元,睇人玩好似開心啲,同埋有冇啲有趣少少嘅遊戲呢?

Read more ›
日本超正打機專用椅 手腕唔怕攰投入感大增

日本超正打機專用椅 手腕唔怕攰投入感大增

  作為一個資深機迷,應該好想買呢張打機專用椅。呢張圖最近喺Twitter熱傳,「ゲーム専用座椅子」勝在前後都用得,將椅背放喺身前面,就可以將對手放上去,打得耐雙手都無咁攰,而且個人可以前傾,投入感大增。如果坐坐吓覺得條腰攰,又可以將張椅轉一轉,改為挨後嘅模式,唔打機坐喺度睇書撳電話都得,好實用。日本Amazon而家有得買,開價4980円,買嚟招呼朋友都正吖。

Read more ›