Post Tagged with: "打喊露"

【高手】日本網民出手改圖 打喊露變出招零違和
by / on 08/11/2018 at 7:58 am

【高手】日本網民出手改圖 打喊露變出招零違和

打喊露吖嗱!大家見到啲動物伸懶腰打喊露,有無幻想過呢個場面?日本有網民終於忍唔住出手,做咗呢兩張改圖,仲吸引咗好多網民貼圖回應,入嚟有回帶,仲有得睇返呢隻狐狸嘅真身,佢其實住喺愛知県豊橋市嘅動物園,唔打喊露嘅時候其實好型。 

Read more ›

【圖集】日本喵星人扭蛋 伸懶腰打喊露超可愛
by / on 07/02/2017 at 7:13 am

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。

Read more ›
日本「打喊露」喵星人扭蛋 超可愛同步伸懶腰
by / on 06/11/2016 at 7:34 am

日本「打喊露」喵星人扭蛋 超可愛同步伸懶腰

覺唔覺得打喊露嘅喵星人係最得意嘅?日本專出扭蛋嘅EPOCH又有新作,今次嘅「猫のあくび」扭蛋全部喵星人都係擘大口打緊喊露,有啲仲同時伸埋懶腰,好有親切感。BTW,有無試過喵星人對住你喵喵叫時,忍唔住順手打咗個喊露?堅得意,每次都好想拍低佢架!順手搵咗啲喵星人打喊露相,堅好笑。

Read more ›
動物瘋狂打喊露相集     獅子老虎都賣萌
by / on 01/02/2015 at 8:50 am

動物瘋狂打喊露相集 獅子老虎都賣萌

由細到大都覺得打喊露會傳染係好神奇嘅一件事,而且唔止人類,其他動物都會打喊露,而且比人類得意好多。網上搜羅咗大量動物盡情打喊露嘅相,睇見平時好兇狠嘅獅子老虎打喊露嘅萌樣,好易比佢哋呃倒。BTW,我發現望住啲動物打喊露都會傳染,望吓望吓,我都忍唔住打咗個。

Read more ›
喵狗打乞嚏前一刻     主人怕怕
by / on 17/01/2015 at 1:53 pm

喵狗打乞嚏前一刻 主人怕怕

如果無養貓養狗嘅,都好少機會見倒佢哋打乞嚏嘅得意樣,不過作為主人,好驚見倒佢哋打乞嚏,唔係驚佢哋噴到自己一面口水,而係打乞嚏即係有機會同人一樣,患上傷風感冒,到時仲慘過自己病。所以呢,都係睇吓人哋嘅相,笑吓算喇,乞~ 超~

Read more ›
新片速報    打喊露會傳染    超巨大銀幕集體打喊露
by / on 14/01/2015 at 7:05 am

新片速報 打喊露會傳染 超巨大銀幕集體打喊露

打喊露係會傳染嘅,如果喺紐約時代廣場,大大個廣告屏幕,廣告入面嘅男人表演打喊露,睇倒嘅路人被傳染跟住打,企喺路人側邊嘅路人又再被傳染,再打,再傳染‥‥‥場面應該幾壯觀。呢個就係最近藝術家Sebastian Errazuriz嘅新企劃。由1月開始,每晚11點57分到凌晨零時,巨型銀幕都會播住個男人不停打喊露嘅影片,嚟緊1月17日夜晚11點45會,仲會搞個全城齊齊打喊露嘅集會,無聊得嚟好有學術性。不過香港人集體鳩嗚都唔得,打喊露呢種有催眠性質嘅活動,諗都唔駛諗,太危險喇!

Read more ›

[圖集] 動物打喊露   得意程度核爆級
by / on 18/03/2014 at 7:10 am

[圖集] 動物打喊露 得意程度核爆級

動物伸懶腰打喊露時嘅得意程度簡直達核爆級!最常見係懶到暈嘅貓貓,無時無刻都拉長個身打喊露,另外原來樹熊、豬仔、老虎打喊露都可​​以勁萌!外國有網站集合咗不同動物打喊露時嘅盡情表現,唔止有圖,有啲仲有GIF,好傳神。至於有人話打喊露會傳染,我證實咗動物圖係傳染唔倒比我嘅,唔信你試嚇。

Read more ›
新片速報    打喊露送咖啡   創新宣傳橋機場呃飲
by / on 31/07/2013 at 7:15 am

新片速報 打喊露送咖啡 創新宣傳橋機場呃飲

打呵欠,香港人叫打喊露或者放蚊,你同我每日都做,仲要由早打到晚,密過打咭。估唔倒咖啡品牌Douwe Egberts居然諗倒利用打喊露作為宣傳技倆,只要喺咖啡機前打過喊露就會免費得到一杯咖啡,襯晒咖啡品牌嘅特性,位置方面,部咖啡機好聰明咁放置喺最多喊露出現嘅地方 ─ 機場!暫時部喊露咖啡機只限南非機場有得玩,用嘅科技好簡單,就係面部辨識機功能,即係話,你就算「扮」打都會呃倒杯咖啡飲。暫時部機已經收集咗210個喊露,幾威威。

Read more ›
新片速報 4日200萬views 西人實驗 打喊露是會傳染的
by / on 02/06/2013 at 11:53 am

新片速報 4日200萬views 西人實驗 打喊露是會傳染的

星期日真係懶洋洋!打喊露,即係打呵欠,即係Yawn,原來係會傳染嘅。呢條片個主角佢喺世界各地旅行時拍落好多影片,就係經過其他人時好誇張地打喊露,結果好多人見到佢喊露完之後,都好自然咁跟住打……不過可能玩得太多次,喺其中一個地點竟然俾兩個黑人鬧鬼,叫佢攰就返屋企瞓,唔會成日喺度打喊露……條片擺咗上YouTube 4日就有2百幾萬人睇過,話時話,睇完條片,你有冇打喊露?

Read more ›