Tag: 打劫

【仲襯】賤熊被整蠱網民狂RT 藏身氣球變打劫笨賊

好殘忍!雖然某程度嚟講又好襯賤熊。最近有日本網民放咗呢兩張圖上網,引起好多人RT。相中嘅賤熊本來好可愛咁藏身喺個星星氣球入面,唔知邊個咁有創意,將個氣球真空化,就咁,賤熊就變成一個笠住絲襪打劫嘅笨賊,個樣仲即刻老咗殘咗,不過但都係嗰句,呢個造型仲襯佢。

Read more ›

【有片】日本便利店持較剪打劫者敗走 網民瘋狂恥笑

最近日本2ch網民熱烈討論呢單打劫案新聞,事發地點係茨城嘅Family Mart,有個男人晏晝去咗便利店買廁紙,點知臨俾錢一刻拎出一把較剪出嚟打劫店員。點知個店員唔就範,即時隨手拎起把較剪同對方對恃,最後呢位打劫者敗走。閉路電視仲拍低咗個打劫者嘅相貌。咁網民就你一言我一語嘞,有人話諗起宇宙忍者巴爾坦星人(バルタン星人),有人話想知佢哋兩個把較剪嘅大細,仲有人笑個打劫者只得160cm高好可憐。仲有好多人放咗啲較剪手嘅顏文字出嚟,超好笑,入嚟慢慢睇。

Read more ›

網圖分享:Cuson筆下的睡婆婆 望傳媒唔好再騷擾佢

睡婆婆俾人打劫整傷頭單新聞,聞者心酸,Cuson作畫一幅以示憤慨,估唔到惹嚟N咁多個網民熱烈討論,從N咁多個留言睇,我歸納出結論有三,一,希望真係有人幫到睡婆婆,等佢唔使露宿街頭檔口;二,希望各大中小傳媒高抬貴手,停止借睡婆婆過橋賺取光環,唔好再訪問佢,剛剛先有善心人封咗封萬六蚊利是畀佢,仲拍埋片添,唉!咁搞法,咪盞睡婆婆俾賊佬打劫多次;三,希望睡婆婆身體健康,早日康復,嗯……三點都講中晒我心底話。同埋,我想講,睡婆婆係一個可憐人,並唔係甚麼景點,唔該唔好趁佢訓著就走埋去Selfie,好乞人憎呀。

Read more ›