fbpx

Tag: 手錶

日本網民分享 超崩壞《Frozen》手錶Twitter熱傳

日本網民分享 超崩壞《Frozen》手錶Twitter熱傳

對待小朋友玩具可能真係唔好太認真,日本有網民分享咗呢隻Frozen手錶,表面睇好普通,不過原來可以打開變成機械人,頭頂個樣仲好崩壞‥‥‥入嚟有多啲相睇。之後有網民分享咗另一隻差唔多嘅Frozen錶,仲有link可以一齊買‥‥‥

Read more ›

你已經死了! 《北斗之拳》x Seiko紀念手錶

你已經死了! 《北斗之拳》x Seiko紀念手錶

原哲夫《北斗之拳》35週年,聯乘Seiko推出紀念手錶,最正斗當然係暗紅錶面上面個拳四郎喇,由原哲夫親手繪畫,有標字嘅刻度只有頂頂「XII」,黃色,配埋同樣係黃色嘅七個傷口,啪啪啪啪啪啪啪,我彷彿聽到把聲話:「你已經死了。」每隻44800日圓,限3500隻,每隻錶底有由0001-3500嘅獨立編號,Fans必儲。

Read more ›
係愛呀!Fans自製手錶+紙鎮畀雪睛!

係愛呀!Fans自製手錶+紙鎮畀雪睛!

驟眼睇雪晴呢個面書Post,仲以為佢真係有新Product推出添,睇真啲原來唔係,相中手錶同紙鎮係兩位Fans製作畀佢嘅,獨一無二。呢啲堪稱係愛喇,難怪雪晴開心到留言話:「真係多謝曬咁有心!好靚呀,其實支持雪晴漫畫咁多年,作為一個漫畫主筆已經好心滿意足!多謝曬每一位支持者,有你地鼓勵先有雪晴,你地每一位常在我心。」呢份認同,呢份鼓勵,係令人好好好好好窩心嘅。

Read more ›
日本奇譚出手錶      8 bit名錶超想要

日本奇譚出手錶 8 bit名錶超想要

呢隻手錶堅正喎,8bit名錶,日本設計,而且只係需要300円。由專出古怪扭蛋嘅奇譚同TOKYO PIXEL嘅大図まこと合作,一式7款,由勞力士款到金錶款到電子錶款,以至最新嘅Apple Watch都有,下年1月開始發售,而家開始儲定錢就啱嘞。不過補充多句,隻錶無得睇時間嘅,唔緊要啦,你都係用手機睇架啦。

Read more ›
有片:無人看管手錶檔!你會唔會連錶帶錢箱撻走?

有片:無人看管手錶檔!你會唔會連錶帶錢箱撻走?

又係測試人貪婪本性嘅Social experiment,今次玩無人看管檔口,所謂檔口只係得一張檯,檯面放手錶,隻隻都標晒價錢,另加透明錢箱一個,裡面有幾多一覽無遺。想買錶?自動自覺乖乖付款就得嘞,即係話,畀唔足錢無人知,唔畀錢無人知,撻錶無人知,更甚者連錢箱都撻走都無人知……如果無隱藏鏡頭的話。而結論係,雖然好多人真金白銀畀完錢先帶走隻錶,但亦真係有人拎個背心膠袋連錶帶錢箱一併撻走,唉,人,始終都係貪心嘅。

Read more ›
【有無咁貴?】瑪利奧大叔手錶開價14萬 全球限量85隻

【有無咁貴?】瑪利奧大叔手錶開價14萬 全球限量85隻

今年係Super Mario嘅30週年,做得fans預咗要駛錢,不過點諗到要駛成10幾萬港紙?瑞士名錶品牌Romain Jerome最近宣佈推出Super Mario bors. 30週年限定版手錶,用咗46毫米直徑嘅鈦金黑錶盤,錶面有8bit風格嘅瑪利奧大叔,仲有一堆草、一嚿雲同一粒蘑菇,全球限量85隻,不過開價要$18,950美金,即係港紙超過14萬,夠買架日本車!其實今次都唔係JR第一次出限量版遊戲主題嘅錶,之前都出過《Space Invaders》同《Pac-Man》,都係開價萬萬聲(美金),入嚟有回帶。

Read more ›

日本Epson出《Star Wars》手錶 用e-ink技術自動轉角色

日本Epson出《Star Wars》手錶 用e-ink技術自動轉角色

講起Epson呢個品牌,第一時間諗起printer,不過近年日本Epson就開拓另一條路,推出用e-ink技術嘅手錶系列Smart Canvas,e-ink即係電子閱讀器例如Kindle使用嘅顯示技術,好處係耗電量低,繼之前推出Snoopy錶之後,最新公佈係同今年無處不在嘅《Star Wars》合作,一式四款手錶配唔同錶帶,有齊4個主要角色黑武士、白兵、C3-PO同R2-D2,正方形錶面可以顯示唔同圖案,襯返e-ink效果有啲懷舊其實幾型。而錶背都做得好靚好細緻,如果調校成story mode屏幕仲會自動換相,最特別係有個垂直模式可以顯示溫度,可以打橫睇天氣,唔同溫度下Star Wars角色亦會自動轉,賣緊25000円,以呢款錶嚟講唔算平,但以同Star Wars聯乘嚟講,差唔多啦!

Read more ›
【不要玩食物】法國設計師瘋狂玩漢堡 變《回到未來》手錶超型

【不要玩食物】法國設計師瘋狂玩漢堡 變《回到未來》手錶超型

鍾意食漢堡包嘅,呢個網一定要入去睇吓。由法國平面設計師Thomas同Quenti開嘅網站Fat & Furious Burger,入面設計咗大量特式漢堡,而且每次都食正潮流,最近電影《回到未來》大熱,佢哋都整咗個手錶漢堡,錶面係10月21日,之前整過嘅主題仲有《魔戒》、占士邦、UFO、《侏羅紀公園》,全部都好正,雖然睇得唔食得,但買得,鐘意嘅可以賣走佢嘅印刷品或者Tee支持吓。

Read more ›
新片速報   黑武士Devon全球限量手錶     開價22萬睇咗當買咗

新片速報 黑武士Devon全球限量手錶 開價22萬睇咗當買咗

條片一開始就聽到黑武士熟悉嘅呼吸聲,星戰迷應該很想要。呢隻Devon Works同Star Wars聯乘嘅手錶全球限量500隻,而家預訂緊,不過價錢一啲都唔平,開價美金$28500,即係超過港幣22萬!賣得咁貴因為跟足Devon Works最出名嘅Devon Tread 1型號再改良,用料頂級,買錶仲送多對袖口鈕比你,唯一係嫌錶面太大,鬼佬先carry得到,同埋太貴。

Read more ›
有片    真螞蟻手錶網上預訂     專用餵食器有死包換

有片 真螞蟻手錶網上預訂 專用餵食器有死包換

呢隻Ant Watch螞蟻手錶好勁,錶入面有幾隻真螞蟻,賣美金$59.99,由Analog Watch Co.出產,每次購買會跟5隻螞蟻,有專用微細吸管,一個月打開一次,唧一至兩滴糖漿比啲螞蟻維生。大概四個月螞蟻就會死,不過每個order包一年螞蟻,佢哋每4個月就會再寄新嘅蟻比客人替換。換嘅方法就係將隻錶放入雪櫃10分鐘等佢佢哋瞓咗,之後就可以進行搬屋行動。而家開始預訂,預計4月到貨。乜話,你睇到呢度都仲未鬧痴線?證明你嘅智商同我一樣高,嚟緊4月1日愚人節應該會玩得好開心。

Read more ›
SailorMoon x Baby-G月野兔手錶 Fans必儲

SailorMoon x Baby-G月野兔手錶 Fans必儲

SailorMoon聯乘Baby-G推出月野兔手錶,白色膠錶殼,錶帶寫住口訣:「The Pretty Guardian In a Sailor Suit! Guardian of Love and Justice! In the Name of the Moon, I’ll Punish You!」,粉紅色半透明變身盒化成錶盒,係美少女戰士Fans的話,可以留意吓喎。預3月4日發售,16000円。

Read more ›

品味之選   極品raw手錶  DIY行AA電芯

品味之選 極品raw手錶 DIY行AA電芯

唔係講笑,呢隻叫ChronodeVFD嘅錶堅係型,難怪放上網即刻吸引好多人討論。設計師Johngineer整咗隻比自己玩,隻錶行AA電池,中間顯示時間嘅屏幕係用真空螢光顯板VFD(Vacuum Fluorescent Display),貪佢夠平夠襟用。另外仲有埋夜光功能,兼可以做埋氣壓計同加速度計。美中不足係一粒AA電最多只可以行幾粒鐘,有興趣可以上佢嘅blog度睇多啲資料,順便幫我問吓佢會唔會整多幾隻出嚟賣吖。

Read more ›
新片速報    智能手錶裝Windows 95   乜都玩唔到

新片速報 智能手錶裝Windows 95 乜都玩唔到

玩到咁大?最近間間公司搶住出嘅智能手錶,有人玩嘢幫隻Samsung嘅Gear Live手錶裝Windows 95作業系統,不過都係得啖笑,因為基本上大部份功能都用唔倒,佢話係用Google Play有得下載嘅ADOSBOX程式,但係用喺隻錶度似乎唔多work。睇住佢搵隻手指篤篤吓開Windows介面左下角嘅功能表,好有親切感,雖然乜都開唔倒。

Read more ›
日本《哥斯拉》X PREMICO手錶   全球限量1954隻

日本《哥斯拉》X PREMICO手錶 全球限量1954隻

日本人都幾等得,電影《哥斯拉》香港落咗畫,不過日本要7月25日先上畫,新戲加上今年哥斯拉60周年,日本方面就同PREMICO推出咗隻特別版哥斯拉手錶,全球限量1954隻,錶面有大大隻嘅新版哥斯拉張牙舞爪,下面仲有縷空位置模仿高樓大廈,黑蛇皮手帶,背面有哥斯拉抓痕嘅電影LOGO,開價39800円,港幣3千零蚊左右,月底推出。

Read more ›
LEGO出大人手錶   黃黑款對辦  11月見街

LEGO出大人手錶 黃黑款對辦 11月見街

LEGO終於宣佈推出啱大人戴嘅手錶系列,之前出嚟出去都係小朋友款,今次一次過推出8個款式,唔低B大人戴都無問題。手帶同埋銀圈都可以自由換款,同砌LEGO一樣。個人認為黃色、黑色同埋白色三款都相當對辦,有啲想買。11月開始開賣,價錢大約$600-$1500,仲有50至100米防水,玩開Lego有感情嘅大人聖誕可以有嘢送比自己喇。

Read more ›