Post Tagged with: "手袋"

日本超細心媽媽 幫龍貓仔整「士多啤梨手袋」Twitter熱傳
by / on 16/02/2020 at 10:11 am

日本超細心媽媽 幫龍貓仔整「士多啤梨手袋」Twitter熱傳

有一個手藝高強嘅媽媽真係幸福,日本有網民返屋企發現隻龍貓仔身上多咗啲嘢,係士多啤梨手袋仔呀!估唔到媽媽咁有心思,揹咗手袋仔嘅龍貓好多網民大讚超可愛,好似童話故事入面嘅主角!

Read more ›

【撞樣】名牌手袋超似「拉打」Decade  相似度100%日本Twitter熱傳
by / on 16/11/2018 at 7:20 am

【撞樣】名牌手袋超似「拉打」Decade 相似度100%日本Twitter熱傳

撞樣嘅嘢經常發生,不過今次相似度勁高,有日本網民分享咗呢個手袋,無論用色同埋標記,都同「幪面超人Decade」勁似樣!不過個手袋好貴吓,係意大利品牌Valextra出品,顏色仲要係限量色,普通色都要港幣3萬幾一個,而家網上已經無晒呢隻色賣添嘞。

Read more ›
春夏潮流「龍蝦小手袋」 Kate Spade出品Twitter熱傳
by / on 03/04/2018 at 7:00 am

春夏潮流「龍蝦小手袋」 Kate Spade出品Twitter熱傳

Fashion嘅嘢,大家都係唔明架喇。最近日本網民熱傳呢個龍蝦手袋,紐約品牌Kate Spade出品,日本賣61560円,即係4千零蚊港紙左右,就可以令你成為眾人嘅焦點,側揹喺身好霸氣,好想Tag前特首夫人叫佢買返個。

Read more ›
超可愛鯉魚王手袋 1月27日開始日本有得抽
by / on 22/12/2017 at 7:43 am

超可愛鯉魚王手袋 1月27日開始日本有得抽

未變身前被認為係史上最弱小精靈嘅「コイキング」鯉魚王其實儲埋好多fans,雖然弱弱的,不過夠貼地嘛。最近日本公司BANPRESTO搞嘅抽獎活動「一番賞」主題就係鯉魚王嘞!大獎係呢個鯉魚王袋,超可愛勁想要!其餘獎品仲有鯉魚王嘅碟呀、杯呀之類,好吸引好想玩,1月27日開始,去開日本嘅可以留意返。

Read more ›
【母愛氾濫】日本BB頭手袋Twitter熱傳 其實好恐怖
by / on 24/02/2017 at 11:12 am

【母愛氾濫】日本BB頭手袋Twitter熱傳 其實好恐怖

呢個BB頭手袋最近喺日本Twitter好多人RT。特別之處在於手袋中間有大大個立體BB頭突出嚟,下面仲有兩隻腳吊喺度揈揈吓。有紅同藍兩隻色,每個賣56160円,兌返港幣都要港幣4千蚊左右,但係似乎幾好賣,得返一個存貨。究竟有咩人會想買呢個手袋呢?夜晚喺屋企見到都幾驚。

Read more ›
【圖集】日本超可愛喵星人 捐手袋伸肉球say hi
by / on 01/02/2017 at 11:04 am

【圖集】日本超可愛喵星人 捐手袋伸肉球say hi

呢位日本貓奴養咗5隻喵,平時應該好唔得閒。最近佢將左邊呢張相放上Twitter,即時吸引好多人RT。主人話朝早怱忙趕返工,點知見到隻喵原來捐咗入去佢手袋,佢即刻忍唔住影張相。最正係喵星人咁啱伸咗隻肉球出嚟打招呼,個樣仲笑笑口超可愛。入嚟有多啲呢隻白喵嘅相睇,睇嚟佢性格都幾溫馴。BTW,你哋明白點解貓奴成日遲到啦,臨出門口都俾佢哋引到,好難準時出門架。

Read more ›

【邪惡】日本《刀剣乱舞》推出手袋 近身接觸囡囡必搶
by / on 26/06/2016 at 3:51 pm

【邪惡】日本《刀剣乱舞》推出手袋 近身接觸囡囡必搶

《刀剣乱舞-Online》呢隻電腦遊戲深受囡囡歡迎,咁女仔出名鍾意買手袋,所以日本Super Groupies同遊戲合作推出手袋實在好邪惡。今次係第二彈合作,4款手袋,分別以4個男主角「山姥切国広」、「大倶利伽羅」、「一期一振」、「へし切長谷部」做主題,囡囡鍾意邊個可以隨便帶返屋企。6月29日開始預訂,10月中推出,售價10800円,買嚟送禮或者自用都諗得過。

Read more ›
【潮流教主】日本twitter熱傳 金色水煲手袋勇氣爆燈
by / on 13/04/2016 at 7:10 am

【潮流教主】日本twitter熱傳 金色水煲手袋勇氣爆燈

一睇呢位日本男士嘅造型同埋髮型,就知佢有潮流觸覺。最近日本twitter熱傳呢張相,相中男士自製個金色手袋,個款參考自舊式水煲,不過手抽位加高咗,應該可以揹埋上膊。拎住佢出街所需要嘅,就係一份勇氣。

Read more ›
有片:天使與魔鬼的扎掙!手袋就喺旁邊!你偷唔偷?
by / on 25/02/2016 at 8:45 pm

有片:天使與魔鬼的扎掙!手袋就喺旁邊!你偷唔偷?

同凳坐嘅靚女假裝大頭蝦,顧住上超跑唔記得拎手袋……超跑喎,有米男友接送喎,咁銀包裡面應該唔少得錢去邊喇,正常人一定會咁諗。諗完,天使與魔鬼喺內心扎掙嘞,家陣無人知,亦無人睇到,正所謂地上執到寶,問天問地攞唔到,呢個手袋,你會唔會據為己有呢?呢個Social experiment畀到答案,答案係──逢人都係貪心嘅,路不拾遺?咪講笑,有人火速將手袋攝入衣衫,有人摷完裡面啲錢將手袋原封不動,有人索性直接拎走個手袋……唉,畀著你,你會點做?

Read more ›
【真嘅一樣】日本喵星人手袋    三色貓Yahoo成交價83000円
by / on 17/10/2015 at 1:39 pm

【真嘅一樣】日本喵星人手袋 三色貓Yahoo成交價83000円

作為貓奴,見到呢個貓手袋都覺得有啲恐怖,因為像真度實在太驚人。由日本一位好鍾意貓嘅家庭主婦Pico製作。佢最先整咗隻白貓款放上Twitter,之後吸引咗好多人留言同RT,無幾耐佢就將隻白貓上色變咗三色貓,效果更靚,其後仲製作埋灰貓、啡貓,放上Yahoo拍賣仲賣得極高價錢。隻三色貓賣咗83000円(港幣約$5400)、灰貓賣咗66000円(港幣約$4300),超貴!而家佢製作緊新嘅黑貓作品,睇相都覺得好似真嘅一樣,上佢嘅twitter仲會見到有好多不同種類嘅貓貓手工品,又有真貓相,講真,我都唔係好識分真同假。

Read more ›
日本貓奴手袋內藏喵星人 車站發現被迫折返
by / on 10/08/2015 at 7:12 am

日本貓奴手袋內藏喵星人 車站發現被迫折返

喵星人最鍾意捐窿捐罅,之前有主人試過比隻喵捐入行李喼,去到外地先發現,今次呢位中川翔子家公認嘅貓Blogger「中川寢子」,佢去到車站打開手袋,先發現屋企隻喵星人居然鑽咗入袋。女貓奴話由於喵星人黑色一團,又得900克重,所以唔望真都發現唔倒,而隻喵星人仲咬住平時玩開嘅玩具,睇嚟諗住帶埋去玩,好曳。最後佢被迫折返屋企放低隻喵,搞到遲到。不過咁,都好過帶咗佢去到目的地先發現或者中途走失吖,下次小心啲呢隻咁黐身嘅喵星人喇!

Read more ›

LEGO女裝手袋網上開賣      唔怕撞款夠實用
by / on 14/04/2015 at 7:12 am

LEGO女裝手袋網上開賣 唔怕撞款夠實用

LEGO一直比人嘅印象都係比較男性化,估唔倒用佢嚟做女性手袋效果咁突出。外國專賣DIY產品嘅Etsy網站,入面有間叫agabag嘅舖頭,專賣由LEGO整成嘅女裝手袋,又靚又型,仲真係可以拎出街用,間隔都幾實用。設計師Agnieszka Biernacka之前仲整過閒閒哋幾萬蚊個嘅名牌Hermés經典手袋Birkin bag同埋Gucci clutch,拎住呢個LEGO版出街相信無咁易同人撞,價錢大約美金$200一個。嘩,都唔平。

Read more ›
2D手袋真有其事   網上有得買   唔貴夠搶眼
by / on 26/02/2015 at 7:03 am

2D手袋真有其事 網上有得買 唔貴夠搶眼

好正,呢啲2D版嘅手袋唔係PS圖,而係真真正正有得買嘅2015春夏季新款手袋,品牌名係JumpFromPaper ,設計師叫Chay Su同埋Rika Lin,兩年前佢哋都設計過2D手袋,今年再接再勵,而且推出更多花款,有背囊有銀包,男女都用得。銀包大概美金$30一個,手袋就大約美金$89,唔貴得嚟又夠搶眼,新年利是錢未駛晒可以考慮吓網購。

Read more ›
日本變種蜜瓜包  變銀包/帽/手袋亂咁嚟
by / on 10/12/2014 at 7:09 am

日本變種蜜瓜包 變銀包/帽/手袋亂咁嚟

從來無諗過蜜瓜包可以咁好玩,利申,我鐘意食菠蘿包唔鍾意食蜜瓜包,上維基先知,原來蜜瓜包起源地係日本,唔怪得日本人將佢發揚光大,變做銀包、手袋、耳筒同埋咩話?帽?成個蜜瓜包笠上頭,好大膽。

Read more ›
家樂氏粟米片出手袋   索價港幣1萬
by / on 02/08/2014 at 11:13 am

家樂氏粟米片出手袋 索價港幣1萬

早餐食粟米片係童年回憶嘅一部份,家樂氏粟米片嗰隻老虎同埋雞仔更加係特別有親切感。倫敦手袋品牌ANYA HIINDMARCH今個秋冬就將用呢隻老虎同雞仔做嘜頭,出咗幾款手袋,其中有三款Clutch Bags索性用埋盒裝設計,拎出街好似拎咗盒粟米片咁,好趣緻,不過價錢就唔多趣緻,接近港幣1萬紋,不如拎返盒粟米片出街好過。另外仲發現麥維他消化餅都玩埋一份,睇完勁肚餓。

Read more ›