Tag: 手術

狗狗吞NDS支筆十幾年後 緊急手術拿出變成咁

狗狗吞NDS支筆十幾年後 緊急手術拿出變成咁

唔好要大家擔心,講咗重點先,最緊要係隻狗狗冇事精神番喇。話說芦名みのる呢位動畫監督兼獸醫就遇到呢隻狗狗,喺檢查時發現腸入面有異物,要做緊急手術拎出嚟,拎到出嚟,發現原來係出土文物,係任天堂NDS支筆呀!當你大家成日拎住篤任天狗同應援團嗰支呀!原來已經夠咗喺狗狗體內十幾年……之後佢仲有其他分享,例如有隻個稱號叫「茨城の誤食王」,啱啱吞咗個髮圈……

Read more ›

【有片】達文西手術機械人    提子剥皮再縫線Twitter熱傳

【有片】達文西手術機械人 提子剥皮再縫線Twitter熱傳

淨係個名都好有氣勢,呢段da Vinci Surgery手術機械人示範片喺Twitter好多人RT。用咗一粒提子做示範,先剥皮之後再縫線,好好睇,不過如果應用到腦外科手術就唔係咁睇,入嚟有得開吓眼界,唔駛驚,無血嘅。

Read more ›
89歲全球最老外科醫生     每日做4個手術

89歲全球最老外科醫生 每日做4個手術

89歲依然可以活得好精彩。呢位今年88歲嘅婆婆Alla Illyinichna Levushkina係全球最老嘅外科醫生,雖然已經88歲,但每日依然做緊大約4個手術!喺墨西哥附近嘅醫院Ryazan City Hospital工作嘅佢行醫67年,做過過萬個手術,但就話無諗過退休。至於長壽嘅秘訣佢話主要都係乜都食、經常笑同喊,咦,你同我都得喎。

Read more ›

【最微細包紥】倉鼠仔整親手 包紥圖超可愛網上熱傳

雖然小動物受傷好可憐,不過左邊呢張相放咗上Reddit後大家都讚好可愛。主人GeorgeOnee發現屋企隻倉鼠跌親,即時帶佢睇獸醫,醫生就幫隻倉鼠仔包紥啦,你睇,手工精細。包紥咗嘅倉鼠仔得意成咁,大家都忍唔住狂留言,話佢可能係世上最細嘅包紥。入嚟仲有其他小動物受傷包紥嘅相睇,sorry雖然好慘但係堅得意。

Read more ›

【新片速報】腦癌手術後留疤痕 愛心爸爸紋身陪仔仔

親人嘅愛真係好偉大,外國呢位只得8歲嘅小朋友Gabriel Marshall,因為患咗腦癌要做手術,手術後佢個頭留低咗一道好大嘅疤痕,令佢覺得自己好似怪物一樣,好唔開心。為咗開解佢,爸爸Josh Marshall決定喺自己頭頂紋個一模一樣嘅紋身。而家仔仔開心返,周圍同人講佢同爸爸係Twins。件事之所以熱傳係因為爸爸將呢張合照放上網,參加一個癌病家長嘅網上活動,最後得到超過5千張選票成為冠軍。而家仔仔腦內仲有細小嘅腫瘤,不過無再擴大,未來將會定期覆診。最後希望仔仔身體健康,快高長大,大個咗要好好報答父母呀!

Read more ›

有片:整容失敗成面血!千人一面真係好?

間尺鼻加錐子臉,五官膠化真係靚咩?故事講兩個女同學仔好貪靚,本身佢哋已經夠靚,但都決定整容,同學A因為唔夠錢所以整唔成,同學B整完容搵同學A,同學A驟感失落,因為當千人一面嘅時候,自己無整容反而成為異類。未幾,終於有醫務所肯為A整容,但好可惜手術失敗,同學A成面血包晒繃帶,同佢心目中嘅理想容貌有天壤之別。片末無交代同學A塊面核突成點,留番啲空間畀觀眾反思,而睇完呢條片,我認我係有啲不安嘅。

Read more ›

有片:好詭異!將KitKat釀入3 Musketeers!朱古力大手術=植入式廣告?

又手術刀又鐵鉗又砧板又盛,燈光又調校到灰灰暗暗,仲要戴埋手套添,唔知仲以為睇緊甚麼血腥肢解恐怖片。肢解就肢解嘞,不過係肢解朱古力條啫,畫面著實詭異,但見片中人兄煞有介事雕空3 Musketeers,然後將KitKat釀入去,做成一條KitKat心3 Musketeers身嘅朱古力條,感覺有啲似訓棺材,而人兄仲好細心咁「蓋棺」添。成壇嘢玩乜呢?Fake人?無咁聊啩?我諗嘢衰啲,唔通係超另類植入式廣告?

Read more ›

樹熊BB攬實命危媽媽 手術全程打氣感動網民

呢輯樹熊相最近喺網上熱傳,相中6個月大嘅樹熊仔Phantom,攬住比車撞親而命危嘅媽咪Lizzy,全程陪佢一齊喺醫院做手術,身貼身為媽咪打氣,畫面感動咗好多網民。兩隻樹熊而家住咗喺澳洲嘅Australia Zoo Wildlife Hospital,好好彩,情況已經穩定,而家慢慢休養康復中。BTW,呢間醫院由已故鱷魚大王Steve Irwin創立,我哋早兩日都有報導佢嘅囡囡Bindi Irwin接捧成為澳洲動物園嘅員工,而家喺IG仲好紅,入嚟有回帶。

Read more ›

【新片速報】面容移贈手術後 第一次見「已死」親人

除咗器官可以移植,原來樣貌都可以。今個星期日外國嘅電視節目《60 Minutes》好勁,搵咗當年接受樣貌移植者Richard Norris,同捐贈者嘅家姐Rebekah會面,未播淨係預告片喺YouTube已經超過250萬點擊。件事要追溯返1997年,Richard Norris因為嚴重車禍令到面容全毁,5年後,科技革新,可以做到面容移植手術,而21歲嘅Joshua Aversano因車禍逝世,佢嘅家姐Rebekah就決定將細佬嘅面貌捐贈比Richard。重新見返同自己細佬一樣樣嘅人,Rebekah表現好激動,我都好想追睇今集《60 Minutes》。

Read more ›