Tag: 手機APP

免費增高手機app 突然變高唔穿崩

想執靚個樣可以用「美圖秀秀」,想執到自己又高又瘦?可用呢個叫「Spring」嘅手機app,支援iPhone同埋Android手機,免費下載。玩法係將相中人嘅膊頭、盆骨、腳裸位置定位,之後再根據呢三個定位將個人拉長,拉幾長由自己決定,去盡啲定自然啲都由你話事。親身試過,背景效果唔太假,呃得吓人。

Read more ›

Oral-B全球首支藍牙牙刷 手機app連動

你鐘意用電動牙刷定普通牙刷多啲?我偏向後者,但如果你係電動牙刷嘅擁躉,會唔會考慮買呢支高智能牙刷?今次係由大家都識嘅Oral-B出品,聲稱係全球第一支藍牙牙刷,裝咗手機app之後,當支牙刷啟動就會輸出大量資料,例如你嘅刷牙時間、建議清潔位置、更換牙刷刷頭提示等等,聽落唔錯,如果你唔覺得牙嘅資料要保密嘅話。

Read more ›

手機App睇醫生 美國視像應診服務

有無試過病到落唔倒床睇醫生?假如醫生可以透過手機App應診,免除落床、換衫、落街、排隊等睇醫生嘅環節,聽落似乎幾爽。美國American Well最近向市民提供電話視像應診服務,每次10分鐘,收費$49美金,裝個apps就得,iOS同Android都有份。睇完攞張藥方可以托人去附近執藥,仲可以免除去診所交叉感染。聽落唔錯,不過要真正代替傳統睇醫生仲有好漫長嘅路,暫時都仲係試驗階段。

Read more ›

麥記手機app 落單比錢一次過

麥記最近再推將軍漢堡,搞到編輯錢兄餐餐狂食。美國Bloomberg報導,德州Austin等幾個地方,而家試行緊顧客用手機app自己落order同埋比錢,估計可以加快交易時間,尤其專為揸車人士而設嘅公路麥記最啱用。不過唔知用手機落order會唔會減低執漏或者執錯食物嘅風險?因為我嘅個人經驗係,十次去麥記買嘢食,總有兩次會執錯執漏,返到屋企先發現嬲到爆。 BTW,呢張圖係香港出名嘅偽娘Coser嚟。

Read more ›

新片速報 手機鬥掟高專用app 無懼爆芒

今時今日電話邊有當年嘅Nokia咁襟跌?1米跌落去隨時爆芒,不過外國有人視錢財如糞土,居然出咗個叫S.M.T.H.(Send Me To Heaven)嘅手機app,開著個app之後將部手機向上拋,可以偵察倒手機掟得幾高,掟完仲有排行榜可以同世界各地嘅勁人鬥高,如果執得返嘅話。影片入面個女仔即場示範,足足掟到9.63米高,睇到我個心離一離。

Read more ›

超期待!《貞子3D 2》推出手機App 邊睇戲邊嚇你

去戲院睇戲熄手機是常識吧!不過嚟緊上映嘅《貞子3D 2》就打破呢個慣例。今次電影商諗到利用手機app進行互動,入場前先下載貞子手機app,睇戲時開著佢,你部手機就會跟住不同情節突如其來嚇你一跳!例如會突然發出恐佈聲響,相機閃燈不停閃等等,食正套戲玩手機貞子嘅賣點,真係令人超期待!不過睇完套戲記住刪除個app,如果唔係夜晚瞓瞓吓佢突然閃燈、尖叫或者響鈴‥‥‥

Read more ›