Post Tagged with: "手機"

日本Docomo出米奇老鼠手機   規格唔失禮
by / on 12/10/2013 at 7:09 am

日本Docomo出米奇老鼠手機 規格唔失禮

食飯搭車經常見倒小朋友拎住部手機篤篤篤,似乎手機使用者嘅平均年齡越嚟越細,日本DOCOMO都知,最近宣佈推出呢款DoCoMo F-03F嘅米奇老鼠手機,擺明主攻o靚仔市場。背面大大個老鼠嘜頭,規格唔失禮,行Android 4.2 Jellybean、2.2Ghz處理器、內置2GB RAM、4.7吋芒,仲有1300萬像素鏡頭,細路仔用我嫌浪費咗啲o忝!12月中有得賣,有藍、粉紅同埋白三隻色,差啲唔記得講,影相可以加埋迪士尼filters,唔好話細路,我估好多(心智未成熟)嘅女仔睇到都會尖叫:「好得意呀!」然後走去排隊出機。

Read more ›

手機都有DIY! 網上教學自砌$1500搞掂
by / on 30/09/2013 at 8:38 am

手機都有DIY! 網上教學自砌$1500搞掂

今個星期你有無換iPhone 5s或者Xperia Z1?不停出機人有我有,多多錢都唔夠駛。不過去到咁極端自己造一部電話出嚟又唔係人人都得。網上有神人自砌手機,完成品睇落嚟幾靚,手機基本功能例如發短訊、打電話甚至儲存老友電話號碼都做倒,不過就無得玩facebook、whatsapp。如果你有心,又有啲機械工程知識,可以上呢個網學整一部。網主好有心,有埋連結教你去邊度買底版同埋元件,大概$1500港幣買倒,但係手尾長有排搞。整完記住share比我哋睇。

Read more ›
《One Piece》手機配飾第三彈   路飛草帽笠住傾
by / on 27/09/2013 at 8:23 am

《One Piece》手機配飾第三彈 路飛草帽笠住傾

Bandai早前推出《One Piece》路飛草帽,想扮路飛都要有好大嘅勇氣,想小小哋表達愛意,可以淨係幫部手機戴吖。《One Piece》手機配飾系列啱啱宣佈推出第三彈,總共有七款配件,最搶眼肯定係手機上嘅呢頂路飛草帽,笠位佢傾電話講嘢都大聲啲呀!想再全面啲仲有路飛件大褸嘅手機袋,不過睇落手工麻麻,其餘仲有掛飾、捲線器等等,10月發售。

Read more ›
手機當枱燈  慳錢發明閃燈好快燒?
by / on 25/09/2013 at 7:35 am

手機當枱燈 慳錢發明閃燈好快燒?

手機當電筒唔係新奇事,市面上都有好多相關app,但係將部電話嘅閃燈變成枱燈呢個構思,聽落好似幾得意,仲慳倒錢。方法好簡單,加個燈罩同木托,上面放部電話就搞掂,自己DIY都得,當然,仲要先裝咗個可以令閃光燈長開嘅app先。不過有網民話咁搞法閃光燈好快會燒,分分鐘得不償失。

Read more ›
Google新科技   手機變Spotlight玩互動MV
by / on 16/09/2013 at 7:03 am

Google新科技 手機變Spotlight玩互動MV

Google成日有新嘢玩,啱啱就同外國indie樂隊Arcade File合作,整咗套互動音樂電影Just A Reflektor出嚟,玩法幾特別,將電腦嘅cam同手機連接,之後播MV時,手機就可以變成spotlight,令MV出現多種唔同嘅特殊效果,幾新穎刺激,不過細膽嘅夜晚唔好玩,因為個女主角同埋首音樂有啲驚嚇。話時話,如果《貞子》用呢個宣傳方法都幾驚,而且起碼唔會好似而家咁,見親貞子就想笑。

Read more ›
《孤獨的美食家》手機App   自拍食堂相砌漫畫
by / on 10/09/2013 at 7:25 am

《孤獨的美食家》手機App 自拍食堂相砌漫畫

日本人氣漫畫《孤獨的美食家》紅到拍埋日劇,經常一個人食飯嘅獨男獨女特別有共鳴。最近官方出埋支援iPhone同iPad嘅免費app, 好玩在14格漫畫每格都預留空位比你影相拼入去,即係一個人去食麥記或者食明將都可以拎部手機出嚟影相,再拼入漫畫入面自我陶醉,好毒?我覺得你唔明何謂「孤獨是一種境界」,入嚟回帶睇返前幾日好精彩嘅「Forever Alone」專題,你會明白孤獨嘅浪漫。

Read more ›

Emoji拼圖手機app   表情符號無處不在
by / on 07/09/2013 at 4:43 pm

Emoji拼圖手機app 表情符號無處不在

有無發覺用Whatsapp時唔用Emoji表情符號,會周身唔自在,感覺詞不達意,表達唔倒自己內心感受?如果答案係肯定嘅,好明顯你同絕大部份人一樣中咗Emoji毒,所以你應該攞8蚊出嚟買埋呢個手機app。名為Emojify嘅手機app,由星加坡公司VoidWorks開發,可以將手機內任何一幅相變成Emoji拼圖,蒙羅麗莎嘅微笑,都唔及Emoji嘅笑臉咁誠懇,咁千變萬化。

Read more ›
《衝上雲霄》後遺症:飛機app玩AR    護照變跑道
by / on 07/09/2013 at 3:43 pm

《衝上雲霄》後遺症:飛機app玩AR 護照變跑道

《衝上雲霄》星期日大結局,好多人話劇情越嚟越膠,我就每次睇到阿Roy同Head姐嘅感情戲都毛管楝‥‥‥講返正題,怕無劇煲心靈空虛,可以下載專玩擴增實境(AR)嘅手機app – Blippar。佢哋最近又有新嘢玩,用手機鏡頭影吓本護照,一架3D模擬飛機就會出現喺你面前,入面仲有小遊戲同埋有得學法文、意大利文等多種語言,最啱上機前dl定,比你旁邊坐唔定嘅細路仔玩,可惜佢只support英國護照,而我,只得一本特區護照,唉,so sad。

Read more ›
【有片】你夠膽用嗎?4百幾人仔 另類無線充電Android手機
by / on 02/09/2013 at 10:34 pm

【有片】你夠膽用嗎?4百幾人仔 另類無線充電Android手機

國產貨,好老實,我只能講句,生命誠可貴……呢部名為N100i嘅手機,聲稱「走遍天下不缺電,技術走在世界最前面」,因為佢真係唔需要用充電線,直接打開機殼就可以伸出兩腳,插入大陸嘅電源位就可以充電……Android 4.0,4.3吋800×480芒,470蚊人仔……Engadget拍咗條片,你夠唔夠薑試?

Read more ›
有片    麥當勞智能Happy Table   細路專用好恐佈
by / on 26/08/2013 at 7:42 am

有片 麥當勞智能Happy Table 細路專用好恐佈

慘咯,連麥當勞都推銷智能手機用嘅高科技Happy Table比細路玩,小朋友嘅童真好明顯已經一去不返。新加坡麥當勞最近為小朋友設計咗呢張Happy Table,枱底貼幾張NFC貼紙,手機放上枱面就可以即刻玩遊戲,片段所見,枱面會變成賽道,將部機向前推就好似喺賽道駕駛一樣,小妹妹拎住部手機玩得超開心,麥當勞叔叔經過都肯定睇唔倒。麥當勞計劃將呢張枱帶到亞洲地區,仲話嚟緊可能會同《藍精靈2》同埋《Despicable Me》合作,到時阿爸阿媽你部智能手機記住著定雨褸同埋防撞欄,如果唔係唔散都肯定污糟晒,大鑊。

Read more ›
新片速報   6百萬點擊熱爆YouTube   手機毒癮好難戒?
by / on 26/08/2013 at 7:23 am

新片速報 6百萬點擊熱爆YouTube 手機毒癮好難戒?

身為現代人,我深深感受到智能手機已經全面入侵人類大腦,而我哋完全無力反抗。出街食飯搭車落bar以至同枕邊人瞓覺,大家都揸住部手機,中晒毒癮。名為Charlene deGuzman嘅YouTuber最近拍咗條「I Forgot My Phone」嘅短片,短短四日已經有6百萬點擊,片中刻劃主人翁無論去到邊,同任何人一齊,對方手上面或者眼裡面都只有手機,坐喺韆鞦上面嘅小妹妹寧願玩手機都唔肯盪韆鞦,影片令好多人好有共鳴。如果你都有同感,睇完個心有啲寒,不如試吓同朋友食飯時放低部手機,行出第一步,搣甩呢舖毒癮啦。

Read more ›

【苦茶Blog】 手機Wide Angle原來幾好玩
by / on 20/08/2013 at 8:43 pm

【苦茶Blog】 手機Wide Angle原來幾好玩

  做到悶悶哋, 買支Wide Angle俾自己開心吓! 百零蚊貨仔, 但估唔到咁好玩! 所講唔係一般相機鏡頭, 係手機用嘅Wide Angle外加式鏡頭, 百中價錢, 竟然有0.4X效果, 加裝後差唔多有160-170度廣闊視野, 成部手機完全唔同晒!

Read more ›
新片速報      門鐘直駁手機     一按鐘手機即提示
by / on 19/08/2013 at 7:03 am

新片速報 門鐘直駁手機 一按鐘手機即提示

如果你經常有朋友上門採訪,呢個iDoorCam可能啱你用。聲稱可以取代現今嘅門鐘,因為佢多咗WiFi同埋Cam嘅功能。當有人撳鐘時,所有家庭成員嘅手機都可以接收倒提示,選擇接聽後,就可以喺手機上即時同對方進行視像對話,就算屋企無人都唔怕朋友摸門釘。又或者你屋企好大,你又好悠閒咁喺open kitchen切緊菜,呢個程式就好啱駛,你可以叫朋友等等,你再施施然行出去開門,至於點解唔直接打比你?唔,我屋企得豆潤咁大,真係諗唔通呀。iDoorCam預計10月量產,開價美金$165。

Read more ›
Sony終極神物    手機 + DSC-QX10鏡   跌錢是常識?
by / on 14/08/2013 at 4:31 pm

Sony終極神物 手機 + DSC-QX10鏡 跌錢是常識?

Sony手機加鏡頭,呢款設計如果出得成,估計會令好多人跌錢!Samsung之前都出過數碼相機電話,不過係Sony出品又唔同講法,你知Sony近年嘅相機幾好賣,幾貴啦。如果外國網站SonyAlphaRumors無講錯,Sony將會喺不久推出兩款可以套上手機用嘅相機鏡頭,而開估日期將會係9月4日,因為當日Sony會宣佈兩支鏡DSC-QX10同埋DSC-QX100嘅詳情,呢兩支鏡有內置sensor,Binoz圖形處理器加WiFi/NFC無線連接同埋SD插槽,但就無LCD或者操作用按鈕,所以大家估計個LCD好有可能就係你部智能手機!我覺得唔係無可能,真嘅話仲相當高興。至於套上邊部手機?好多人估係即將宣佈嘅頂級規格手機Xperia i1 Honami,我諗斷估唔係大過塊面嗰部Xperiz Z Ultra啩?

Read more ›
日本電話放大鏡    扮電視芒玩low-tech
by / on 05/08/2013 at 7:09 am

日本電話放大鏡 扮電視芒玩low-tech

電話放大鏡唔係第一次見,不過日本人嘅設計真係寧舍有心思,今次介紹嘅「Tele phone vision」將放大鏡修飾吓,變成一部懷舊電視,只要將手機放喺「電視」後面,就可以將4吋芒放大到7.2吋,無聊得嚟又幾得意,,而且係用紙板同PVC整成,夠晒low tech。唯一缺點係表面有啲反光,不過賣650円,旨在開心吓啫。

Read more ›