Post Tagged with: "手機"

手機玩魚眼 一個防盜鏡搞掂!
by / on 02/08/2013 at 8:38 pm

手機玩魚眼 一個防盜鏡搞掂!

  魚眼鏡一向都係高尚娛樂, 冇嘢嘅! 有錢有得玩咁啦! 不過日本有位abby257諗到個方法, 就係用手機玩魚眼效果! 老實! 雖然係手機, 不過如果你去Log-on或專買手機配件舖頭, 百零二百真係走唔甩; 不過佢諗到用門口防盜鏡, 再用手動方式套落手機針孔鏡上玩, 出嚟效果真係唔差, 以小弟所記憶, 大概20-30蚊內應該就買到, 返去我一定要試吓!

Read more ›

Kumamon熊本熊iPhone 5殼     可愛到暈賣斷市
by / on 23/07/2013 at 7:44 am

Kumamon熊本熊iPhone 5殼 可愛到暈賣斷市

最近Kumamon熊本熊真係紅到開巷,今日出街居然比我分別撞倒兩個人揹佢嘅tote bag,分分鐘紅過Hello Kitty!上網搵吓佢嘅產品,喺Strapya World比我搵倒大量Kumamon嘅iPhone 5手機殼,有幾款仲已經火速賣晒,可惜我唔係用iPhone 5,唯有同大家分享吓當買咗。每個開價1980円,網站仲有得買Kumamon耳機同埋手機掛繩,比你襯埋一套拎出街威威。

Read more ›
新片速報    智慧型鬧鐘    藍芽駁手機自然醒
by / on 18/07/2013 at 7:18 am

新片速報 智慧型鬧鐘 藍芽駁手機自然醒

老實,我已經好耐無用手機以外嘅鬧鐘,之前有個鬧鐘app,可以根據你嘅睡眠狀態響鬧,幫助你自然醒,今次呢個德國品牌iwaku更加將設計變化成一盞燈,透過藍芽連接上手機app,當你進入淺睡狀態時,iwaku燈會自動逐漸加強燈嘅光度,等你可以喺最舒適嘅狀態下自然醒,據講淺睡狀態下起身,個人全日都會精神啲。除咗iPhone之外,S3、S4同埋HTC One都用得,不過最快都要等秋天歐洲先正式發售。

Read more ›
內地手機玩佛祖    如來神掌八式變賣點
by / on 16/07/2013 at 7:45 am

內地手機玩佛祖 如來神掌八式變賣點

中國人嘅創意有時候真係令人O嘴,好似呢款由內地TOOKY京崎手機廠商推出嘅新手機「京崎K1」,5.7呎芒行四核,未算最頂尖,不過宣傳上居然用如來神掌八式作為宣傳賣點,例如第一式唔係佛光初現而係「指點乾坤」,即係touch screen啦;另外有一式叫「佛渡無量」,原來係標榜有1G RAM + 4G ROM嘅儲存,除咗佩服我都諗唔倒第二個形容詞,想知道萬佛朝宗即係咩?入嚟自己慢慢研究啦,我無佢咁好氣。

Read more ›
Bandai手機內褲第二彈   富士山配神秘格仔貼
by / on 11/07/2013 at 7:20 am

Bandai手機內褲第二彈 富士山配神秘格仔貼

Bandai之前3月份推出嘅iPhone內褲「SmartPants」大受歡迎,近排日本最hit話題係富士山成為「世界遺產」,呢條底褲仔都應一應節,推出第二彈,除咗富士山款式,仲有蕉仔同埋窩釘等款式,最特別係今次仲跟內褲送多一個「神秘格仔貼」,比你貼喺內褲嘅神秘地帶,嘻,即係Home掣呀!預計7月底開賣,照舊200円一條,一套七款,想買真係要去信和問吓相熟舖頭,或者叫去開日本嘅朋友幫手買,到時幫我買多份吖唔該。 

Read more ›
手機聽黑膠     創意玩法引DJ聽歌
by / on 02/07/2013 at 7:12 am

手機聽黑膠 創意玩法引DJ聽歌

如果有日你收到張黑膠碟會唔會好徬徨?點聽好?德國一間唱片公司Kontor Records為咗令自己寄出去嘅Demo音樂唔會石沉大海,於是將手機結合黑膠碟,設計咗一個特別手機程式,當DJ收到隻黑膠碟後,將隻碟放上同時收倒嘅紙製黑膠唱盤上,用QR Code掃描一下,再將手機放喺黑膠碟上, 手機就會變成黑膠唱盤嘅跳針!活動反應極好,成功令大部份人好奇開首歌嚟聽,當然,呢個做法所費不菲,不過集歌嘅質素都好重要,否則實無下次。

Read more ›

戒除毒癮   特殊酒杯迫你放低手機
by / on 21/06/2013 at 7:30 am

戒除毒癮 特殊酒杯迫你放低手機

相信你同我都試過,約班舊朋友出嚟飲酒,講唔夠兩句大家就拎部手機出嚟各有各玩,巴西酒吧Salve Jorge為咗令大家放低手機,特別自製咗一系列特殊酒杯,不規則嘅底部必須要墊住部手機喺底先可以固定隻杯,當然,你可以包拗頸一手拎杯一手拎電話繼續玩,咁我建議你不如返屋企約埋班朋友WhatsApp開個group chat傾計算數嘞。

Read more ›
新片速報 日本手機噴香味 隔空送玫瑰 搵你有味
by / on 20/05/2013 at 5:54 pm

新片速報 日本手機噴香味 隔空送玫瑰 搵你有味

奇特嘅產品越出越多,但呢個由日本ChatPerf推出嘅新產品,我覺得好實用,首先插喺耳機位再裝個app,你就可以set到有短訊Whatsapp佢就用香味嚟提你!送個俾女朋友,你仲可以隨時送花香味俾佢……iPhone 4版本會喺今年9月出,而Android版仲開發緊。繼續發展落去,就係打射擊遊戲可以聞到火藥味,打喪屍game聞到腐臭味,嘩!咁第時搭巴士港鐵,侵味咪好正?

Read more ›
【編輯Blog】Reika:大家真的需要3D手機嗎?
by / on 12/05/2013 at 5:54 pm

【編輯Blog】Reika:大家真的需要3D手機嗎?

最近《華爾街日報》報導,Amazon研發緊手機,其中一款仲會有裸視3D技術,我當堂嚇一跳,之後得啖笑。因為我對3D嘅容忍程度已經到達極限,點解?點解乜嘢都要加3D,乜大家真係覺得普羅大眾咁需要3D技術咩?

Read more ›
手機都戴condom   落雨天記得笠
by / on 28/04/2013 at 10:28 am

手機都戴condom 落雨天記得笠

估唔到電話都要用condom,呢個名唔係我哋亂改,而係佢嘅官方名,用途方面,防水防風沙,官方話,你永遠唔會知自己幾時要去沙漠騎駱駝、落雨天踩單車‥‥‥但係,如果呢啲情況,點解唔袋返部手機落褲袋?「Condoms for Smartphones」一包三個,仲可以重用,不過暫時只限iPhone 4/4S/5同埋S3呎吋,港幣約$120/三個,聲稱每個可以循環再用三次,呢方面勁過condom。

Read more ›
手機滑鼠巨型監獄   諷刺現代困局
by / on 23/04/2013 at 3:19 pm

手機滑鼠巨型監獄 諷刺現代困局

你呢一刻係拎住部手機,抑式按緊隻滑鼠?巴西設計師Felipe Luchi為雜誌《Go Outside》設計咗一輯相片,iPhone同滑鼠變成監獄,我哋呢啲日日與電腦為伍嘅現代人就身處其中走唔倒出嚟,係咪好感同身受?有無想喊嘅感覺?聽聞認真啲睇,會見倒逃出方法,但我搵唔倒,係咪代表我‥‥‥

Read more ›

MEDIAS W N-05E 日版雙芒手機兩日後開賣
by / on 17/04/2013 at 1:27 pm

MEDIAS W N-05E 日版雙芒手機兩日後開賣

鍾意追日系機嘅Fans注意, 嚟緊18號, NTT DoCoMo會推出雙屏版MEDIAS W N-05E, 其實此機出自NEC手筆, 最特別之處, 係佢採用摺合式雙芒設計, 未打開前只有4.3” (540X960), 打開後同尺寸同解像度屏幕會變多個出嚟, 從而整合成一估5.6”嘅大屏幕手機, 最方便之處係兩邊芒可以執行唔同程式, 甚至一邊放Tools、一邊開相執相都仲得, 系統行Android, 上台機價仍未有詳細發佈。  

Read more ›
新片速報 Android手機免費玩《食鬼》
by / on 26/03/2013 at 12:34 pm

新片速報 Android手機免費玩《食鬼》

Namco Bandai推出嘅手機《食鬼》遊戲,跟足Classic版之餘,仲加入網上聯賽,贏新Item同真實禮物,不過,如果要俾錢下載一隻咁舊嘅遊戲的話,我都未必制。不過唔使錢又另計喎!o依家呢隻遊戲就可以免費下載落Android手機玩,超筍,入嚟睇吓遊戲介紹片,係咪好懷念呢?

Read more ›
有片    測試酒精濃度   手機裝置唔駛吹波仔
by / on 18/03/2013 at 7:04 am

有片 測試酒精濃度 手機裝置唔駛吹波仔

雖然政府不停宣傳酒後駕駛禍害,每日依然有好多司機醉酒駕駛,呢種行為真係好不負責任。呢個Breathometer號稱全球第一款手機專用酒精測試器,裝喺iPhone頂,飲完酒後吹啖氣,應用程式會顯示你體內嘅酒精濃度,唔駛吹波仔都知自己適唔適合駕駛。今年春夏天發售,駕駛一族應該買返個傍身,不過都係嗰句,飲完酒就唔好駕駛啦!

Read more ›
貓奴必買 日本喵電話座
by / on 17/03/2013 at 11:40 am

貓奴必買 日本喵電話座

o依家我哋手上部手提電話,基本上用得最少嘅就係通話功能,Whatsapp啦、打機啦、睇片啦、聽歌啦,係唔鍾意用嚟打電話,亦都冇乜人會打電話俾我,係呀,情願打百幾二百字Whatsapp都唔願打個電話嚟講三分鐘。於是,電話座就好方便喇,因為你唔駛拎起部電話都可以睇到短訊上到facebook睇到片,呢隻日本新出嘅喵喵電話座,佢伸緊懶腰,好似話緊你生活好苦悶咁……賣924円,入嚟仲有幾款睇,好可愛。

Read more ›