fbpx

Tag: 手機架

超可愛日本「動物腳手機架」 Qualia扭蛋一式五款

超可愛日本「動物腳手機架」 Qualia扭蛋一式五款

好多人會喺手機背裝個鐵環,方便睇片時可以企起部手機。今次日本扭蛋公司Qualia直情加對腳俾佢,仲要係動物腳,超可愛!呢個動物造型嘅手機架一式五款,長度大約70mm,對應直立或者橫向,動物方面有鴨仔、狗仔、豬仔、貓仔同恐龍5款,今年4月推出,記住留意返!

Read more ›

新片速報     2015最新手機架     喵星人另類功能示範

新片速報 2015最新手機架 喵星人另類功能示範

呢款2015最新手機架,有埋保暖功能,無得換款,唔啱用亦無得退貨,而且只限貓奴擁有。最近有位貓奴喺YouTube上載咗呢段好閃嘅短片,佢隻貓好乖咁伏喺佢嘅肚腩上面,仲幫佢頂住部手機,最奇蹟係貓奴可以繼續篤芒玩game,喵星人都無彈開喵喵叫。之後喵星人仲將成個頭枕上手機頂,好幸福啊!(當然係指貓奴啦‥‥‥)

Read more ›
懸浮魔術手機架    Starbucks晒命專用

懸浮魔術手機架 Starbucks晒命專用

手機架出到厭,呢個懸空iPhone手機架有驚喜!佢睇落係一堆電線,其實可以當手機架用,仲有叉電功能,經過嘅人見倒你部電話識凌空升起,應該會走埋嚟搭訕問兩句,最啱喺Starbucks之類嘅公眾地方拎出嚟晒命。呢個叫Magic Phone Stand嘅魔術手機架,由西人John Stessel研發,而家喺Kickstarter集資中,反應好好,因為起步價$19美金就有交易,有黑白兩色任揀。至於點解可以做倒懸浮?睇嚟要買個返屋企研究吓先得!

Read more ›
夏日新裝   蘋果電話座提你食生果

夏日新裝 蘋果電話座提你食生果

之前介紹過漢堡飽、壽司等食物嘅電話座,夏天嚟到,梗係買啲鮮色fresh啲嘅食物醒神吓啦,呢個蘋果電話座唔會生锈變色,仲可以提醒你係時候食多啲水果,過返啲健康生活。我仲留意倒蘋果中間個芯少咗粒核,究竟係專登,都係影相時唔覺意跌咗出嚟?唔係咁化學啩?

Read more ›