好可愛呀，唔知大家之前有無見過？有日本網民分享咗呢兩張圖，只要將3隻手指頭夾實，再畫多對眼、一個嘴仔，就變成「麵包超人」嘞，仲要係用BB嘅手仔，好可愛！好想即刻試吓。

之前日本有幾隻專抓爛紙門嘅喵，仲紅到出書，其實鍾意搞事嘅又點止佢哋？日本有網民分享咗段片，有個小妹妹用手不停篤篤篤，搞到個紙門全部都係窿，本來係好嬲嘅，不過見到小妹妹個天真可愛嘅笑容‥‥‥又的確好難嬲得落。段片喺Twitter已經過咗300萬瀏覽，樓主話每次當佢好嬲時就會睇呢段片，似乎有治癒效果，鍾意小朋友嘅可以save底備用。

專出古怪玩具嘅Megahouse最近有新嘢出，平時機舖練打拳力度嘅遊戲機見得多，呢個特別啲，專門練手指彈擊力嘅，名為「デコピンパンチキング」，仲跟埋數值咭，可以同朋友對戰，或者跟返咭上嘅數字彈出一樣嘅力度號碼，啱晒開party玩，日本預計10月底發售，賣3980円。

車展入面好多show girl都會用手指砌出品牌logo，咁Suzuki個S字可以點砌？有日本網民分享咗相片，睇見都覺得好複雜，手指肯定會打結，而其中一個東京車展show girl都現身，話要對住塊鏡練好耐，仲拍埋片分享。之後其他網民分享埋唔同車廠嘅show girl用手指砌logo嘅相，好可愛，好豐富，入嚟有得睇。

喺網站Etsy經常會搵到正嘢，最近見到呢款爛手指蠟燭，個概念好正，5隻手指都可以點火，然後流出嚟熔咗嘅紅色蠟就好似鮮血咁，用嚟萬聖節或者愚人節整蠱人啱晒。燒完之後仲會變成一隻白骨手，好細緻。BTW，返到屋企見到咁嘅情景都幾恐怖。

試過用手指喺iPhone或者iPad畫嘢都知，準確度麻麻哋，無辦法啦，隻手指頭又肥又圓。除咗買專用筆之外，原來仲有方法嘅！有日本網民發現只要喺手指甲上面畫個十字，之後喺芒上面畫線條甚至畫圖形都話咁易，睇落好方便，快啲試吓啦！

《銀河守護隊2》嘅小樹人真係超可愛，台灣品牌infoThink最近公佈咗兩款小樹人產品 – USB手指同枱燈。USB手指得意在於個USB收埋咗喺小樹人個頭度，要用就要拔出嚟嘞，USB上面仲有粒發緊芽嘅小幼苗，超萌。至於LED枱燈賣點係可以智能感應，隻手喺旁邊郁動就可以調節光度，好似同小樹人溝通緊咁。價錢方面，USB手指8BG賣台幣$490元，枱燈賣台幣$990，唔算貴，佢哋仲有推出其他《銀河守護隊2》嘅精品，入嚟有得慢慢睇。

好耐無介紹過3D畫，不過呢位意大利藝術家Alessandro Diddi嘅作品的確係勁嘅。所需工具只係一支筆再加少少想像力，有時會加自己對手或者一支水做道具。我最鐘意係金魚嗰張，入嚟有得睇多啲。

我知，喺我哋心目中，冇人可以代替到鷹哥嘅地位，但呢位日本大學生隻手指，真係隨時勁過神之手。佢早幾日就破咗健力氏世界紀錄，1分鐘內撻手指撻咗296次，即係1秒鐘差唔多撻5次？你同我都撻過手指，真係睇見都攰喎，所以喺片中佢撻得好忘我好盡力…….之後，最新佢又拍咗條片，就係用撻手指演奏星野源首〈恋〉，嗰份投入感，並唔係常人可以理解嘅。  

最怕手指整親要貼藥水膠布，因為永遠貼得唔好，個頂好似皺埋一團咁好肉酸。日本有網民分享咗個小秘技後喺Twitter熱傳，原來只要喺膠布嘅兩邊剪一刀，之後打個交叉，睇落唔難，包出嚟仲幾靚！下次整親記住試吓嘞。

好核突！但無可否認係好像真嘅。住喺德國嘅設計師Nadja Buttendorf好與眾不同，佢設計嘅耳環係一隻耳仔，可以扣上真耳下面，等你每邊有兩隻耳。隻耳仔用silicone製作，像真度極高，仲有34種膚色，確保戴上耳仔後同真嘅一樣。另外佢都有戒指，上面係一隻手指，戴起佢就變成有6隻手指，好詭異！網站仲有GIF圖，嚇死人咩？

作為貓奴，有乜開心得過屋企隻喵星人同自己玩手指？呢位幸運貓奴放咗段曬命片上Twitter，即時吸引好多人RT。睇片分唔出究竟隻喵星人係咬緊定舔緊佢隻手指，只係知佢好肉緊，越攬越實，好似隻手指係佢嘅玩具咁，仲咬到瞇晒眼，超可愛！

片中被人整蠱嘅大隻佬，真係中晒我老死問嘅一個問題：「一般嚟講，豬係點死架？」答案係──蠢死呀。點蠢法？話說木匠滴假血、就啱擺位，扮畀鐵釘連住木塊釘實左手手指，呼喚大隻佬幫手解窘，大隻佬初頭都唔知點搞好，木匠用左手指指點點，叫佢嘗試用鐵夾扯番口釘出嚟。睇到問題係邊未？無錯，就係用番「左手」嚟「指指點點」，左手手指既釘實喺木頭，又如做到呢個動作呢？大隻佬又真係聽晒佢話，連續俾人Fake咗兩次先知俾人玩，睇嚟唔只豬，人都會蠢死……

細個以為狗先會周圍聞嘢，大個咗先發現喵星人個鼻都好靈敏，而且好鍾意周圍聞，特別係對住手指指嘅手指。日本呢排好多貓奴狂試，只要伸出你隻手指指住喵星人，佢哋就會自自然然行近你，甚至搵塊臉刷吓你，萬試萬寧。最強嗰位貓奴一次過連篤屋企5隻貓，全部都中招嗲到暈。不過都有例外嘅，睇最尾段片就明。

成日用手指篤手機捽芒，有時啲手指都會痺痺哋。日本TAKARATOMY就推出呢款專門訓練手指嘅扭蛋「T-ARTS ユビ・アップ -Training-」。好似健身器材咁，有啞鈴、拉筋機合共5款，不過就變晒迷你版，專門用嚟鍛鍊手指肌肉，雖然實用性成疑 (官方都戴定頭盔話效果因人而異)，不過睇落又真係幾好玩，買嚟送比低頭族朋友最啱。