Post Tagged with: "戴慶賢"

網圖分享:戴慶賢畫李小龍
by / on 01/05/2020 at 2:45 pm

網圖分享:戴慶賢畫李小龍

戴慶賢又露兩手喇,今次畫嘅係《死亡遊戲》李小龍,神髓出晒嚟,靚到可以Save低佢做Wallpaper,曱搓~~,有聲Post就係呢隻喇。

Read more ›

網圖分享:戴慶賢畫《Kill Bill》栗山千明
by / on 16/04/2020 at 9:15 pm

網圖分享:戴慶賢畫《Kill Bill》栗山千明

仲記唔記得《Kill Bill》裡面嘅日本校服女殺手?揸鏈球血滴子嗰個栗山千明呢?倔住你恨不得撕開你兩邊嗰個兇惡表情,令人非常心寒,至今難忘。戴慶賢剛剛出手,畫咗幅《Kill Bill》栗山千明,畫到成幅電影海邊咁,好靚呀喂,絕讚!

Read more ›
網圖分享:戴慶賢呼籲戴好口罩
by / on 31/03/2020 at 2:30 pm

網圖分享:戴慶賢呼籲戴好口罩

瘟疫唔知幾時完,最有效抗疫方法就係做好自己,避免中招再傳染畀其他人。香港人喺呢方面算做得幾好,目測九成九香港人都肯乖乖戴口罩,但總有人例外。戴慶賢呢幅四格漫畫道出我心聲──奇怪!真係好奇怪!戴罩唔過鼻、拉低罩飲嘢Loop電話、篤穿個罩方便煲煙,咪即係戴咗等於無戴囉。大家乖啦,同心抗疫要先做好自己,做好自己先可以減低醫護壓力呀。

Read more ›
網圖分享:戴慶賢的橋本環奈
by / on 06/11/2019 at 9:30 am

網圖分享:戴慶賢的橋本環奈

資深港漫人戴慶賢手畫,不嬲都係我杯茶。佢久唔久就露兩手,將自己大作放上面書公諸同好。最新,有呢幅似到十足嘅橋本環奈,咁我又八卦啦,又有啲想挑戰自己喇,所以就試吓喺茫茫網海搵相,睇吓戴慶賢係照住邊幅橋本環奈相片臨摹,我估喺呢幅,唔知有無估錯?

Read more ›
戴慶賢+Fai Cheng=《地藏》海報
by / on 16/07/2019 at 11:15 pm

戴慶賢+Fai Cheng=《地藏》海報

之前報導過朱飛揚將會喺今年動漫節推出小說《地藏》,由梁偉家繪畫封面同插圖,小說暫時就未有得睇住,但靚靚海報卻可以先睹為快。好高質架,直達港漫封面水準,海報由戴慶賢繪畫,Fai Cheng負責書名Logo,話霸氣十足都不為過。

Read more ›
過大海撐戴慶賢 首個個展《異想世界》
by / on 08/08/2018 at 3:12 pm

過大海撐戴慶賢 首個個展《異想世界》

戴慶賢手畫有幾勁,唔使多介紹,佢將會舉辦首個個人畫展《異想世界》,不過地點喺澳門教科文大心。佢喺面書留言話:「澳門居住的朋友,請多多支持!」無錯係山長水遠咗啲,但查實唔止澳門人,香港人都好應該支持吓,有時間嘅,搭程船撐吓場啦喂,期待快快喺香港搞番次個展。

Read more ›

戴慶賢《秘密武器》角色實體化 只限十套睇咗當買咗
by / on 29/05/2018 at 10:45 pm

戴慶賢《秘密武器》角色實體化 只限十套睇咗當買咗

正呀呵?戴慶賢《秘密武器》角色實體化,超限量人手上色,不過呢,只限十套,兼且已經售罄。而網友Tommy Lin兄喺面書有咁嘅留言:「手快有!手慢唔知有冇!漫畫角色,實體化!正斗!」仲附拆盒相片一大張,斷估佢有份擁有嘞。呢鋪真係唔恨得咁多,惟有睇咗當買咗喇。話時話,戴慶賢有無考慮過量產呢?

Read more ›
有著數!早訂《新著鐵拐俠盜》送Postcard!
by / on 14/07/2017 at 10:00 am

有著數!早訂《新著鐵拐俠盜》送Postcard!

鍾意睇小說嘅,今年書展可以留意吓《新著鐵枴俠盜》,係戴慶賢Fans嘅,都可以留意吓《新著鐵枴俠盜》,因為此書定位為漫畫x小說,小說部份由阿生撰寫,漫畫則由戴慶賢負責,文字好唔好睇真係唔知,戴慶賢手筆就一定啱睇。每本$168,早買有著數,依家向「尋回‧漫畫檔」預訂,即送一套10張Postcard,手快有手快無。

Read more ›
抵到爛!$10一幅畫板!《10大名家傲畫集Boxset》唔買唔得!
by / on 10/12/2015 at 10:30 am

抵到爛!$10一幅畫板!《10大名家傲畫集Boxset》唔買唔得!

利申!本網站真係無收錢賣廣告,但乘住「邱福龍x黑漫畫漫想世界」展覽推出嘅《10大名家傲畫集Boxset》真係唔買唔得。原因有二,一,印象中,無一本畫集可以Gather到十個港漫人一齊參與,《10大名家傲畫集Boxset》就有齊邱福龍、馮志明、張萬有、梁偉家、葉明發、廖光祖、馬遜、梁瑋豪、戴慶賢同鄧達軒Total十人稿件;二,Boxset包42幅畫板,全部重新創作絕非舊作翻印,而價錢係$420,即係每幅畫板$10,$10呀大佬,仲唔係抵到爛?Boxset分限量50盒會場版同200盒展覽紀念版,價錢一樣,仲唔快快搶?

Read more ›
撐港漫 撐《有限人生無限愛》漫畫精品紀念Boxset
by / on 06/11/2015 at 10:00 pm

撐港漫 撐《有限人生無限愛》漫畫精品紀念Boxset

利申,呢套《有限人生無限愛》我都無睇,無計,唔講大話,齋睇戲名都覺得Old school,好難激得起入場意欲。但但但但但,真心畀足五個但,As一個港漫忠實讀者,呢套《有限人生無限愛》漫畫精品紀念Boxset,我覺得有必要撐,每套盛惠$688。係,六舊幾水感覺係有啲貴,不過Boxset內容著實豐富,淨係文嘉宏張漫畫版海報、廖光祖+梁偉家+司徒劍僑+戴慶賢繪製嘅演員肖像漫畫卡同邱福龍+鄭健和繪製嘅圖案卡,已經值回票價,我話嘅!

Read more ›
《黑漫畫4》12月17日見街 老馮+福龍〈霸刀戰無極〉
by / on 03/11/2015 at 9:00 am

《黑漫畫4》12月17日見街 老馮+福龍〈霸刀戰無極〉

嘩,咁快手快腳,即係好賣喇!《黑漫畫3》都未翻睇第二次,話咁快就有《黑漫畫4》封面睇咯,封面依舊由福龍操刀,依舊係齋買封面都抵嗰隻。下期《黑漫畫4》主題係「再見英雄」,除張萬有、葉明發、梁偉家、廖光祖、戴慶賢、鄧達軒同馬遜外,內文故事有霸刀20周年頭砲〈霸刀戰無極〉,由老馮負責主編同起稿,福龍客串,如此陣容,諗吓都覺得熱血沸騰呀。有乜特別版暫時未知,淨係知鐵定12月17日見街,一億個拭目以待呀。

Read more ›

做善事搵偶像簽名  撐《有限人生無限愛》港漫特別場
by / on 07/10/2015 at 9:45 am

做善事搵偶像簽名 撐《有限人生無限愛》港漫特別場

先介紹慈善舞台劇《有限人生無限愛》,聽劇名都估到屬洗滌心靈一類嘅劇目,主旨係「傷健一家親」,希望喚醒香港人對殘疾人士多啲關懷、多啲愛心、多啲互助,令社會多啲正能量。舞台劇分三場,第二場屬「港漫特別場」,屆時邱福龍、馮志明、鄭健和、何志文、司徒劍僑、曹志豪、葉偉青、文嘉宏、梁偉家、廖光祖、戴慶賢同余均偉等港漫人會出席,斷估合照留念簽名無詐型。為此邱福龍、鄭健和同文嘉宏仲等登創作咗廣告海報宣傳,據聞現場仲會有精品發售,既可以一睹偶像風采,又可以積福做善事,不妨考慮捧吓場喎。

Read more ›
2015香港漫畫Show 六大紙板公仔任影
by / on 01/07/2015 at 3:00 pm

2015香港漫畫Show 六大紙板公仔任影

本人就好期待呢個禮拜六嘅2015香港漫畫Show嘞,唔知大家到時會唔會捧場呢?報多單料畀大家知,到時展場會展出六個紙板公仔,包括牛佬嘅陳浩南、馮志明嘅霸刀、梁偉家嘅天師、邱福龍嘅赤殺王、黃玉郎嘅勝公子同戴慶賢嘅《秘密武器》,全部1:1真人身高,記得影番幅靚相擺上面書威威。

Read more ›
梁偉家封面版《黑漫畫》 香港漫畫Show率先發售
by / on 24/06/2015 at 7:00 pm

梁偉家封面版《黑漫畫》 香港漫畫Show率先發售

集合邱福龍、鄭健和、馮志明、梁偉家、鄧達軒、戴慶賢同廖光祖六大主筆成一書嘅《黑漫畫》,鐵定7月4日喺西九龍中心舉辦嘅香港漫畫Show率先發售,全書64頁,限量500本,附送抽獎卡一大張,每本$38。暫時有梁偉家封面版創刊號率先流出,但唔知點解封面一出,即時惹嚟好多網民負評,呢個話封面唔吸引,嗰個又話封面無焦點,仲話如果本書唔賣得,梁偉家要負全責云云。嘩,使唔使講到咁嚴重呀,連內容都睇就判人死刑,好唔公道啫。我就覺得個封面幾靚仔嘞,家家唔使驚,大把人撐你呀。

Read more ›
網圖分享:港漫人同大家拜年
by / on 21/02/2015 at 3:00 pm

網圖分享:港漫人同大家拜年

  今日大年初三,不宜拜年,唔出街就留番喺屋企上網喇。每逢大時大節,港漫人都習慣過過手癮出賀圖,今年都唔例外,個人認為文嘉宏嗰幅賀圖最靚,唔知大家又點睇?唔阻大家喇,睇畫喇……

Read more ›