Tag: 戰鬥民族

俄羅斯「戰鬥民族」喵星人 無懼嚴寒雪地狂奔

俄羅斯「戰鬥民族」喵星人 無懼嚴寒雪地狂奔

戰鬥民族俄羅斯嘅貓,果然夠晒強悍。呢隻叫Ginger嘅貓貓,住喺俄羅斯,之前係流浪貓,之後俾人類收養咗,但佢不改野性,好鍾意出街玩,特別係落雪嘅時候好鍾意喺雪地奔馳,完全唔怕凍,你睇佢身貼雪地向前衝嘅英姿?雖然塊臉圓圓哋個身肥肥哋,但都感覺到佢心入面嘅霸氣,同之前日本嗰啲一出露台就凍到走返入屋嘅貓完全唔同呀!鍾意Ginger嘅可以follow埋佢IG,入嚟有link。

Read more ›

【圖集】日本網民熱烈討論 俄羅斯超多靚女

喺日本2ch討論區有個話題講極都唔厭,就係討論俄羅斯嘅靚女。最近又有人開咗個post喺2ch討論,話俄羅斯女仔真係好多靚女,之後有大量貼圖,又引嚟大量人留言。最主要都係關注佢哋會唔會好快劣化,同埋好想移民去俄羅斯之類。其中最受歡迎嘅都係23歲日俄混血靚女Katya Lischina,可能你之前都見過,不過靚嘢睇幾多次都唔會厭嘅。

Read more ›

【新片速報】驚險!喵星人窗外行鋼線 戰鬥民族男人勇救曳喵

好驚險!喵星人好曳經常亂走玩命,之前都有唔少新聞講佢哋爬上樹、屋頂之類又落唔返嚟,最後要人類出動拯救。最近呢隻喺俄羅斯嘅喵星人又曳豬爬咗出去窗外曬衫位,果度得幾條繩托住,危險程度同走鋼線無分別,有兩個喺下層嘅俄羅斯男人就好好心,拎咗張毯加支棍進行拯救行動,睇片見佢哋篤吓篤吓,加埋隻貓貓嘅慘叫,真係睇到心驚膽跳!好彩最終行動成功,不過講真,作為負責任嘅貓奴,真係一定要裝!窗!網!喵星人唔係真係有9條命架!BTW,戰鬥民族嘅男人原來都有溫柔嘅一面。

Read more ›

【神級】有片 戰鬥民族鉛筆雕刻家 《星戰》尤達/黑武士超像真

一山還有一山高,早幾日介紹嘅鉛筆雕刻家Jasenko Đorđević已經好勁,估唔到呢位來自戰鬥民族俄羅斯嘅Salavat Fidai仲強。戰鬥民族揸刀叻唔出奇,但揸把咁細嘅刀仔配合埋咁細緻嘅雕功,我諗喺俄羅斯都係極少數。佢嘅作品包括《星戰》嘅尤達大師、黑武士,Wall E、Batman、恐龍、骷髏頭、槍械、建築物‥‥‥題材好廣,入嚟有得睇埋佢雕刻過程嘅片,好震憾,原來要挑空一個心形真係一啲都唔易!

Read more ›

我好想入伍!戰鬥民族軍事靚女圖集 最愛含笑揸槍

個人認為玩war game嘅女仔特別吸引,尤其是著晒一身迷彩服。如果有埋呢位俄國戰鬥民族女生嘅靚樣,真係無得輸。網上見倒呢位叫Elena Deligioz嘅靚女,好鍾意著迷彩,仲好熟槍械,原來佢爸爸係軍官,由細見到大,難怪咁勇猛。睇見佢拎起支槍瞄準嗰樣,相信好多人想遞表格當兵,甚至做炮灰。

Read more ›

戰鬥民族反轉間屋 新興景點遊客必到

估唔到戰鬥民族都興玩呢啲,呢間倒轉咗嘅屋喺俄羅斯嘅Krasnoyarsk,主要用嚟招呼遊客。呢個新興景點唔止成間屋倒轉咗,入到去所有傢俬都係倒轉嘅,睇相見到似乎幾得意,仲好啱影相放上FB呃like,不過望多兩望我有少少頭暈,係咪耳水不平衡?

Read more ›

戰鬥民族警察放肆 煲煙攬女隊啤乜乜乜

貴為戰鬥民族,俄羅斯的確經常比到驚喜大家。香港警察著住制服自拍放上網都會被審,俄羅斯呢?返工時間煲煙、攬女、隊啤、玩手機甚至打車輪乜乜乜,睇完你會覺得,喺俄羅斯做警察都幾好喎。BTW,頂住個大肚腩甚至睇落5呎唔夠嘅都可以做警察?幻覺嚟唧嚇我唔倒嘅。

Read more ›

有片 俄羅斯銀行計利息 跑得越多賺得越多

戰鬥民族嘅思考模式的確唔同啲。俄羅斯最近有間銀行Alfa-Bank,利息嘅高低視乎存款者做運動嘅次數。即係話越做得多運動,就可以得到越高嘅存款利息。要check住你有無作弊,就要靠健身app例如RunKeeper、Fitbit或者Jawbone UP,再配合埋佢哋自己研發嘅Activity網上平台,不過戰鬥民族鬥志咁旺盛,要得到最高嘅年利率6%應該無難度。

Read more ›

俄羅斯3D畫展 好玩得最啱舖上FB呃like

3D畫我好鐘意睇,呢個3D展好吸引,全部作品都係出自俄羅斯戰鬥民族藝術家Brain Smash之手,好哋哋一個相框,入面嘅狗仔好似衝出嚟咁款,像真度嚇人,最正係旁邊有埋位置比你企入去影相,放上facebook呃like一流。咁多張我最鐘意係同Iron Man對打嗰幅3D漫畫,其實唔算好3D,不過我鐘意Iron Man無計。

Read more ›

新片速報 戰鬥民族大打出手 暴力鎮壓同性戀者

戰鬥民族強悍一向有聽聞,不過今次因為同性戀問題而大打出手,就有啲令人睇唔過眼。話說俄羅斯索契冬季奧運會喺本港時間星期六凌晨晨揭幕,越來越多國內問題亦陸續浮面,日前當地人權組織放咗一段影片上網,見倒一名同性戀者當街當巷被打,據知奧運迫近,官方亦默許打壓當地同性戀者,而同性戀遊行亦已經被政府明文禁止。睇返近兩年嘅相片,大量同性戀者遊行時都被打至頭破血流,戰鬥民族真係極之好勇鬥恨。

Read more ›

有片 戰鬥民族吊臂點煙超霸氣

勁!戰鬥民族真係唔講得少,閒閒哋點支煙都超霸氣!呢條俄文標題嘅YouTube影片,片中男士坐喺一片頹桓敗瓦嘅地盤內,擔起支煙,點知發覺無火,於是佢大嗌一聲講咗堆我聽唔明嘅嘢,突然一架吊臂出現喺佢面前,其中一截仲要著住火,之後佢輕輕湊埋佢點起支煙,呢啲咪型囉!

Read more ›

新片速報 戰鬥民族徒手玩火

戰鬥民族真係特別強悍,呢條短片見倒個俄國後生仔徒手玩火,將啲易燃物體(唔知係咪佢哋最鐘意嘅Vodka?)淋喺地面,一隻手掂落地下,另一隻手揸住條相信係接駁咗電源嘅電線,「伏」一聲即刻著火,睇見都痛,千祈唔好係屋企試,戰鬥民族嘅嘢我哋平常人做唔嚟。

Read more ›