fbpx

Tag: 戰神

哭了!《新著龍虎門》蚩尤慘成人體奧妙展標本!

哭了!《新著龍虎門》蚩尤慘成人體奧妙展標本!

每周翻睇同一期港漫呢個習慣已經搣甩咗N年,很難得地,我翻睇咗今期第1096期《新著龍虎門》兩次,而最尾嗰兩三頁,我仲睇完又睇再三睇添。蚩尤,喺舊著《龍虎門》呼風喚雨嘅一代戰神,真的死了,死後,他被編劇們安排參加了人體奧妙展,卻以死人標本身份參與。死一個重要角色谷書,無問題;為塑造白朗成為陳傲雲2.0而無厘頭地夾硬整死一個重要角色,先係問題所在,因為白朗同蚩尤根本就無仇無怨。Fine,就當呢個都唔係問題,都唔使搞到蚩尤死得咁難睇啩,盲眼斷手都未夠,仲要斷頭,斷頭都未夠,仲要四肢全斷,四肢全斷都未夠,仲要剝皮!石黑龍抱住嘅居然係一幅蚩尤人皮!使唔使去到咁癲呀?我認我老土,我認我「唔接受新事物包括新橋段新表達手法」,我真係接受唔到《新著龍虎門》搞成咁……蚩尤,一路好走,我會永遠掛念你的。

Read more ›

有片:超熱血!Allen Iverson最強40金球!

有片:超熱血!Allen Iverson最強40金球!

將Allen Iverson最強40金球剪輯成一條12分15秒影片,係好長,但請你相信我,只要開咗個頭,你一定會乖乖睇到尾。綽號「戰神」嘅佢實在太勁,喺高佢個幾頭嘅籃球員頭頂入樽、超高難度拆你屋、No look pass、三分球絕殺、Crossover接急停跳射、騰空第二甚至第三時間勾手、超強彈跳力封截、喺罰球線跳起搶贏再射入進攻籃板……真係瓣瓣有,連籃球之神Michael Jordan都Mark佢唔掂,尤其佩服佢嗰份全情投入同打不死拼搏精神,撻生魚式偷波、喺巨人陣之中剷籃……好熱血呀!唔,天氣雖然好熱,但我決定聽晚落街打籃球。

Read more ›
有片:《古惑仔回憶錄3》戰神輓歌 太子的一生

有片:《古惑仔回憶錄3》戰神輓歌 太子的一生

食老本唔係罪,讀者如我最鍾意吹公仔書經,牛佬醒,久唔久就出片Recall吓讀者回憶,今次《古惑仔回憶錄3》講洪興戰神太子,短短一百幾十字「曾經有一位戰神,在香港黑道呼風喚雨,為亡友,押下所有與敵人開戰,甚至與龍頭抗衡;為兄弟,可拋下妻兒,犧牲性命。這個位高權重的江湖大佬,卻對武學迷戀非常,與其說他是一位江湖人,倒不如說他是一位武學宗師……讓我們回顧一下這位英雄光輝的一生,向這位對武學孜孜不倦的巨人──太子致敬。」總括呢個尖東揸Fit人一生,睇番,真係好欷歔呀,如果太子仲在生,你話幾好呢?

Read more ›
《God of War》戰神Fear Kratos胸像   黑色版超霸氣

《God of War》戰神Fear Kratos胸像 黑色版超霸氣

幾時先公佈PS4推出《God of War 4》?傳咗好耐但係影都唔見,不過另一邊廂就不停推出Kratos戰神胸像。Gaming Heads繼年頭推出嘅普通版1:1胸像之後,啱啱又宣佈推出Fear Kratos版嘅1:1胸像,今次戰神Kratos用咗第3集嘅黑暗版,全身黑漆漆,戰鬥力乘4倍,高28英吋,放喺屋企極具霸氣。官網開放預訂,限量100個,預計今年第四季推出,開價美金599.99,港幣$4500左右,唔平,但我想玩《God of War 4》多啲喎!

Read more ›