fbpx

Tag: 戒指

測試真愛 日本扭蛋「飯團求婚戒指」第三彈

測試真愛 日本扭蛋「飯團求婚戒指」第三彈

又係測試真愛嘅時候,日本奇譚又推出呢個食物戒指扭蛋系列,今次嚟到第三彈,一共有五款,全部都用圓形飯團戒指盒裝住,材料包括明太子王子、蔥吞拿魚茸、烤鯖魚同埋野菜。豚角煮個飯團盒仲係啡色O添,好有心思,下年3月推出,有無死士想試吓用嚟求婚?

Read more ›

日本Twitter熱傳 超可愛Pokemon百變怪戒指

日本Twitter熱傳 超可愛Pokemon百變怪戒指

《Pokemon》入面嘅メタモン(百變怪)有唔少人鍾意,最近Twitter就熱傳新宿LUMINE嘅6F店舖有得買嘅戒指,2900円,仲可以搭配埋不同嘅花花戒指,等百變怪可以安心匿埋,好多女網民留言讚超靚超可愛,去開日本記住去睇吓。

Read more ›
日本網民自製罐頭戒指   物輕情意重Twitter熱傳

日本網民自製罐頭戒指 物輕情意重Twitter熱傳

之前日本食品公司「マルハニチロ」出過款罐頭設計嘅戒指,好多日本網民談論,最近有日本網民就自製咗呢隻罐中罐嘅戒指,睇落好大膽好新穎,網民仲大讚佢係天才級嘅發明,不過女朋友鍾唔鍾意就好難講‥‥‥‥

Read more ›
日本古怪戒指扭蛋 飯團內藏魚籽戒指

日本古怪戒指扭蛋 飯團內藏魚籽戒指

之前都有介紹過,最近終於推出嘞。呢款表面係飯團,打開其實收埋咗隻戒指嘅扭蛋,最近有日本網民去咗扭,10部機排開好有氣勢,樓主仲扭到明太子同埋燒三文魚,去開日本嘅朋友可以試吓,我最想要三文魚籽。

Read more ›
日本「飯團求婚戒指」扭蛋      誠徵勇士死亡測試

日本「飯團求婚戒指」扭蛋 誠徵勇士死亡測試

又係奇譚嘅扭蛋,今次呢款好驚喜,表面睇係一個飯團,打開原來收埋一隻求婚戒指,係咪好驚喜?好感動先?戒指總共有5個款式,包括燒鮭魚、梅干、明太子、魚籽同埋昆布芝麻,其中又以魚籽睇落最矜貴,啱晒吃貨女友,有無死士夠膽挑戰吓用佢嚟求婚?預計9月發售,而家籌備定啱啱好。

Read more ›
【崩壞】日本少女夢幻戒指   戴起變Thanos「無限手套」

【崩壞】日本少女夢幻戒指 戴起變Thanos「無限手套」

係,本來呢套戒指係好多少女嘅夢想,戴咗佢就遙身一變成為可愛嘅動畫少女。不過由於復仇者嘅威力太強,而家戴咗佢,只會令人諗起Thanos嘅「無限手套」‥‥‥日本仲有小朋友親身試咗,快啲撻手指!

Read more ›

【新片速報】結婚典禮「黑柴」運送戒指 超可愛Twitter熱傳

【新片速報】結婚典禮「黑柴」運送戒指 超可愛Twitter熱傳

爸爸媽媽結婚,做仔女嘅點可以無啲表示?呢段片喺日本Twitter熱傳,婚禮度門打開門,原來入嚟嗰個係隻黑柴!佢仲好聰明咁將隻結婚戒指送到入會場,睇得出佢有啲緊張,不過最後都成功完成任務,好叻仔!入嚟有片睇。

Read more ›
超細緻異形頭戒指 反晒光夠招搖

超細緻異形頭戒指 反晒光夠招搖

「TorchTorch」出品,將異形頭戴上手……指,一式三款有銀(54,000円)、黑鍍銀(54,000円)同白金(1,296,000円),有四個Size選擇,戴出街肯肯定好招搖。睇相都見反晒光,造工超細緻,《異形》迷一定Like,我唔算超迷《異形》都有啲心郁。

Read more ›
結婚都要出動精靈球   打開內藏一對結緍戒指

結婚都要出動精靈球 打開內藏一對結緍戒指

可能鍾意比卡超嘅都開始到適婚年齡,繼早前比卡超同日本婚嫁雜誌《Zexy》推出結婚證書之後,仲有呢個精靈球戒指盒連戒指。打開個精靈球,入面就裝住一對婚戒,一對圖案仲可以合埋。淘寶有得代訂呢個盒,另外想買Pokemon婚介可以上ebay搵U-TREASURE,都有好多選擇。

Read more ›
日本女士求婚專用套裝 自備戒指仲有「回郵信封」

日本女士求婚專用套裝 自備戒指仲有「回郵信封」

求婚通常都係男士做,不過日本有公司就好有創意,出咗個產品專俾心急女士求婚用嘅套裝。入面包括一隻戒指同一封求婚信,入面有埋官方建議嘅書信內容可以抄考。寫好晒就可以寫埋男方嘅地址然後寄出。如果男方接受嘅話,入面會建議佢拎住隻戒指直接去搵個女仔求婚。不過唔好彩男方唔想結嘅話,封信入面都有個「回郵信封」,將隻戒指放返入去就會寄返去嗰間公司,為免女方難受,公司會收返隻戒指,然後寄條鑽石項鍊俾女方,好窩心。咁最唔好彩應該係男方收咗隻戒指然後走佬嘞,不過唔駛驚,呢個套裝售價只係1萬円,即係港幣700蚊左右,少少錢就可以試到對方人格,其實好抵。

Read more ›
【多一隻耳】超像真耳環34款膚色任揀   仲有手指戒指

【多一隻耳】超像真耳環34款膚色任揀 仲有手指戒指

好核突!但無可否認係好像真嘅。住喺德國嘅設計師Nadja Buttendorf好與眾不同,佢設計嘅耳環係一隻耳仔,可以扣上真耳下面,等你每邊有兩隻耳。隻耳仔用silicone製作,像真度極高,仲有34種膚色,確保戴上耳仔後同真嘅一樣。另外佢都有戒指,上面係一隻手指,戴起佢就變成有6隻手指,好詭異!網站仲有GIF圖,嚇死人咩?

Read more ›

使唔使咁型 Hello Kitty x Jam Home Made骷髏頭頸鏈+戒指

使唔使咁型 Hello Kitty x Jam Home Made骷髏頭頸鏈+戒指

好難想像Hello Kitty可以同骷髏頭聯乘埋一齊,不過其實呢隻無嘴貓近年都好濫……估唔到嘅係替骷髏頭貼番個平平無奇嘅大紅蝴蝶結,出嚟嘅效果可以幾有型。日本銀器潮版Jam Home Made出品,戒指每隻29,000日圓,頸鏈每條16,000日圓,就嚟情人節,買畀女朋友或者男朋友或者自己,點睇?

Read more ›
訂造《Falcon》戒指 富貴款任鑲鑽石

訂造《Falcon》戒指 富貴款任鑲鑽石

之前出過Star Wars戒指嘅Paul Michael Design最近又有新作,今次玩嘅係《Falcon》,又係繼續出戒指,不過呢隻係貴嘢,有鑽石有寶石,全人手製,大家好想知嘅價錢方面,會視乎選嘅材料而定,戒指有黑、銀、金三款式,起跳價都要美金$995,即係港幣7千,好似我呢啲平民諗都唔駛諗。

Read more ›
醒神早餐戒指    齋睇唔食得

醒神早餐戒指 齋睇唔食得

粟米沙律、熱香餅、太陽蛋‥‥‥今朝早餐你食咗咩?可惜呢堆咁好味嘅早餐唔放得入口,只可以戴喺手。喺Etsy網站有得賣嘅食物戒指,外形幾像真,店名係CaseyTheCrafter,店主都幾靚女,每隻戒指賣港幣$128起。睇真啲仲有生蠔、帶子!噢,打打吓字都流口水!

Read more ›
LEGO戒指 任砌個性Pattern

LEGO戒指 任砌個性Pattern

敢問閣下係乜嘢人!? LEGO? PSV? iPad? 係就啱喇! FORMA Laboratory有位COVO設計師, 出咗多款戒指, 完完全全表現到你個性同奔放一面, 不過個人覺得, 隻純銀做嘅LEGO Brick Ring形像非常百變, 你砌乜嘢上去, 就代表度你乜嘢性格, 你睇! 啱啱兩格、連LEGO人仔都坐上去都得, 唔知呢排旺角街邊熱賣啲LEGO人仔啱唔啱擺呢?

Read more ›