Post Tagged with: "成功上樓"

【成功上樓】流浪喵星人進駐英國白宮 幫財政部捉老鼠
by / on 31/07/2016 at 7:13 am

【成功上樓】流浪喵星人進駐英國白宮 幫財政部捉老鼠

又有喵星人成功上樓!不過今次呢隻勁啲,佢由流浪貓成功進駐英國白宮,成為英國財政部嘅新住客。只得18個月大嘅Gladstone之前喺倫敦街頭流浪,之後俾動物之家收養咗,最近因為英國財政部辦公室一直有鼠患,所以就收養咗呢隻喵星人嘞。不過Gladstone似乎仲未正式開工,見佢主要都係瞓吓玩吓,應該仲未知道自己有捉老鼠呢個重要任務喎‥‥‥

Read more ›

黑面喵星人成功上樓 癈置空屋被發現繼續擺款
by / on 25/06/2016 at 1:45 pm

黑面喵星人成功上樓 癈置空屋被發現繼續擺款

又有喵星人成功上樓!不過佢唔係走可愛路線,個樣天生黑口黑臉超不爽,但其實佢心入面應該係好開心可以成功上樓。說話Paul Tateosian去咗美國佛羅里達州郊外一間空屋做調查,期間發現咗呢隻睇落好耐無食嘢嘅喵星人,佢喺附近搵咗個芒果俾佢食,點知喵星人黑晒面表示無興趣喎。最後調查完畢,呀Paul諗起呢個地方有蛇有鷹好危險,放是就乘機帶呢隻喵星人返屋企養嘞,仲幫佢改埋名叫Garfield,好幸福!BTW,邊個話喵星人開心唔可以黑面架?

Read more ›
【成功上樓】流浪喵星人藏身巨型車轆旁 超屈機100%會收養
by / on 22/05/2016 at 3:00 pm

【成功上樓】流浪喵星人藏身巨型車轆旁 超屈機100%會收養

又一隻喵星人成功上樓!今次呢隻喵星人出現喺一架大貨車嘅車轆旁邊,場景好屈機,加埋佢個可愛表情,點可以唔帶佢返屋企?發現佢嘅男人影咗呢張相send比老婆,問可唔可以帶隻貓返屋企,老婆大人回話:「望見佢個樣,有邊個可以拒絕得到呢?」咁隻喵星人就成功上樓嘞,而隻喵好快已經融入家中,喺屋企瞓得好冧碌嚟碌去。BTW,今日真係好多喵星人新聞,或者Gameover應該改名做catover。

Read more ›
【成功上樓】日本超紅喵星人近照 抱腳求收養全家好幸福
by / on 23/03/2016 at 7:14 am

【成功上樓】日本超紅喵星人近照 抱腳求收養全家好幸福

仲記唔記得呢隻日本喵星人呀Vell?當年佢喺公園纏住而家嘅主人抱腳求收養,自己屋企自己爭取,成功上樓,返到屋企半個鐘而經變咗大爺,仲紅爆日本Twitter。唔經唔覺,佢已經被收養咗半年嘞。而家兩歲半嘅佢生活無憂,最鍾意陪主人洗衫同埋睇動畫,入嚟有佢嘅新相睇,真開心。

Read more ›